Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 3 апрели соли 2007 № 182

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Дар матни Низомномаи Хадамоти назорати давлатии байторӣ, ки бо қарори Ҳукумати Ҷумҳурии Тоҷикистон аз 3 апрели соли 2007 № 182 "Дар бораи Хадамоти назорати давлатии байторӣ" тасдиқ шудааст, калимаҳои "Вазорати кишоварзӣ ва ҳифзи табиати Ҷумҳурии Тоҷикистон", "Вазири кишоварзӣ ва ҳифзи табиати Ҷумҳурии Тоҷикистон" мутобиқан ба калимаҳои "Вазорати кишоварзии Ҷумҳурии Тоҷикистон", "Вазири кишоварзии Ҷумҳурии Тоҷикистон" иваз карда шаванд.