Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 7 ноябри соли 2003 № 486

Мутобиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 7 ноябри соли 2003 № 486 "Дар бораи Нақшаи стратегии хусусигардонии корхонаҳои миёнаю калон ва реструктуризатсияи субъектҳои монополияи табиӣ ва корхонаҳои махсусан калон барои солҳои 2003-2007" тағйироти зерин ворид карда шаванд:

- дар матни қарор ва Нақшаи стратегии хусусигардонии корхонаҳои миёнаю калон ва реструктуризатсияи субъектҳои монополияи табиӣ ва корхонаҳои махсусан калон барои солҳои 2003- 2007 рақамҳои "2007" ба рақамҳои "2009" иваз карда шаванд.

- банди 2 қарор дар таҳрири зайл ифода карда шавад:

"Кумитаи давлатии сармоягузорӣ ва идораи амволи давлатии Ҷумҳурии Тоҷикистон фурӯши 100% саҳмияҳои ҷамъиятҳои саҳомии боқимонда ва ҷамъиятҳои саҳомие, ки дар давраи солҳои 2008-2009 дар заминаи корхонаҳои давлатӣ ташкил мешаванд, тибқи боби III Нақшаи стратегии мазкур дар ҳаҷми пурра таъмин намояд".

2. Вазорату идораҳои Ҷумҳурии Тоҷикистон таклифҳоро дар хусуси ба ҷамъиятҳои саҳомӣ табдил додани корхонаю ташкилотҳои таҳти тобеияташон қарордошта ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон пешниҳод намоянд.