Ҳукумати Ҷумҳурии Тоҷикистон

ҚАРОР

Оид ба ворид намудани тағйирот ба қарори Ҳукумати Ҷумҳурии Тоҷикистон аз 2 декабри соли 2005 № 470

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 2 декабри соли 2005 № 470 "Дар бораи ба тартиб даровардани гузаронидани ҳаҷ ва умра" тағйироти зерин ворид карда шавад:

- дар матни қарор ва Дастурамали тартиби сафари дастаҷамъии шаҳрвандон ба ҳаҷ ва умра, ки бо қарори мазкур тасдиқ шудааст, калимаҳои "Кумитаи оид ба корҳои дини назди Ҳукумати Ҷумҳурии Тоҷикистон" ва "Кумита" мутаносибан ба калимаҳои "Вазорати фарҳанги Ҷумҳурии Тоҷикистон" ва "Вазорат" иваз карда шаванд;

- дар банди 5 қарор калимаҳои "Корхонаи воҳиди давлатии ҳавопаймоии Тоҷикистон" ба калимаҳои "Корхонаи воҳиди давлатии ҳавопаймоии "Тоҷик Эйр" иваз карда шаванд.