ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мақомоти худидораи шаҳрак ва деҳа"

Моддаи 1. Ба Қонуни Ҷумҳурии Тоҷикистон аз 1 декабри соли 1994 "Дар бораи мақомоти худидораи шаҳрак ва деҳа" (Ахбори Шӯрои Олии Ҷумҳурии Тоҷикистон, соли 1994, №23-24, моддаи 450) тағйиру иловаҳои зерин ворид карда шаванд:

1. Ном ва дебочаи Қонун дар таҳрири зерин ифода карда шаванд:

"Қонуни Ҷумҳурии Тоҷикистон "Дар бораи мақомоти худидоракунии шаҳрак ва деҳот"

Қонуни мазкур асосҳои ҳуқуқӣ, тартиби ташкил, ваколат ва фаъолияти мақомоти худидоракунии шаҳрак ва деҳотро танзим менамояд.".

2. Рақамгузории бобҳои Қонун бо рақамҳои арабӣ ишора карда шуда, калимаи "Боби" илова карда шавад.

3. Моддаи 1 дар таҳрири зерин ифода карда шавад:

"Моддаи 1. Мақомоти худидоракунии шаҳрак ва деҳот мувофиқан ҷамоати шаҳрак ва ҷамоати деҳот мебошанд. Ҷамоатҳо барои амалӣ намудани ҳуқуқи шаҳрвандон ҷиҳати иштирок дар идоракунии корҳои ҷамъиятӣ ва давлатӣ ёрӣ мерасонанд, онҳоро баҳри иҷрои вазифаҳои иҷтимоӣ ва хоҷагӣ муттаҳид месозанд, ба мақомоти иҷроияи маҳаллии ҳокимияти давлатӣ дар иҷрои талаботи Конститутсияи (Сарқонуни) Ҷумҳурии Тоҷикистон, қонунҳо, Қонуни мазкур, қарорҳои якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, қарорҳои Маҷлиси миллӣ, қарорҳои Маҷлиси намояндагон, санадҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон ва қарорҳои Маҷлисҳои вакилони халқ мусоидат менамоянд.".

4. Моддаи 1(1) бо мазмуни зерин илова карда шавад:

"Моддаи 1(1). Қонунгузории Ҷумҳурии Тоҷикистон дар бораи мақомоти худидоракунии шаҳрак ва деҳот ба Конститутсияи (Сарқонуни) Ҷумҳурии Тоҷикистон асос ёфта, аз Қонуни мазкур, дигар санадҳои меъёрии ҳуқуқии Ҷумҳурии Тоҷикистон ва санадҳои ҳуқуқии байналмилалие, ки Тоҷикистон онҳоро эътироф кардааст, иборат мебошад.".

5. Дар моддаи 2 ва минбаъд дар тамоми матни Қонун калимаҳои "худидора" ва "худидораи" мутаносибан ба калимаҳои "худидоракунӣ" ва "худидоракунии" иваз карда шаванд.

6. Моддаи 3 дар таҳрири зайл ифода карда шавад:

"Моддаи 3. Тартиби интихоб, ташкили фаъолият ва ҳадди ваколатҳои мақомоти худидоракунии шаҳрак ва деҳот бо Қонуни мазкур ва дигар санадҳои меъёрии ҳуқуқии Ҷумҳурии Тоҷикистон танзим мегардад.".

7. Моддаи 4 дар таҳрири зайл ифода карда шавад:

"Моддаи 4. Мақомоти худидоракунии шаҳрак ва деҳот мақоми шахси ҳуқуқиро доро буда, мӯҳри муқарраргардидаи давлатиро дорад.".

8. Дар қисми сеюми моддаи 10 пеш аз калимаҳои "ба тарафдории онҳо" калимаи "агар" илова карда шавад.

9. Моддаи 11 дар таҳрири зерин ифода карда шавад:

"Моддаи 11. Дар мавриди риоя накардани талаботи Конститутсияи (Сарқонуни) Ҷумҳурии Тоҷикистон, қонунҳо, Қонуни мазкур, қарорҳои якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, қарорҳои Маҷлиси миллӣ, қарорҳои Маҷлиси намояндагон, санадҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон, қарорҳои Маҷлисҳои вакилони халқ, инчунин эътибор пайдо кардани ҳукми айбдоркунии суд, дар ҳолати аз шаҳрвандии Ҷумҳурии Тоҷикистон баромадан, аз ҳудуди ҷамоат кӯчида рафтан ва дигар сабабҳо раис, муовинони ӯ ва котиби ҷамоат бо пешниҳоди раиси шаҳр, ноҳия ва ё аз рӯи дархости сеяки шаҳрвандоне, ки ҳуқуқи дар ҷамоат иштирок карданро доранд, пеш аз мӯҳлат аз нав интихоб карда мешаванд.".

10. Дар қисми якуми моддаи 14:

-қисми якум дар таҳрири зерин ифода карда шавад:

"Ҷамоат барномаи фаъолият, сметаи даромад ва хароҷоти мақомоти худидоракунии шаҳрак ва деҳот, нақшаи чорабиниҳоро оид ба ободонӣ, расонидани ёрии байторӣ, муҳофизати муҳити зист ва корҳои санитарию эпидемиологӣ тасдиқ менамояд.";

- дар сархати якум калимаи "соҳаҳои" ба калимаи "самтҳои" иваз карда шавад;

- сархати панҷум дар таҳрири зерин ифода карда шавад:

"масъалаҳои тағйири ҳудуди қаламрави худ, иваз кардани номи деҳа, кӯча, майдону гулгаштҳо, минтақаҳои истироҳатӣ ва дигар объектҳоро баррасӣ менамояд ва ба мақомоти маҳаллии ҳокимияти давлатӣ таклифҳо пешниҳод мекунад;".

11. Моддаи 16 дар таҳрири зерин ифода карда шавад:

"Моддаи 16. Ҷамоат дар мувофиқа бо мақомоти иҷроияи маҳаллии ҳокимияти давлатӣ барои ташкилу фаъолияти мақомоти худфаъолияти ҷамъиятӣ шароити зарурии ҳуқуқӣ, ташкилӣ ва дигар шароитро муҳайё ва ба аҳолӣ дар амалӣ намудани ҳуқуқҳои онҳо дар мақомоти худфаъолияти ҷамъиятӣ мусоидат менамояд.

Ҷамоат қайди баҳисобгирии Оинномаи мақомоти худфаъолияти ҷамъиятиро дар ҳудуди шаҳрак ва деҳот анҷом медиҳад.".

12. Дар қисми якуми моддаи 19:

- сархати якум дар таҳрири зерин ифода карда шавад:

"дар амалӣ намудани талаботи Конститутсияи (Сарқонуни) Ҷумҳурии Тоҷикистон, қонунҳо, Қонуни мазкур, қарорҳои якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, қарорҳои Маҷлиси миллӣ, қарорҳои Маҷлиси намояндагон, санадҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон ва қарорҳои мақомоти маҳаллии ҳокимияти давлатӣ корҳоро ташкил менамояд;";

- дар сархати сеюм ва минбаъд дар тамоми матни Қонун калимаҳои "мақомоти ҳокимияти давлатӣ" ба калимаҳои "мақомоти маҳаллии ҳокимияти давлатӣ" иваз карда шаванд;

- сархати ҳаштум дар таҳрири зайл ифода карда шавад:

"корҳои ҷамъиятии беҳдошти қабристонҳо, ёдгориҳои мероси таърихию фарҳангиро ташкил менамояд;";

- дар сархати ёздаҳум калимаи "сарҳадоти" ба калимаи "ҳудуди" иваз карда шавад.

Сархатҳо бо мазмуни зайл илова карда шаванд:

"иҷрои маросимҳои диниву мазҳабиро дар асоси талаботи қонунгузории Ҷумҳурии Тоҷикистон таъмин менамояд;

иҷрои Қонуни Ҷумҳурии Тоҷикистон "Дар бораи танзими анъана ва ҷашну маросимҳо дар Ҷумҳурии Тоҷикистон"-ро назорат мекунад ва барои фаъолияти мунтазами комиссияҳои танзими анъана ва ҷашну маросимҳо дар шаҳрак ва деҳот шароит муҳайё менамояд.".

13. Моддаи 20 бо мазмуни зайл илова карда шавад:

"Моддаи 20. Шахсони воқеӣ ва ҳуқуқӣ барои вайрон кардани Қонуни мазкур мутобиқи қонунгузории Ҷумҳурии Тоҷикистон ба ҷавобгарӣ кашида мешаванд.".

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул намудани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мақомоти худидораи шаҳрак ва деҳа"

Маҷлиси намояндагони Маҷлиси Олии Ҷумҳурии Тоҷикистон қарормекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мақомоти худидораи шаҳрак ва деҳа" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мақомоти худидораи шаҳрак ва деҳа"

Маҷлиси миллии Маҷлиси Олии Ҷумҳурии Тоҷикистбн Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мақомоти худидораи шаҳрак ва деҳа" баррасӣ намуда, қарор мекунад:

Қонуни Ҷумҳурии Тоҷикистон "Дар бораи ворид намудани тағйиру иловаҳо ба Қонуни Ҷумҳурии Тоҷикистон "Дар бораи мақомоти худидораи шаҳрак ва деҳа" ҷонибдорӣ карда шавад.