ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи маводи доруворӣ ва фаъолияти фармасевтӣ"

Моддаи 1. Ба Қонуни Ҷумҳурии Тоҷикистон аз 6 августи соли 2001 "Дар бораи маводи доруворӣ ва фаъолияти фармасевтӣ" (Ахбори Маҷлиси Олии Ҷумҳурии Тоҷикистон, соли 2001, №7 мод. 499; соли 2003, №12, мод. 700; соли 2007, №5, мод.375) тағйиру иловаҳои зерин ворид карда шаванд:

1. Бобҳо бо рақамҳои арабӣ ишора карда шаванд.

2. Дар моддаи 1 баъд аз калимаҳои "муомилоти маводи доруворӣ" калимаҳои "молҳои тиббӣ ва фаъолияти фармасевтӣ" илова карда шаванд.

3. Моддаи 2 дар таҳрири зайл ифода карда шавад:

"Моддаи 2. Қонунгузории Ҷумҳурии Тоҷикистон дар бораи маводи доруворӣ ва фаъолияти фармасевтӣ

Қонунгузории Ҷумҳурии Тоҷикистон дар бораи маводи доруворӣ ва фаъолияти фармасевтӣ ба Конститутсияи (Сарқонуни) Ҷумҳурии Тоҷикистон асос ёфта, аз Қонуни мазкур, дигар санадҳои меъёрии ҳуқуқии Ҷумҳурии Тоҷикистон, инчунин санадҳои ҳуқуқии байналмилалие, ки Тоҷикистон онҳоро эътироф кардааст, иборат аст.".

4. Дар моддаи 3:

- сархати ёздаҳум бо мазмуни зерин илова карда шавад:

"Дорувории қалбакӣ - доруворие, ки аз рӯи таркиб, хусусият ва дигар тавсифҳо ба асл ё дорувории такроран истеҳсолшудаи истеҳсолкунанда (генерикӣ) мувофиқат намекунад, ғайриқонунӣ ва қасдан бо тамғақоғази қалбакӣ муҷаҳҳаз шудааст ва ё дорои маълумоти нодуруст оид ба таркиб, таърихи истеҳсол, мӯҳлати истифодабарӣ ё истеҳсолкунандаи доруворӣ аст".

- дар сархати чордаҳум калимаи "арзёбии" ба калимаи "дараҷаи" иваз карда шавад;

- дар сархати ҳабдаҳум калимаҳои "тарзи назорати" ба калимаҳои "усулҳои таҳлили" иваз карда шаванд;

- дар сархати бисту дуюм баъд аз калимаи "санҷида" калимаҳои "таъмин карда" илова карда шаванд;

- сархати бисту чорум дар таҳрири зерин ифода карда шавад;

"Ташкилотҳои фармасевтӣ-ташкилоту корхонаҳо ва муассисаҳое, ки ба воридот, содирот, нигоҳдорӣ, коркард, истеҳсол, назорати сифат, судмандӣ, бехатарӣ, савдои доруворӣ ва молҳои тиббӣ, ҳамчунин ба захира, коркарди ашёи хоми доруворӣ ва парвариши гиёҳҳои шифобахш, ҷамъоварӣ, таҳлил ва додани иттилоот дар бораи фаъолияти фармасевтӣ, доруворӣ ва молҳои тиббӣ машғуланд. Ба онҳо ташкилоту корхонаҳои фармасевтӣ (заводҳо, фабрикаҳо ва ғайра), дорухонаҳо, озмоишгоҳҳои махсусгардонидашуда, корхонаҳои коркарди доруворӣ, корхонаҳои савдои яклухт ва хоҷагиҳое мансубанд, ки ба захира ва коркарди ашёи хоми доруворӣ машғуланд.".

5. Дар моддаи 4 ва дар тамоми матни Қонун калимаҳои "(литсензиядиҳӣ)" ва "литсензия" хориҷ карда шаванд.

6. Ба моддаи 5 сархати шашум бо мазмуни зерин илова карда шавад:

"- Номгӯи моддаҳои сахттаъсир ва Номгӯи моддаҳои заҳрнокро тасдиқ менамояд".

7. Дар моддаи 6:

- дар сархати панҷум калимаи "рӯйхати" ба калимаи "Рӯйхати маводи" иваз карда шавад;

- аз сархати ҳафтум калимаи "дастури" хориҷ карда шавад;

- сархати ҳаштум дар таҳрири зайл ифода карда шавад:

"- доруномаи давлатии Ҷумҳурии Тоҷикистонро тасдиқ ва нашр мекунад;";

- дар сархати сенздаҳум баъд аз калимаи "сифат" калимаи "судмандӣ" илова карда шавад;

- дар сархати ҳабдаҳум баъд аз калимаи "хусусиятҳои" калимаи "таъсири" илова карда шавад;

- дар сархати нуздаҳум калимаҳои "мақомоти ҳокимияти иҷроия дар маҳалҳо" ба калимаҳои "мақомоти иҷроияи маҳаллии ҳокимияти давлатӣ" иваз карда шаванд.

8. Дар моддаи 7:

- дар номи модда баъд аз калимаи "мақомоти" калимаи "иҷроияи" илова карда шавад;

- дар матни модда калимаҳои "мақомоти ҳокимияти давлатӣ дар маҳалҳо" ба калимаҳои "Мақомоти иҷроияи маҳаллии ҳокимияти давлатӣ" иваз карда шаванд.

9. Ба моддаи 12 қисми сеюм бо мазмуни зерин илова карда шавад:

"Дар Ҷумҳурии Тоҷикистон муомилоти доруворие, ки ба талаботи стандартҳои муқарраршуда ҷавобгӯй нест, манъ аст.".

10. Дар қисми дуюми моддаи 13 калимаҳои "воқеӣ тааллуқдошта" ба калимаҳои "воқеие тааллуқ дорад, ки" иваз карда шаванд.

11. Дар моддаи 14:

- дар қисми чорум баъд аз калимаи "асоси" калимаҳои "дархости муассисаҳои табобативу пешгирӣ ва" илова карда шаванд;

- қисми панҷум бо мазмуни зерин илова карда шавад:

"Дар Ҷумҳурии Тоҷикистон истеҳсол ва тайёр намудани дорувории қалбакӣ ва ба талаботи стандартҳои муқарраршуда ҷавобгӯй набуда манъ аст.".

12. Дар моддаи 15 калимаи "истифодакардаи" ба калимаи "тасдиқкардаи" иваз карда шавад.

13. Дар моддаи 16:

- дар қисми якум калимаи "муассисаҳои" ба калимаи "ташкилотҳои" иваз карда шавад;

- дар қисми дуюм баъд аз калимаҳои "маҳсулотсупорандагони яклухт" калимаи "танҳо" илова карда шуда, калимаҳои "ва муассисаҳои савдои яклухт" хориҷ карда шаванд;

- қисми сеюм бо мазмуни зерин илова карда шавад:

"Фурӯши дорувории бесифат, қалбакӣ, ба талаботи стандартҳои муқарраршуда ҷавобгӯй набуда ва мӯҳлати истифодааш гузашта манъ аст.".

14. Дар моддаи 18:

- дар номи модда баъд аз калимаи "доруворӣ" калимаҳои "ва молҳои тиббӣ" илова карда шаванд;

- ба қисми сеюми моддаи 18 баъд аз калимаи "барои" калимаҳои "истифодаи ғайримақсаднок ва" ва калимаи "дорувории" ба "доруворӣ" иваз карда шуда, баъд аз нн калима калимаҳои "ва молҳои тиббии" илова карда шаванд.

15. Дар моддаи 19 калимаҳои "навишта додани он" ба калимаҳои "ба расмият даровардан" иваз карда шаванд.

16. Дар моддаи 21:

- дар қисми дуюм калимаҳои "мақоми ваколатдори Ҳукумати Ҷумҳурии Тоҷикистон" ба калимаҳои "мақоми ваколатдори давлатӣ дар соҳаи фармасевтӣ" иваз карда шаванд;

- қисми чорум бо мазмуни зерин илова карда шавад:

"Воридоти дорувории қалбакӣ ва ба талаботи стандартҳои муқарраршуда ҷавобгӯй набуда, мӯҳлати истифодааш гузашта ба қаламрави Ҷумҳурии Тоҷикистон манъ аст.".

17. Дар ном ва матни моддаи 23 калимаи "нашъаовар" ба калимаи "нашъадор" иваз карда шавад.

18. Дар моддаи 27:

- дар қисми панҷум калимаҳои "анҷом додани" ба калимаҳои "гузарондани" иваз карда шаванд;

- дар қисми шашум калимаҳои "Анҷом додани" ба калимаи "Гузарондани" иваз карда шавад.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Оид ба қабул намудани Қонуни Ҷумҳурии Тоҷикистон "Дар бораи ворид намудани тағйиру иловаҳо ба Қонуни Ҷумҳурии Тоҷикистон "Дар бораи маводи доруворӣ ва фаъолияти фармасевтӣ"

Маҷлиси намояндагони Маҷлиси Олии Ҷумҳурии Тоҷикистон қарормекунад:

Қонуни Ҷумҳурии Тоҷикистон "Дар бораи ворид намудани тағйиру иловаҳо ба Қонуни Ҷумҳурии Тоҷикистон "Дар бораи маводи доруворӣ ва фаъолияти фармасевтӣ" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи маводи доруворӣ ва фаъолияти фармасевтӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи маводи доруворӣ ва фаъолияти фармасевтӣ" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи маводи доруворӣ ва фаъолияти фармасевтӣ" ҷонибдорӣ карда шавад.