ҚОНУНИ ҶУМҲУРИИ ТОҶИКИСТОН

Дар бораи ворид намудани тағйирот ба Кодекси ҷангали Ҷумҳурии Тоҷикистон

Моддаи 1. Ба Кодекси ҷангали Ҷумҳурии Тоҷикистон аз 24 июни соли 1993 (Ахбори Шӯрои Олии Ҷумҳурии Тоҷикистон, соли 1993, №13, моддаи 243.; Ахбори Маҷлиси Олии Ҷумҳурии Тоҷикистон, соли 1997, №9, моддаи 117.; соли 2008, №1, қ.2, моддаи 17) тағйироти зерин ворид карда шаванд:

Дар матни Кодекс калимаҳои "Мақомоти давлатии хоҷагии ҷангал", "мақомоти хоҷагии ҷангали Ҷумҳурии Тоҷикистон", "мақомоти хоҷагии ҷангал", "Иттиҳодияи истеҳсолии хоҷагии ҷангали Ҷумҳурии Тоҷикистон (ИИХҶ "Тоҷикҷангал"),,"Иттиҳодияи истеҳсолии хоҷагии ҷангали Ҷумҳурии Тоҷикистон" ба калимаҳои "Мақомоти ваколатдори давлатии ҳифзи муҳити зист" ва дар қисми 3 моддаи 23 калимаи "байналхалқӣ" ба калимаи "байналмилалӣ" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Оид ба қабули Қонуни Ҷумҳурии Тоҷикистон "Дар бораи ворид намудани тағйирот ба Кодекси ҷангали Ҷумҳурии Тоҷикистон"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

1. Қонуни Ҷумҳурии Тоҷикистон "Дар бораи ворид намудани тағйирот ба Кодекси ҷангали Ҷумҳурии Тоҷикистон" қабул карда шавад.

2. Қарори Маҷлиси намояндагони Маҷлиси Олии Ҷумҳурии Тоҷикистон аз 30 январи соли 2008 "Дар бораи ворид намудани тағйирот ба Кодекси ҷангали Ҷумҳурии Тоҷикистон" (Ахбори Маҷлиси Олии Ҷумҳурии Тоҷикистон, соли 2008, №1. қисми 2, моддаи 54) аз эътибор соқит дониста шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Оид ба Қонуни Ҷумҳурии Тоҷикистон "Дар бораи ворид намудани тағйирот ба Кодекси ҷангали Ҷумҳурии Тоҷикистон"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Дар бораи ворид намудани тағйирот ба Кодекси ҷангали Ҷумҳурии Тоҷикистон" баррасӣ намуда, қарор мекунад:

Қонуни Ҷумҳурии Тоҷикистон "Дар бораи ворид намудани тағйирот ба Кодекси ҷангали Ҷумҳурии Тоҷикистон" ҷонибдорӣ карда шавад.