Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 2 декабри соли 2006 № 524

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 2 декабри соли 2006 № 524 "Дар бораи тасдиқи низомномаҳои Ҷоизаҳои давлатии Ҷумҳурии Тоҷикистон ба номи Абӯалӣ ибни Сино дар соҳаи илм ва техника, Кумитаи Ҷоизаҳои давлатии Ҷумҳурии Тоҷикистон ба номи Абӯалӣ ибни Сино дар соҳаи илм ва техникаи назди Ҳукумати Ҷумҳурии Тоҷикистон ва ҳайати нави ин Кумита" тағйиру иловаҳои зерин ворид карда шаванд:

1. Сархати шашуми банди 2 Низомномаи Ҷоизаҳои давлатии Ҷумҳурии Тоҷикистон ба номи Абӯалӣ ибни Сино дар соҳаи илм ва техника дар таҳрири зерин ифода карда шавад:

"Андозаи як ҷоиза мутаносиб ба 3500 доллари ИМА буда, бо пули миллӣ аз рӯи қурби асъории Бонки миллии Ҷумҳурии Тоҷикистон дар рӯзи қабули қарори Ҳукумати Ҷумҳурии Тоҷикистон дар бораи мукофотонӣ пардохта шавад".

2. Дар ҳайати Кумитаи Ҷоизаҳои давлатии Ҷумҳурии Тоҷикистон ба номи Абӯалӣ ибни Сино дар соҳаи илм ва техникаи назди Ҳукумати Ҷумҳурии Тоҷикистон:

Аз ҳайати Раёсати Кумита ва Бахши илмҳои биология, тиб ва кишоварзӣ бароварда шавад:

Набиев Т. - президенти Академияи илмҳои кишоварзии Тоҷикистон, академики Академияи илмҳои кишоварзии Тоҷикистон, доктори илмҳои кишоварзӣ, профессор, (раиси бахш).

Ба ҳайати Раёсати Кумита ва Бахши илмҳои биология, тиб ва кишоварзӣ ворид карда шавад:

Сатторов И.Т. - ректори Донишгоҳи аграрии Тоҷикистон, академики Академияи илмҳои кишоварзии Тоҷикистон, доктори илмҳои бойторӣ, профессор, раиси Бахш.

Ба ҳайати Бахши илмҳои биология, тиб ва кишоварзӣ ворид карда шавад:

Бухориев Т.А. - и.в. ноиби президенти Академияи илмҳои кишоварзии Тоҷикистон, узви вобастаи Академияи илмҳои кишоварзии Тоҷикистон, доктори илмҳои кишоварзӣ.