Ҳукумати Ҷумҳурии Тоҷикистон

ҚАРОР

Дар бораи чораҳои баланд бардоштани ҳифзи иҷтимоии табақаҳои камбизоати аҳолии Ҷумҳурии Тоҷикистон

Ба мақсади баланд бардоштани ҳифзи иҷтимоии табақаҳои камбизоати аҳолӣ Ҳукумати Ҷумҳурии Тоҷикистон қарормекунад:

1. Бо сабабҳои баланд шудани нархҳои молҳои истеъмолӣ ва хизматрасонӣ аз 1 маи соли 1998 пардохти ҷубронпулӣ дар ҳаҷми 500 рубл дар як моҳ:

барои кӯдакони то синни 8 сола;

нафақахӯрон ва маъюбони бекор;

донишҷӯёни мактабҳои олӣ ва муассисаҳои таълимии

миёнаи махсус ва хонандагони омӯзишгоҳҳои касбӣ

-техникӣ дода шавад.

2. Муқаррар карда шавад, ки:

ҷубронпулй барои кӯдакони то 8 сола, навтаваллудшуда, ба фарзанди хонда шуда ва ба парасторӣ гирифта шуда дода мешавад, агар даромади умумии миёна ба ҳар аъзои оила дар як моҳ аз як маоши ҳади ақал зиёд набошад;

ба кӯдакони то синни 16 сола, ки барои гум кардани саробон нафақа мегиранд, новобаста ба даромади оила, ҷубронпулй дода мешавад;

ба нафақахӯрон ва маъюбони бекор, ки нафақаашон аз ҳаҷми ақали муайян кардаи нафақаи синусолӣ зиёд набошад, ҷубронпулӣ дода мешавад;

ба донишҷӯёни мактабҳои олӣ ва миёнаи махсус (ба истиснои онҳое, ки дар асоси шартнома мехонанд), хонандагони омӯзишгоҳҳои касбӣ-техникӣ новобаста ба ҳаҷми стипендияҳои ҷубронпулӣ дода мешавад.

3. Вазорати молияи Ҷумхурии Тоҷикистон дар якҷоягӣ бо Вазорати ҳифзи иҷтимоии аҳолии Ҷумҳурии Тоҷикистон, Вазорати меҳнат ва шуғли аҳолии Ҷумҳурии Тоҷикистон ва Фонди ҳифзи иҷтимоии аҳолии назди Ҳукумати Ҷумҳурии Тоҷикистон Низомномаро "Дар бораи тартиби пардохти ҷубронпулӣ бо сабаби афзудани нархи молҳои истеъмолӣ ва хизматрасонӣ", мутобиқи қарори мазкур тасдиқ карда, истифодаи суроғадор ва мақсадноки маблағҳои ҷудошударо таъмин намоянд.

4. Банди 3 қарори Ҳукумати Ҷумҳурии Тоҷикистон аз 1 апрели соли 1997 № 141 "Дар бораи чораҳои иҷрои Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон барои соли 1997 ва Қарори Маҷлиси Олии Ҷумҳурии Тоҷикистон оиди амали Қонуни мазкур" беъэтибор дониста шавад.