Ҳукумати Ҷумҳурии Тоҷиикистон

ҚАРОР

Дар бораи тасдиқи Оинномаи Академияи илмҳои кишоварзии Тоҷикистон

Мувофиқи моддаи 53 Кодекси граждании Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1. Оиннома, Сохтори дастгоҳи марказӣ, Номгӯи муассисаҳои илмию таҳқиқотӣ, ташкилотҳои тобеи муассисаҳои илмию таҳқиқотии Академияи илмҳои кишоварзии Тоҷикистон тасдиқ карда шаванд (замимаҳои 1, 2, 3, 4) (қарори Ҳукумати ҶТ аз 31.08.2020 № 487).

2. Шумораи ниҳоии кормандони дастгоҳи марказии Академияи илмҳои кишоварзии Тоҷикистон 18 воҳид (бе ҳайати хизматрасон) муқаррар карда шавад (қарори Ҳукумати ҶТ аз 31.08.2020 № 487).

3. Маблағгузории Академияи илмҳои кишоварзии Тоҷикистон аз ҳисоби маблағҳои буҷети ҷумҳуриявӣ ва маблагҳои дигар дар мувофиқа бо Вазорати молияи Ҷумҳурии Тоҷикистон анҷом дода шавад.

4. Ба Академияи илмҳои кишоварзии Тоҷикистон иҷозат дода шавад, ки як ноиби президент дошта бошад ва лимити автомобилҳои сабукрави хизматиро ба миқдори 2 адад муқаррар намояд.

5. Қарори Ҳукумати Ҷумҳурии Тоҷикистон аз 31 январи соли 2006 № 70 аз эътибор соқит дониста шавад.