Бо қарори Ҳукумати ҶТ аз 15.02.1997с.№103 беэътибор дониста шуд

ҲУКУМАТИ ҶУМҲУРИИ ТОҶИКИСТОН

ҚАРОР

Масъалаҳои кумитаи металлу сангҳои қимматбаҳои назди Ҳукумати Ҷумҳурии Тоҷикистон

Бо мақсади иҷрои Фармони Президенти Ҷумҳурии Тоҷикистон, "Дар бораи таъсиси Кумитаи металлу сангҳои қиматбаҳои назди Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Низомномаи Кумитаи металлу сангҳои қиматбаҳои назди Ҳукумати Ҷумҳурии Тоҷикистон, сохтори дастгоҳи марказӣ ва номгӯи ташкилоту корхонаҳои тобеи Кумита тасдиқ карда шавад.

2. Ба Кумитаи металлу сангҳои қиматбаҳои назди Ҳукумати Ҷумҳурии Тоҷикистон иҷозат дода шавад, ки чор муовини Раис, аз ҷумла як муовини якум ва муовини оид ба низом, инчунин дар ҳайати 9 нафар коллегия дошта бошад.

3. Шумораи кормандони дастгоҳи марказии Кумитаи металлу сангҳои қиматбаҳо бо дарназардошти хайати хизматрасон ба миқдори 53 воҳид муқаррар карда шавад.

4. Лимити мошинҳои хизматии Кумитаи металлу, сангҳои қиматбаҳои назди Ҳукумати Ҷумҳурии Тоҷикистон ба миқдори 5 воҳид муқаррар карда шавад.

5. Вазорати молияи Ҷумҳурии Тоҷикистон якҷоя бо Кумитаи металлу сангҳои қиматбаҳои назди Ҳукумати Ҷумҳурии Тоҷикистон лимити сафарҳои хизматии кормандони дастгоҳи марказии Кумитаи металлу сангҳои қиматбаҳои назди Ҳукумати Ҷумҳурии Тоҷикистон муайян намояд.