Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 декабри соли 2006 № 589

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Хукумати Ҷумҳурии Тоҷикистон аз 28 декабри соли 2006 № 589 "Дар бораи Вазорати рушди иқтисод ва савдои Ҷумҳурии Тоҷикистон" тағйиру иловаҳои зерин ворид карда шаванд:

дар банди 2 қарор рақамҳои "280" ва "200" мутобиқан ба рақамҳои "277" ва "197" иваз карда шаванд;

дар банди 1 Низомномаи Вазорати рушди иқтисод ва савдои Ҷумҳурии Тоҷикистон калимаҳои "ҳуқуқҳои истеъмолкунандагон ва назорати фаъолияти рекламавиро" ба калимаҳои "ҳуқуқҳои истеъмолкунандагон, назорати фаъолияти рекламавӣ ва ҳамоҳангсозии масъалаҳои гузаронидани мониторинг ва баҳодиҳии татбиқи стратегияҳои миллии рушд ва стратегияҳои паст кардани сатҳи камбизоатӣ ва барномаҳои давлатии сармоягузориро" иваз карда шаванд;

дар Сохтори дастгоҳи марказии Вазорати рушди иқтисод ва савдои Ҷумҳурии Тоҷикистон калимаҳои "Раёсати захираҳои давлатӣ ва сафарбарӣ" ба калимаҳои "Раёсати котибот" иваз карда шуда, сархати нав бо мазмуни зерин илова карда шавад:

"Шӯъбаи хариди давлатӣ, фаъолияти биржавӣ ва амволи махсус".