Ҳукумати Ҷумҳурии Тоҷикистон

ҚАРОР

Дар бораи тасдиқи Низомнома дар бораи комиссияҳои сетарафа оид ба танзими муносибатҳои иҷтимоию меҳнатӣ дар Ҷумҳурии Тоҷикистон

Мутобиқи моддаи 300 Кодекси меҳнати Ҷумҳурии Тоҷикистон, Ҳукумати Ҷумҳурии Тоҷикистон қарор мекунад (қарори Ҳукумати ҶТ аз 17.03.2017 № 136):

1. Низомнома дар бораи комиссияҳои сетарафа оид ба танзими муносибатҳои иҷтимоию меҳнатӣ дар Ҷумҳурии Тоҷикистон тасдиқ карда шавад (замима мегардад) (қарори Ҳукумати ҶТ аз 17.03.2017 № 136).

2. Низомномаи Комиссияи сегона оид ба танзими муносибатҳои иҷтимоию меҳнатӣ дар Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 21 декабри соли 1994 № 12 "Дар бораи тасдиқи Низомномаи тартиби таҳия ва бастани Созишномаи генералӣ ва созишномаҳои соҳавӣ дар Ҷумҳурии Тоҷикистон ва Низомномаи Комиссияи сегона оид ба танзими муносибатҳои иҷтимоию меҳнатӣ дар Ҷумҳурии Тоҷикистон" тасдиқ шудааст, аз эътибор соқит дониста шавад.