Ҳукумати Ҷумҳурии Тоҷикистон

ҚАРОР

Дар бораи Комиссияи давлатӣ оид ба қабули заминҳои нави азхудкардашуда

Мутобиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Комиссияи давлатӣ оид ба қабули заминҳои нави азхудкардашуда таъсис дода шуда, ҳайати он тасдиқ карда шавад (замима мегардад).

2. Низомномаи Комиссиян давлатӣ оид ба қабули заминҳои нави азхудкардашуда тасдиқ карда шавад (замима мегардад).

3. Агентии заминсозӣ, геодезӣ ва харитасозии назди Ҳукумати Ҷумҳурии Тоҷикистон баъд аз қабули заминҳои нави обёришаванда ба Кадастри давлатии замини Ҷумҳурии Тоҷикистон тағйироти дахлдор ворид намояд.

4. Вазорати мелиоратсия ва захираҳои оби Ҷумҳурии Тоҷикистон, Агентии заминсозӣ, геодезӣ ва харитасозии назди Ҳукумати Ҷумҳурии Тоҷикистон аз натиҷаи корҳои анҷомдодашуда ҳар сол ба Ҳукумати Ҷумҳурии Тоҷикистон ахборот пешниҳод намояд.

Ҳайати Комиссияи давлатӣ оид ба қабули заминҳои нави азхудкардашуда

раиси Комиссия - муовини вазири мелиоратсия ва захираҳои оби Ҷумҳурии Тоҷикистон;

муовини раиси Комиссия - сармутахассиси Шӯъбаи кишоварзӣ ва истифодаи замини Дастгоҳи иҷроияи Президенти Ҷумҳурии Тоҷикистон.

Аъзои Комиссия:

- сардори Раёсати кадастр ва баҳисобгирии заминҳои Агентии заминсозӣ, геодезӣ ва харитасозии назди Ҳукумати Ҷумҳурии Тоҷикистон;

- сардори шӯъбаи сохтмони асосӣ ва корҳои пудратии Вазорати мелиоратсия ва захираҳои оби Ҷумҳурии Тоҷикистон;

- мудири бахши истифодаи обу замини Вазорати кишоварзии Ҷумҳурии Тоҷикистон;

- сардори шӯъбаи таҳияи барномаҳои давлатии инвеститсионии Вазорати рушди иқтисод ва савдои Ҷумҳурии Тоҷикистон;

- сардори Раёсати сиёсати буҷетӣ дар соҳаҳои иқтисодиёти Вазорати молияи Ҷумҳурии Тоҷикистон;

- директори Маъмурияти давлатии сохтмонии мелиоративии Душанбеи Вазорати мелиоратсия ва захираҳои оби Ҷумҳурии Тоҷикистон;

- директори Муассисаи давлатии "Тоҷикоблоиҳакашӣ"-и Вазорати мелиоратсия ва захираҳои оби Ҷумҳурии Тоҷикистон;

- муовинони раисони мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо ва шаҳру ноҳияҳо;

- раисони кумитаҳои заминсозии Вилояти Мухтори Кӯҳистони Бадахшон, вилоятҳо ва шаҳру ноҳияҳо;

- сардорони идораҳои давлатии хоҷагии оби Вазорати мелиоратсия ва захираҳои оби Ҷумҳурии Тоҷикистон дар Вилояти Мухтори Кӯҳистони Бадахшон, вилоятҳо ва шаҳру ноҳияҳо;

- сарпудратчии иншооти сохтмонӣ;

- сардори Хадамоти давлатии назорати санитарии Вазорати тандурустии Ҷумҳурии Тоҷикистон;

- сардори Хадамоти давлатии назорати оташнишонии Вазорати корҳои дохилии Ҷумҳурии Тоҷикистон.