ҚОНУНИ КОНСТИТУТСИОНИИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон"

Моддаи 1. Ба Қонуни конститутсионии Ҷумҳурии Тоҷикистон аз 6 августи соли 2001 "Дар бораи судҳои Ҷумҳурии Тоҷикистон" (Ахбори Маҷлиси Олии Ҷумҳурии Тоҷикистон, с. 2001, № 7, мод. 490; с. 2003, № 12, мод. 685; с. 2004, № 5, мод. 347; с. 2006, № 3, мод. 143; с. 2007, № 7, мод. 651) тағйиру иловаҳои зерин ворид карда шаванд:

1. Сархати шашуми қисми дуюми моддаи 59 хориҷ карда шавад.

2. Дар моддаи 71:

- аз қисми дуюм калимаҳои ", инчунин иҷрочиёни суд" хориҷ карда шаванд;

- аз қисми сеюм калимаҳои ", ба истиснои иҷрочиёни суд," хориҷ карда шаванд.

3. Аз сархати шашуми моддаи 88 калимаҳои "ва иҷрочии суд" хориҷ карда шаванд.

4. Аз сархати чоруми қисми якуми моддаи 93 калимаҳои "ба истиснои иҷрочиёни суд" хориҷ карда шаванд.

5. Дар сархати дуюми моддаи 96 ва сархати шашуми моддаи 98 пас аз калимаҳои "судягӣ" ва "судяҳо" мутаносибан калимаҳои "ва коромӯз-судя,", ", коромӯз-судяҳо" илова карда шаванд.

6. Дар моддаи 101:

- дар сархати ҳафтум калимаҳои "ва муовинони раисони" ба калимаҳои ", муовинони раисон ва судяҳои" иваз карда шаванд;

- дар сархати ҳаштум калимаҳои "иҷрочиёни суд" ба калимаҳои "коромӯз-судяҳо" иваз карда шаванд;

- сархати ёздаҳум дар таҳрири зерин ифода карда шавад:

"коромӯз-судяҳоро ба вазифа таъин ва аз вазифа озод менамояд.".

7. Моддаи 103 (1) бо мазмуни зерин илова карда шавад:

"Моддаи 103 (1). Коромӯз-судя

Шахсоне, ки бори аввал ба вазифаи судя пешбарӣ мешаванд, бо пешниҳоди комиссияи имтиҳонии Шӯрои адлияи Ҷумҳурии Тоҷикистон мумкин аст ба мӯҳлати як сол ба сифати коромӯз-судя фаъолият намоянд.

Коромӯз-судя метавонад шахсе бошад, ки таҳсилоти олии ҳуқуқӣ дошта, синни ӯ аз 24 кам набошад, ҳадди ақал 2 сол собиқаи кории касбӣ дошта, аз комиссияи имтиҳонии Шӯрои адлияи Ҷумҳурии Тоҷикистон гузашта бошад.

Низомнома дар бораи коромӯз-судя аз тарафи Шӯрои адлияи Ҷумҳурии Тоҷикистон тасдиқ карда мешавад.".

8. Ном ва қисми якуми моддаи 129 дар таҳрири зерин ифода карда шаванд:

"Моддаи 129. Иҷрои санадҳои судӣ

Иҷрои маҷбурии санадҳои судӣ аз тарафи иҷрочиёни суд ба амал бароварда мешавад.".

9. Дар ном ва қисми якуми моддаи 134 калимаҳои "иҷрочиёни суд" ва "иҷрочиёни (иҷрочиёни калони) суд" ба калимаҳои "приставҳои судӣ" иваз карда шаванд.

Моддаи 2. Қонуни конститутсионии мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни конститутсионии Ҷумҳурии Тоҷикистон "Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон"

Маҷлиси миллии Маҷлиси Олии Ҷумҳурии Тоҷикистон Қонуни конститутсионии Ҷумҳурии Тоҷикистонро "Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон" баррасӣ намуда, қарор мекунад:

Қонуни конститутсионии Ҷумҳурии Тоҷикистон "Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон" ҷонибдорӣ карда шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул намудани Қонуни конститутсионии Ҷумҳурии Тоҷикистон "Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни конститутсионии Ҷумҳурии Тоҷикистон "Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон" қабул карда шавад.