Бо фармони Президенти ҶТ аз 4.04.2002с. № 809 беэътибор дониста шуд

Тартиби пешниҳодкунӣ ба мукофотҳои давлатии Ҷумҳурии Тоҷикистон ва супурдани oнҳо

Тартиби мазкури пешниҳодкуни ба мукофотҳои давлатии Ҷумҳурии Тоҷикистон ва супурдани онҳо мутобиқи Қонуни Ҷумҳурии Тоҷикистон аз 14 декабри соли 1996 № 309 "Дар бораи мукофотҳои давлатии Ҷумҳурии Тоҷикистон" (минбаъд Қонун номида мешавад) таҳия гардидааст;

1. ПЕШНИҲОДКУНӢ БА МУКОФОТҲОИ ДАВЛАТИИ ҶУМҲУРИИ ТОҶИКИСТОН

1. Мутобиқи банди 25 моддаи 69 Конститутсияи Ҷумҳурии Тоҷикистон ва Қонун сарфарозгардони бо мукофотҳои давлатии Ҷумҳурии Тоҷикистон аз тарафи Президенти Ҷумҳурии Тоҷикистон сурат,мегирад.

2. Сарфарозгардони бо мукофотҳои давлатӣ мутобиқи моддаи 6 Қонун бо пешниҳоди Раёсати Маҷлиси Оли ва Ҳукумати Ҷумҳурии Тоҷикистон, вазоратҳо, кумитаҳои давлатӣ, иттифоқҳои эҷодӣ, иттиҳодияҳои ҷамъиятӣ, дигар мақомот ва ташкилотҳои ҷумҳуриявӣ, раисони ВМБК вилоятҳо, шаҳри Душанбе, шаҳру ноҳияҳои тобеи марказ сурат мегирад.

3. Тавсиянома барои сарфарозгардони бо мукофотҳои давлатии Ҷумҳурии Тоҷикистон чун қоида аз ҷониби коллективи меҳнати пешниҳод карда мешавад.

4. Тартиби пешниҳод намудани тавсиянома барои мукофотонии хизматчиёни ҳарбӣ, коргарон ва хизматчиёни Вазорати мудофиаи Ҷумҳурии Тоҷикистон, шахсони ҳаиатӣ ва роҳбарикунандаи мақомоти корҳои дохилӣ, амният, прокуратура, судҳо, мақомоти кумитаҳои гумрук ва андоз, мутобиқан аз ҷониби Вазорати мудофиа, Вазорати корҳои дохилӣ, Вазорати амният, Вазорати адлия, Прокуратураи генералии Ҷумҳурии Тоҷикистон, кумитаҳои гумрук ва андози назди Ҳукумати Ҷумҳурии Тоҷикистон муайян карда мешавад.

5 Хизматҳои мушаххасе, ки шаҳрвандони Ҷумҳурии Тоҷикистон, шаҳрвандони хориҷи ва шахсони бетабаият барои онҳо метавонанд ба мукофотони пешниҳод карда шаванд, дар Қонун зикр гардидаанд.

6. Барои ҳар як шахсе, ки ба мукофоти давлати пешниҳод карда мешавад, дар коллективи меҳнати, қисми ҳарби варақаи мукофотонии нусхаи махсус ва тавсияномаи мукофотони (маълумотномаи асоснокии пешниҳоди мукофотони), ки ба Тартиби мазкур замима гардидаанд, тартиб дода мешаванд.

Дар варақаи мукофотони фамилия, ном, номи падари шахси мукофотонидашаванда аз руи ҳуҷҷати тасдиқкунандаи шахсияти он, касбу вазифа, рутбаи ҳарби, номи пурраи ташкилот, корхона, муассиса, қисми ҳарби, ки мукофотонидашаванда кор ё хизмат мекунад, нишон дода мешавад ва шарҳи мухтасари хизматҳои мушаххас, муваффақиятҳои меҳнати, комьёбиҳо дар сохтмони хоҷаги ё фарҳанг, дар рушди илму техника ва дигар соҳаҳои фаъолият, нишондиҳандаҳое, ки барои онҳо ба мукофот пешниҳод карда мешавад, зикр мегарданд.

Илова бар ин, дар варақаи мукофотони навъи мукофоте, ки шахси мукофотонидашаванда ба он пешниҳод карда мешавад, зикр мегардад.

Варақаи мукофотониро роҳбари корхона, муассиса, ташкилот ва раиси кумитаи иттифоқи касаба имзо менамояд.

Варақаи мукофотонии хизматчии ҳарбиро командири қисми ҳарби ё шахси мансабдоре, ки ба ӯ ҳуқуқ дода шудааст, имзо менамояд.

Варақаи мукофотонии роҳбари аввали вазорат, кумита, корхона, муассиса, ташкилотро раиси кумитаи иттифоқи касаба, раиси Шӯрои коллективи меҳнати имзо мекунад. Агар дар корхона, иттиходия, муассиса, ташкилот Шӯрои коллективи меҳнати мавҷуд набошад, варақаи мукофотониро раиси маҷлиси коллективи меҳнатие, ки дар он номзад барои мукофотони барраси гардидааст, имзо менамояд.

Барои шахсоне, ки ба гирифтани унвони "Қаҳрамони Тоҷикистон" барои каҳрамонии меҳнати пешниҳод гардидаанд, ғайр аз варақаи мукофотони характеристикаи муфассали фаъолияти меҳнати ва хизматҳо тартиб дода мешавад, ки онро раисони ВМКБ, вилоятҳо, шаҳри Душанбе, шаҳру ноҳияҳои тобеи марказ имзо менамоянд.

Ба варақаи мукофотони муҳри корхона, иттиҳодия, муассиса, ташкилот, қисми ҳарби, ки роҳбараш (командираш) онро имзо намудааст, гузошта мешавад.

Варақаи мукофотони дар мошини чоп пур карда мешавад, дар он бояд ҳамаи бандҳо дақиқ ва возеҳ пур карда шаванд. Ба варақаи мукофотонии шахсе, ки барои сарфарозгардони бо унвони "Қаҳрамони Тоҷикистон", орден ва унвони фахри пешниҳод карда мешавад, расм бо нишондоди фамилия ва сарҳарфҳои ном ва номи падар дар пушти он замима карда мешавад.

Ҳуҷҷатҳои мукофотони ба забони давлати тартиб дода мешаванд ва бояд ба талаботи Қонун ва Тартиби мазкур мутобиқ бошанд.

Ҳуҷҷатҳои мукофотони нодуруст тартибдодашуда барои барраси қабул карда намешаванд ва батартибдиҳандатон баргардонда мешаванд.

7. Тавсияномаи мукофотони бо мукофотҳои давлатии Ҷумҳурии Тоҷикистонро коллективҳои мехнати якҷоя бо варақаи мукофотони барои мувофиқакунони ба раисони ноҳияҳо, шаҳрҳо равон мекунанд, онҳо тавсияномаи мукофотониро баррасси намуда, розигии худро дар варақаи мукофотони қайд мекунанд ва бо имзо ва муҳри раиси шаҳр, ноҳия тасдиқ намуда, ҳуҷҷатҳои мукофотониро ба ҳукуматҳои болои равон мекунанд.

8. Тавсияномаи мукофотонии хизматчиёни ҳарби, коргарон ва хизматчиёни Вазорати мудофиаи Ҷумҳурии Тоҷикистон, шахсони ҳайати қатори ва роҳбарикунандаи мақомоти корҳои дохили, Вазорати амният, Прокуратура, судҳо, мақомоти кумитаҳои гумрук ва андози назди Ҳукумати Ҷумҳурии Тоҷикистон якчоя бо варақаи мукофотони мутобиқан ба Вазорати мудофиа, Вазорати корҳои дохили, Вазорати амният, Вазорати адлия, Прокуратураи генерали, кумитаҳои гумрук ва андози назди Ҳукумати Ҷумҳурии Тоҷикистон равон карда мешавад.

9 Тавсияномаи бо мукофотҳои давлати мукофотонидани вазирон, муовинони аввали онҳо, раисони кумитаҳои давлати, кумитаҳо, сардорони саридораҳо, идораҳо, директорони марказҳо ва агентиҳои назди Ҳукумати Ҷумҳурии Тоҷикистон, муовинони онҳо, дигар шахсони мансабдоре, ки аз ҷониби Ҳукумат ба вазифа таъин ва аз вазифа озод карда мешаванд, якҷоя бо варақаи мукофотони ба дастгоҳи иҷроияи Президенти Ҷумҳурии Тоҷикистон равон карда мешавад.

10. Тавсияномаи бо мукофотҳои давлати мукофотонидани Раиси Маҷлиси Олии Ҷумҳурии Тоҷикистон, муовини аввал ва муовинони ӯ, раисони кумитаҳои Маҷлиси Оли, дигар кормандони Маҷлиси Олии Чумҳурии Тоҷикистон, Раиси Бонки миллии Ҷумҳурии Тоҷикистон, муовини аввал ва муовинони у якҷоя бо варақаи мукофотони ва пешниҳоднома ба дастгоҳи иҷроияи Президенти Ҷумҳурии Тоҷикистон равон карда мешавад.

11. Тавсияномаи бо мукофотҳои давлати мукофотонидани Сарвазири Ҷумҳурии Тоҷикистон, муовини аввал ва муовини ӯ аз ҷониби Ҳукумати Ҷумҳурии Тоҷикистон таҳия гардида, ба Президенти Ҷумҳурии Тоҷикистон пешниҳод карда мешавад.

12 Тавсияномаи бо мукофотҳои давлати мукофотонидани раисони ВМК.Б, вилоятҳо, шаҳри Душанбе, ноҳияҳои тобеи марказ, муовинони аввал ва муовинони онҳо ва кормандони ин ҳукуматҳо якҷоя бо варақаи мукофотони ба дастгоҳи иҷроияи Президенти Ҷумҳурии Тоҷикистон равон карда мешавад.

13. Тавсияномаи бо мукофотҳои давлати мукофотонидани судьяҳои судҳои ҳарби, суди Вилояти Мухтори Кӯҳистони Бадахшон, вилоятҳо, шаҳри Душанбе, судҳои шаҳри ва ноҳияви якҷоя во варақаи мукофотони ба Вазорати адлияи Ҷумҳурии Тоҷикистон равон карда мешавад.

14. Тавсияномаи бо мукофотҳои давлати мукофотонидани раисони ҳукуматҳои шаҳру ноҳияҳо, муовинони аввал ва муовинони онҳо, кормандони масьули ҳукуматҳо, якҷоя бо варақаи мукофотони ба мақомоти дахлдори болоии ҳокимияти иҷроияи маҳалли равон карда мешавад.

15. Раисони ВМКБ, вилоятҳо ва шаҳри Душанбе тавсияномаҳои мукофотонии баррасии онҳо пешниҳодгардидаро бо вазоратҳо кумитаҳои давлати, идораҳои Ҷумҳурии Тоҷикистон, мақомоти ҷумҳуриявии ташкилотҳои ҷамъияти, иттифоқҳои эҷодии дахлдор мувофиқа мекунанд.

16.Раисони шаҳр вa ноҳияҳои тобеи марказ тавсияномаҳои мукофотони бо мукофотхои давлатии Ҷумҳурии Тоҷикистонро мутобиқи банди 15 тартиби мазкур барраси менамоянд.

17. Дар сурати мусби ҳал гардидани масъалаи мукофотони раисони ВМКБ, вилоятҳо, шаҳри Душанбе, шаҳру ноҳияҳои тобеи марказ якҷоя бо кумитаҳои соҳавии иттифоқи касаба бо пешниҳоди мукофотони ба Президенти Ҷумҳурии Тоҷикистон муроҷиат мекунанд.

18. Пешниҳодоти мукофотони бо мукофотҳои давлати ҳамчунин бо тартиби зайл ба Президенти Ҷумҳурии Тоҷикистон пешкаш карда мешаванд:

- барои Раиси Маҷлиси Оли, муовини аввал ва муовинони ӯ, раисони кумитаҳо, муовинони онҳо, Paиси Бонки миллии Ҷумҳурии Тоҷикистон, муовини аввал ва муовинони ӯ - аз ҷониби Раёсати Маҷлиси Олии Ҷумҳурии Тоҷикистон, барои кормандони дигари Маҷлиси Оли бошад - аз ҷониби Раиси Маҷлиси Олии Ҷумҳурии Тоҷикистон якҷоя бо кумитаҳои соҳавии иттифоқҳои касаба;

- барои Сарвазири Ҷумхурии Тоҷикистон, муовини аввал ва муовинони ӯ, вазирон, раисони кумитаҳои давлати, кумитаҳои назди Ҳукумати Ҷумҳурии Тоҷикистон муовинони онҳо ва дигар шахсони мансабдор - аз ҷониби Ҳукумати Ҷумҳурии Тоҷикистон якҷоя бо кумитаҳои соҳавии иттифоқҳои касаба;

- барои кормандони Суди Конститутсиони, Суди Оли, Суди олии иқтисоди,мақомоти прокуратура, Вазорати корҳои дохили, Вазорати амният, Вазорати мудофиа, Вазорати адлияи Ҷумҳурии Тоҷикистон, кумитаҳои гумрук ва андози назди Ҳукумати Ҷумҳурии Тоҷикистон- аз чониби ин мақомоти ҷумҳурияви якҷоя бо кумитаҳои дахлдори соҳавии иттифоқҳои касаба;

- барои судьяҳои судҳои ҳарби, суди Вилояти Мухтори Кӯҳистони Бадахшон, вилоятҳо, шаҳри Душанбе судҳои шаҳри ва ноҳияви аз ҷониби Вазорати адлияи Ҷумҳурии Тоҷикистон якҷоя бо кумитаҳои соҳави иттифоқҳои касаба;

- барои раисони ВМКБ, вилоятҳо, шаҳри Душанбе, шаҳру ноҳияҳои тобеи марказ, муовинони онҳо кормандони ин ҳукуматҳо, инчунин кормандони дастгоҳи иҷроияи Президенти Ҷумҳурии Тоҷикистон - аз ҷониби Роҳбари дастгоҳи иҷроияи Президенти Ҷумҳурии Тоҷикистон якҷоя бо кумитаҳои соҳавии иттифоқҳои касаба;

- барои кормандони ташкилотҳои эҷоди, аъзои иттифоқҳои эҷоди-аз ҷониби мақомоти ҷумҳуриявии ташкилотҳои ҷамъияти, иттифоқҳои эҷоди якҷоя бо кумитаҳои дахлдори ҷумҳуриявии иттифоқҳои касаба.

Масъалаи бо мукофотҳои давлати мукофотонидани Сарвазири Ҷумҳурии Тоҷикистон аз чониби Раёсати Ҳукмати Ҷумҳурии Тоҷикистон барраси мегардад ва таклифи мукофотонии ӯро муовини ӯ пешниҳод мекунад.

Мутобиқи Қонун таклифи мукофотонии шаҳрвандони хориҷи ва шахсони бетабаиятро Вазорати корҳои хориҷи якҷоя бо вазорату идораҳои манфиатдори Ҷумҳурии Тоҷикистон тибқи тартиби умуми пешниҳод мекунад.

19. Дар пешниҳодҳо таклифҳои мукофотонии номзадҳо асоснок карда шуда, хизматҳо, қаҳрамони, муваффақиятҳои бадастовардаи онҳо мухтасар шарҳ дода мешавад.

Ба пешниҳод ҳуҷҷатҳои зерин замима карда мешаванд:

лоиҳаи Фармони Президенти Ҷумҳурии Тоҷикистон дар бораи додани унвони "Қаҳрамони Тоҷикистон", унвони фахри, мукофотони бо орден, медаль, "Ифтихорнома";

варақаи мукофотони;

расм (андозаи 4х6)

Ба лоиҳаҳои фармонҳои Президенти Ҷумҳурии Тоҷикистон рохбарони мақомоте, ки кормандро ба мукофот пешниҳод намуданд, виза мегузоранд.

II. СУПУРДАНИ МУКОФОТҲОИ ДАВЛАТИ

20. Мукофотҳои давлатии Ҷумҳурии Тоҷикистонро Президенти Ҷумҳурии Тоҷикистон, аз ном ва бо супориши Президенти Ҷумҳурии Toҷикистон Раиси Маҷлиси 0лии Ҷумҳурии Тоҷикистон ва Сарвазири Ҷумҳурии Тоҷикистон, Роҳбари дастгоҳи иҷроия Президенти Ҷумҳурии Тоҷикистон, мушовирони давлатии Президенти Ҷумҳурии Тоҷикистон, муовинони аввал ва муовинони Раиси Маҷлиси Олии Ҷумҳурии Тоҷикистон ва Сарвазири Ҷумҳурии Тоҷикистон месупоранд.

Мукофотҳои давлатии Ҷумҳурии Тоҷикистонро инчунин шахсоне, ки Президенти Ҷумҳурии Тоҷикистон ваколатдор намудааст, месупоранд:

вакилони халқи Ҷумҳурии Тоҷикистон;

вазирон, раисони кумитаҳои давлати, роҳбарони идораҳои Ҷумҳурии Тоҷикистон ва муовинони онҳо;

роҳбарони мақомоти марказии ҷумҳуриявии иттифоқҳои эҷоди, иттиҳодияҳои ҷамъияти ва дигар мақомоту ташкилотҳои ҷумҳури;

раисони ВМКБ, вилоятҳо, шаҳри Душанбе, шаҳру ноҳияҳо;

командирони қисмҳои ҳарби ва сардорон.

21. Мукофотҳои давлатии Ҷумҳурии Тоҷикистон дар вазъияти тантанави ва ошкоро дар назди Президенти Ҷумҳурии Toҷикистон, дар Раёсати Маҷлиси Олии Ҷумҳурии Тоҷикистон, дар Ҳукумати Ҷумҳурии Тоҷикистон, дар вазоратҳо, кумитаю идораҳои давлати ва дигар мақомоти дар Тартиби мазкур зикргардидае, ки мукофотонидашудагон дар онҳо кор мекунанд, дap маҷлисҳои мaшвapaти вa дигар маҷлисҳо супурда мешаванд.

Мукофотҳои давлати ба хизматчиёни ҳарби, коргарон ва хизматчиёни Вазорати мудофиа, Вазорати амният, шахсони ҳаиати қатори ва роҳбарикунандаи мақомоти корҳои дохили, чун қоида, дар қисмҳои ҳарби, таълимгоҳҳои ҳарби, дар муассисаҳои дахлдор, дар ташкилоту корхонаҳо супурда мешаванд.

22. Мукофоти давлатии Ҷумҳурии Тоҷикистон на дертар аз як моҳи пас аз рузи нашри Фармони Президенти Ҷумҳурии Тоҷикистон дар бораи мукофотони ба шахси мукофотонидашуда супурда мешавад.

23. Масъулияти ташкил ва сари вақт супурдани мукофотҳои давлатии Ҷумҳурии Тоҷикистон ба зиммаи шахсони мансабдор ва ташкилотҳое, ки барои супурдани мукофотҳо супориш гирифтаанд, гузошта мешавад.

24. Мукофоти давлатии Ҷумҳурии Тоҷикистон ба худи мукофотонидашуда супурда мешавад Псш аз супурдани мукофот Фармони Президенти Ҷумҳурии Тоҷикистон дар бораи мукофотони хонда мешавад. Агар шахси мукофотонидашуда бинобар бемори, маъюби ҳангоми супурдани мукофот ҳозир шуда натавонад, мукофот ба ӯ дар хона ё дар муассисаи табобати супурда мешавад.

25. Якҷоя бо мукофоти давлатии Ҷумҳурии Тоҷикистон ба шахси мукофотонидашуда ҳуҷҷатҳои зерин супурда мешаванд:

- ба шахсоне, ки бо унвони "Қаҳрамони Тоҷикистон" сарфароз гардонида шудаанд;

- ба шахсе, ки бо орден мукофотои шудааст - дафтарчаи орден;

- ба шахсе, ки бо медаль мукофотонида шудааст - шаҳодатномаи медаль;

- ба шахсоне, ки бо ордени дуюм, сеюм ва ғайра мукофотонида шудаанд, дафтарчаи ин орденҳо дода намешавад. Дар ин ҳолатҳо орденҳои супурдашаванда ба дафтарчаи ордени пештар додашуда навишта мешаванд.

Ҳангоми супурдани медаль ба шахсе, ки пештар бо орден мукофотонида шудааст, шаҳодатномаи медаль ҳамчунин метавонад дода нашавад. Дар ин ҳолат медале, ки супурда мешавад, ба дафтарчаи ордене, ки пештар ҳангоми ба ӯ супурдани орден дода шуда буд, навишта мешавад;

ба шахсе, ки бо унвони фахри сарфароз гардонида шудааст-шаҳодатномаи сарфарозгардони бо унвони фахри ва нишони сарисинаги.

26. Ҳуҷҷатҳои мукофотони бемӯҳлат мебошанд. Ба онҳо даровардани ягон ислоҳ мумкин нест. Ҳангоми тағьир ёфтан фамилия, ном, номи падари шахси мукофотонидашуда ҳуҷҷати мукофотони иваз карда намешавад.

27. Ҳуҷҷатҳои мукофотони - гувоҳнома, дафтарчаи орден, шаҳодатномаи медаль ва унвони фахри, "Ифтихорнома"-и Ҷумҳурии Тоҷикистон аз ҷониби шӯъбаи кафолатҳои конститутсионии ҳуқуқи шаҳрвандон тартиб дода мешавад.

28. Дар бораи супурдани мукофотҳои давлати протоколи мукофотсупории (формаи № 1) ба Тартиби мазкур замимагардида тартиб дода мешавад. Протокол бо Фармони Президенти Ҷумхурии Тоҷикистон дар бораи мукофотони муқоиса карда шуда, аз ҷониби шахсе, ки мукофотро супурдааст ва бо мӯҳри мақомоте, ки мукофотсупориро гузарондааст, тасдиқ карда мешавад.

Протоколи супурдани мукофотҳои давлати дар ду нусха тартиб дода мешавад. Нусхаи якуми протокол на дертар аз панҷ рӯзи пас из супурдани мукофот ба шӯъбаи кафолатҳои конститутсионии ҳуқуқи шаҳрвандон фиристода мешавад, нусхаи дуюм - дар Ҳукумати вилоят, шаҳр, ноҳия, вазорат, кумитаи давлати, идора, қисми ҳарби мемонад.

Агар мукофотҳо дар Ҳукумати ноҳия, шаҳри тобеи вилоят ё Ҳукумати ноҳияи шаҳр супурда шавад протокол дар се нусха тартиб дода мешавад. Як нусхаи протоколи мукофотсупори дар ҳукумате, ки дар он ҷо мукофот супурда шудааст мемонад, ду нусхаи дигараш мутобиқан ба ҳукумати ВМКБ, вилоятҳо, шаҳри Душанбе ва ба шӯъбаи кафолатҳои конститутсионии ҳуқуқи шаҳрвандони дастгоҳи иҷроияи Президенти Ҷумҳурии Тоҷикистон фиристода мешавад. Барои ҳар як мукофоти Давлати протоколи алоҳидаи мукофотсупори тартиб дода мешавад ("Каҳрамони Тоҷикистон", орденҳо, медальхо, унвонҳои фахри, "Ифтихорнома").

29. Ҳангоми ошкор гардидани фарқият дар навишта фамилия, ном, номи падари шахси мукофотонидашуда ё вазифаи ӯ супурдани мукофоти давлати боздошта мешавад ва акти тасҳеҳоти ба Тартиби мазкур замимагардида тартиб дода шуда, онҳо ба фармонҳои дахлдори мукофотони ворид карда мешаванд (форма № 2)

Акти тасҳеҳот дар асоси ҳуҷҷатҳои пешниҳоднамудаи коллективи меҳнатии ҷои кор, хизмати шахси мукофотонидашуда тартиб дода мешавад, ки онҳо зарурати дохил кардани тасҳеҳотро тасдиқ мекунанд. Пас аз маълум намудани сабабҳои ғалатҳои роҳдодашуда акти тасҳеҳотро раиси ноҳия, шаҳр, роҳбарони вазоратҳо, кумитаҳои давлати, идораҳои дахлдори Ҷумҳурии Тоҷикистон имзо менамоянд ва он ба шӯъбаи кафолатҳои конститутсионии ҳуқуқи шаҳрвандони дастгоҳи иҷроияи Президенти Ҷумҳурии Тоҷикистон фиристода мешавад.

30. Дар мавриди вафот кардани шахси мукофотонидашудае, ки ба ӯ ҳангоми дар ҳаёт будан мукофоти давлатии Ҷумҳурии Тоҷикистон супурда нашуда буд ё пас аз марг мукофотонида шудааст, мукофот ва ҳуҷҷатҳои мукофотони барои нигоҳ доштан ҳамчун хотира ба оилаи ӯ (ҳамсар, писар, духтар, васи, парастор, падар, модар, бародар, хоҳари мукофотонидашуда) супурда шуда, дар ин бора протоколи (формаи №3) ба Тартиби мазкур замимагардида тартиб дода, мешавад, ки он ба шӯъбаи кафолатҳои конститутсионии ҳуқуқи шаҳрвандони дастгоҳи иҷроияи Президенти Ҷумҳурии Тоҷикистон фиристода мешавад.

31. Шӯъбаи кафолатҳои конститутсионии ҳуқуқи шаҳрвандони дастгоҳи иҷроияи Президенти Ҷумҳурии Тоҷикистон, раисони вилоятҳо, шаҳру ноҳияҳо, инчунин роҳбарони вазоратҳо, кумитахои давлати ва идораҳои Ҷумҳурии Тоҷикистон, ки барои мукофотсупори супориш гирифтаанд, шахсонеро, ки ба онҳо мукофотҳо супурда нашудаанд ба ҳисоб мегиранд, сабабҳои барои гирифтани мукофот наомадани шахсони мукофотонидашударо аниқ мекунанд ва барои супурдани мукофотҳо тадбирҳо меандешанд.

Агар ҷои истиқомат ё кори шахси мукофотонидашуда тағьир ёфта бошад, он гоҳ барои аниқ кардани манзилгоҳи ӯ ва супурдани мукофот тадбирҳо андешидан лозим аст. Агар шахси мукофотонидашуда аз ҳудуди вилоят, ноҳия, шаҳр ё ҷумҳури баромада рафта бошад, мукофот бояд ба шӯъбаи кафолатҳои конститутсионии ҳуқуқи шаҳрвандони дастгоҳи иҷроияи Президенти Ҷумҳурии Тоҷикистон баргардонда шуда, ҷои нави истиқомати шахси мукофотонидашуда нишон дода шавад.

32.Ҳангоми супурдани ордену медальхои Ҷумҳурии Тоҷикистон шӯъбаи кафолатҳои конситутсионии ҳуқуқи шаҳрвандони дастгоҳи иҷроияи Президенти Ҷумҳурии Тоҷикистон барои ҳар як шахси мукофотонидашуда варақаи махсуси қайд (форма замима мегардад) пур карда мешавад, ки дар он фамилия, ном ва номи падар, миллат сол ва ҷои таваллуд, маълумот, рутбаи ҳарби ҷои кор аз вазифаи дар давраи мукофатони ишғолнамуда, адреси хонаи шахси мукофотонидашуда, номи орден ё медали супурдашуда, рақами он, рақами дафтарчаи орден ё шаҳодатномаи медали додашуда, асоси супурдани мукофот нишон дода мешавад.

Варақаҳои қайд ҳуҷҷати асосии қайди шахсии шахсони мукофотонидашуда ба ҳисоб рафта, ба таври доими дар картотекаи шӯъбаи кафолатҳои конститутсионии ҳуқуқи шаҳрвандони дастгоҳи иҷроияи Президенти Ҷумҳурии Тоҷикистон нигоҳ дошта мешаванд.

III. БА МУКОФОТОНИДАШУДАГОН ДОДАНИ ДУБЛИКАТИ МУКОФОТҲОИ ДАВЛАТИИ ҶУМҲУРИИ ТОҶИКИСТОН

33. Мутобиқи моддаи, 33 Қонун дублликати медали тиллои ,Зapринтоҷ,, орденҳо, медальҳо ва дигар нишонҳои фарқкунанда бар ивази мукофотҳои гумшуда, чун, қоида, дода намешавад. Ба таври истисно, дубликат метавонадбо қарори Комиссияи мукофотҳои давлатии назди Президенти Ҷумҳурии Тоҷикистон, танҳо дар ҳолати гум кардани мукофот дар натиҷаи сухтор, заминҷунби ва дигар офатҳои табии, ки шахси мукофотонидашуда нобуд шудани мукофотро пешгири карда наметавонист, дода мешавад.

Дубликати ҳуҷҷатҳои мукофотони, дар сурати, гум шуданашон бо пешниҳоди мақомот ва шахсони мансабдори моддаи 6 ҳамин Қонун зикргардида бо қарори Комиссияи мукофотҳои давлатии назди Президенти Ҷумҳурии Тоҷикистон дода мешавад.

34. Дар хусуси гум шудани мукофоти давлати, шахси мукофотонидашуда ҳукумати шаҳр, ноҳияи маҳалли истиқомат, хизматчии ҳарбии мукофотонидашуда бошад - фармондеҳии ҳарбиро огоҳ месозад. Дар сурати дуздидани онҳо шахси мукофотонидашуда дар ин бораи ҳамчунин мақомоти корҳои дохилиро хабардор мекунад.

35. Шахси мукофотонидашуда метавонад дар хусуси додани дубликати мукофоти давлатии Ҷумҳурии, Тоҷикистон бо ариза муроҷиат намояд. Ариза ба номи Президенти Ҷумҳурии Тоҷикистон ба раиси ноҳия, шаҳри, маҳалли, истиқомат пешниҳод карда мешавад. Ба ариза ҳуҷҷати, мақоми давлати ё муассиса дар бораи ҳолатҳои гум шудани мукофот ва характеристика аз ҷои кор, барои онҳое, ки кор намекунанд, аз ҷои истиқомат замима карда мешавад.

Дар ҳолати дуздидани мукофот ба ариза тасдиқномаи мақоми корҳои дохили дар хусуси муроҷиат кардан дар бобати дуздидани мукофот ва оид ба натиҷаҳои кофтукови он замима карда мешавад.

Илтимоснома оид ба додани дубликати мукофотҳои дуздидашуда пас аз гузаштани як сол аз лаҳзаи хабардор карда шудани мақоми корҳои дохили дар хусуси дуздидани онҳо пешниҳод карда мешавад.

36.Раиси ноҳия, шаҳр пас аз барраси намудани аризаи шахси мукофотонидашуда қарори худ, аризаи шахси мукофотонидашударо бо ҳуҷҷатҳо дар хусуси ҳолатҳои гум шудани мукофот ба мақоми болоии ҳокимияти иҷроияи маҳалли, раисони шаҳру ноҳияҳои тобеи марказ бошанд - ба номи Президенти Ҷумҳурии Тоҷикистон фиристанд. Дар қарор бояд ба мавҷуд будани аризаи шахси мукофотонидашуда доир ба додани дубликати мукофот ишора карда шавад.

Раисони ВМКБ, вилоятҳо, шаҳри Душанбе пас аз тафтиш намудани ҳолатҳои гум шудани мукофот ҳуҷҷатҳои аз ҳукуматҳои ноҳияҳо, шаҳрхо фиристодашударо барраси намуда, дар хусуси пешниҳод намудани илтимоснома дар бораи додани дубликати мукофот ё оид ба рад намудани илтимоси аризадиҳанда қарор қабул мекунанд.

Қарори доир ба пешниҳод шудани илтимоснома оид ба додани дубликати мукофоти давлатии Ҷумҳурии Тоҷикистон ва ҳуҷҷатхои доир ба ҳолатҳои гум шудани мукофотро раисони ВМКБ, вилоятҳо, шаҳри Душанбе ба Президснти Ҷумҳурии Тоҷикистон мефиристонанд.

Дар сурати рад гардидани пешниҳодкунии илтимоснома дар бобати додани дубликати мукофот, қарори дар ин бора қабулгардида ба маълумоти шахси мукофотонидашуда мешавад.

37. Мукофотҳои Давлатии Ҷумҳурии Тоҷикистон, ки мукофотонидашудагон гум кардаанд, дар сурати ёфт шуданашон барои бақайдгири ва нигоҳдори ба Президенти Ҷумҳурии Тоҷикистон фиристода мешаванд. Онҳо метавонанд дар асоси аризаи шахси мукофотонидашуда ба ӯ баргардонда шаванд.

38. Мукофоти бекорашудаи давлатии Ҷумҳурии Тоҷикистон (нуқси сир, нуқси қисми металли, шикастани пайванд, гум шудани қисмҳои алоҳида) метавонад дар асоси аризаи шахси мукофотонидашуда бо қарори Комиссияи мукофотҳои давлатии назди Президенти Ҷумҳурии Тоҷикистон иваз карда шавад.

39. Таҳияи пешакии маводи оид ба мукофотони бо мукофотҳои давлатии Ҷумҳурии Тоҷикистон, оид ба додани дубликати мукофотҳои давлатии Ҷумҳурии Тоҷикистон ва дар бобати ариза оид ба иваз намудани мукофотҳои бекорашудаи давлати, оид ба баргардондани мукофотонидашудагон, инчунин иҷро намудани, қарорҳои оид ба ин масъалаҳо қабулгардидаро барои баррасии Комиссияи мукофотҳои давлатии назди Президенти Ҷумҳурии Тоҷикистон анҷом медиҳад.

Дубликати "Ифтихорнома"-и Ҷумҳурии Тоҷикистон, шаҳодатномаи қаҳрамон, дафтарчаҳои орденҳо, шаҳодатномаҳои медальҳо ва унвонҳои фахри дар бланкаҳои нусхаҳои ҷори бо навиштаҷоти "дубликат" дода мешавад.

Дар хусуси додани дубликати медали тиллои "Зарринтоҷ", орденҳо, медальҳо, нишонҳои сарисинаги варақаи махсуси қайд (форма замима мегардад) пур карда мешавад.

40. Дубликати мукофотҳои давлати ба мақом, шахси мансабдоре, ки дар хусуси додани дубликати мукофот барои ба шахси мукофотонидашуда супурдани он илтимоснома пешниҳод намудааст, фиристода мешавад. Забонхати шахси мукофотонидашуда дар хусуси гирифтани дубликати мукофоти давлатии Ҷумҳурии Тоҷикистон ба шӯъбаи кафолатҳои конститутсионии ҳуқуқи шаҳрвандони дастгоҳи иҷроияи Президенти Ҷумҳурии Тоҷикистон фиристода мешавад.

41. Ба таври зарури иҷро гардидани талаботи Тартиби мазкурро инҳо назорат менамоянд: шӯъбаи кафолатҳои конститутсионии ҳуқуқи шаҳрвандони дастгоҳи иҷроияи Президенти Ҷумҳурии Тоҷикистон; раисони ВМКБ, вилоятҳо, шаҳру ноҳияҳо дар тамоми корхона, ташкилоту муассисаҳои дар қаламрави дахлдор қарордошта; вазоратҳо, кумитаҳои давлати, идораҳои Ҷумҳурии Тоҷикистон дар корхона ташкилоту муассисаҳои тобеъ.