Бо фармони Президенти ҶТ аз 4.04.2002с. № 809 беэътибор дониста шуд

ПРЕЗИДЕНТИ ҶУМҲУРИИ ТОҶИКИСТОН

ФАРМОН

Дар бораи тaсдиқи нусхаҳои шаҳодатномаи сарфарозгардонӣ бо дараҷаи олии корнамои унвони "Қаҳрамони Тоҷикистон", дафтарчаҳои орденҳо, шаҳодатномаи медальҳо, унвонҳои фахрӣ ва тартиби пешниҳодкунӣ ба мукофотҳои давлатии Ҷумҳурии Тоҷикистон ва супурдани онҳо

Мутобиқи Қонуни Ҷумҳурии Тоҷикистон аз 14 декабри соли 1996 № 309 "Дар бораи мукофотҳои давлатии Ҷумҳурии Тоҷикистон" фармон медиҳам:

1. Нусхаҳои замимагардидаи шаҳодатномаи сарфарозгардони бо дараҷаи олии корнамои -унвони "Қаҳрамони Тоҷикистон", дафтарчаҳои орденҳо, шаҳодатномаи медальҳо, унвонҳои фахрӣ ва Тартиби пешниҳодкуни ба мукофотҳои Ҷумҳурии Тоҷикистон ва супурдани онҳо, тасдиқ карда шаванд.

2. Ҳукумати Ҷумҳурии Тоҷикистон дар мӯҳлати кӯтоҳтарин тайёр намудани шаҳодатномаи сарфарозгардони бо дараҷаи олии корнамои унвони "Қаҳрамони Тоҷикистон", дафтарчаи орденҳо, шаҳодатномаи медальҳо ва унвонҳои фахриро тибқи нусха ва тавсифҳои тасдиқгардида таъмин намояд.