Бо қарори Ҳукумати ҶТ аз 28.12.2006с. № 589 беэътибор дониста шуд

Ҳукумати Ҷумҳурии Тоҷикистон

ҚАРОР

Дар бораи масъалаҳои Корхонаи воҳиди давлатии туризми "Сайёҳ"

Мутобиқи Кодекси граждании Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1. Ширкати миллии туризми "Сайёҳ" ба Корхонаи воҳиди давлатии туризми "Сайёҳ" табдил дода шавад.

2. Оинномаи зимимашудаи Корхонаи воҳиди давлатии туризми "Сайёҳ" тасдиқ карда шавад.

3. Ба қарори Ҳукумати Ҷумҳурии Тоҷикистон аз 17 феврали соли 2001 № 77 "Дар бораи Вазорати иқтисод ва савдои Ҷумҳурии Тоҷикистон" тағйироти зерин ворид карда шавад:

дар сархати сеюми банди 4 калимаҳои "Ширкати миллии туризми "Сайёҳ" ба калиммаҳои "Корхонаи воҳиди давлатии туризми "Сайёҳ"" иваз карда шаванд;

дар сархати сеюми Номгӯи корхонаҳои давлатӣ ва ҷамъиятҳои саҳомӣ, ки фаъолиятро бо Вазорати иқтисод ва савдои Ҷумҳурии Тоҷикистон тибқи созишномаҳои дутарафа анҷом медиҳанд. калимаҳои "Ширкати миллии туризми "Сайёҳ" ба калимаҳои "Корхонаи воҳиди давлатии туризми "Сайёҳ" иваз карда шаванд.