Ҳукумати Ҷумҳурии Тоҷикистон

ҚАРОР

Дар бораи ворид намудани тағйироту иловаҳо ба баъзе қарорҳои Ҳукумати Ҷумҳурии Тоҷикистон

Бинобар қабули Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон", Ҳукумати Ҷумҳурии Тоҷикистон қарор мекунад:

Ба қарорҳои зерини Ҳукумати Ҷумҳурии Тоҷикистон тағйироту иловаҳо ворид карда шаванд:

1. Ба қарори Шӯрои Вазирони Ҷумҳурии Тоҷикистон аз 14 июли соли 1994 № 345 "Дар бораи чораҳои иҷрои Қарори Маҷлиси Олии Ҷумҳурии Тоҷикистон" "Дар хусуси тартиби дар амал татбиқ намудани Қонуни Конститутсионии Ҷумҳурии Тоҷикистон "Дар бораи мақоми судяҳо дар Ҷумҳурии Тоҷикистон":

ном ва муқаддима дар таҳрири зерин ифода карда шавад:

"Дар бораи иҷрои баъзе чораҳои дар амал татбиқ намудани Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон"

Бо мақсади дар амал татбиқ намудани баъзе меъёрҳои Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:" ;

банди 4 дар таҳрири зайл ифода карда шавад:

"4. Мақомоти суғуртаи давлатӣ маблағи суғуртаро мувофиқи ҳолатҳои пешбининамудаи моддаи 128 Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон" пардохт менамоянд.

Ин суғуртапулӣ бо ҳисоб карда баровардани маблағи қаблан додашуда пардохта мешавад. Дар айни замон суғуртапулӣ аз рӯи ин намуди суғурта сарфи назар аз пардохти маблағи намудҳои дигари суғурта ва пардохтҳо ба тариқи ҷуброни зарар дода мешавад.".

2. Бо қарори Ҳукумати ҶТ аз 1.11.2019 № 549 аз эътибор соқит дониста шуд.

3.Дар муқаддимаи қарори Ҳукумати Ҷумҳурии Тоҷикистон аз 11 октябри соли 1996 №448 "Дар бораи додани қарзи бефоиз ба судьяҳо ва хизматчиёни полицияи андози Ҷумҳурии Тоҷикистон" калимаҳои "Қонуни Ҷумҳурии Тоҷикистон аз 3 ноябри соли 1995 "Дар бораи мақоми судьяҳои Ҷумҳурии Тоҷикистон", Қонуни Ҷумҳурии Тоҷикистон аз 1 феврали соли 1996 "Дар хусуси ворид намудани тағйироту иловаҳо ба Қонуни Ҷумҳурии Тоҷикистон "Дар бораи мақомоти давлатии андози Ҷумҳурии Тоҷикистон" ба калимаҳои "Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон", Кодекси андози Ҷумҳурии Тоҷикистон" иваз карда шаванд.