Бо қарори Ҳукумати ҶТ аз 1.08.2008с. № 377 беэътибор дониста шуд

Ҳукумати Ҷумҳурии Тоҷикистон

ҚАРОР

Дар бораи таъсиси Комиссияи назди Ҳукумати Ҷумҳурии Тоҷикистон оид ба ҳуқуқи кӯдак

Бо мақсади таъмини татбиқи қонунгузории Ҷумҳурии Тоҷикистон ва инчунин ӯҳдадориҳои байналмилалии ҳуқуқии Ҷумҳурии Тоҷикистон, ки аз Конвенсияи Созмони Милали Муттаҳид (СММ) дар бораи ҳуқуқи кӯдак аз 20 ноябри соли 1989 ва дигар шартномаҳои байналмилалии оид ба ҳифзи ҳуқуқи кӯдак бармеоянд, Ҳукумати Ҷумҳурии Тоҷикистон қарор мекунад:

1. Комиссияи назди Ҳукумати Ҷумҳурии Тоҷикистон оид ба ҳуқуқи кӯдак дар ҳайати замимагардида таъсис дода шавад.

2. Низомномаи замимагардидаи Комиссияи назди Ҳукумати Ҷумҳурии Тоҷикистон оид ба ҳуқуқи кӯдак тасдиқ карда шавад.

Ҳайати Комиссияи назди Ҳукумати Ҷумҳурии Тоҷикистон оид ба ҳуқуқи кӯдак

1.Муовини Сарвазири Ҷумҳурии Тоҷикистон, масъули масъалаҳои илму маориф, фарҳангу тандурустӣ, занҳо ва ҷавонон, варзиш ва спорт-Раиси Комиссия

2.Сардори Идораи кафолатҳои конститутсионии ҳуқуқи шаҳрвандони Дастгоҳи иҷроияи Президенти Ҷумҳурии Тоҷикистон -муовини Раиси Комиссия

З.Мудири шӯъбаи илм ва маорифи Идораи сиёсати иҷтимоии Дастгоҳи иҷроияи Президенти Ҷумҳурии Тоҷикистон

4.Муовини аввали Вазири маорифи Ҷумҳурии Тоҷикистон

5.Муовини аввали Раиси Кумитаи давлатии омори Ҷумҳурии Тоҷикистон

6.Муовини Вазири адлияи Ҷумҳурии Тоҷикистон

7.Муовини Вазири корҳои дохилии Ҷумҳурии Тоҷикистон

8.Муовини Вазири меҳнат ва ҳифзи иҷтимоии аҳолии Ҷумҳурии Тоҷикистон

9.Муовини Вазири тандурустии Ҷумҳурии Тоҷикистон

10.Муовини Раиси Кумитаи кор бо ҷавонони назди Ҳукумати Ҷумҳурии Тоҷикистон

11.Муовини Раиси Кумитаи кор бо занон ва оилаи назди Ҳукумати Ҷумҳурии Тоҷикистон

12.Муовини Директори Агентии назорати маводи нашъаовари назди Президенти Ҷумҳурии Тоҷикистон (бо розигӣ)

13.Муовини Прокурори генералии Ҷумҳурии Тоҷикистон (бо розигӣ)

14.Котиби масъули Комиссия

15.Намояндаи иттиҳодияи ҷамъиятӣ

16.Намояндаи итгиҳодияи ҷамъиятӣ