ҚОНУНИ ҶУМҲУРИИ ТОҶИКИСТОН

Дар бораи ворид намудани тағйиру иловаҳо ба Кодекси ҷангали Ҷумҳурии Тоҷикистон

Моддаи 1. Ба Кодекси ҷангали Ҷумҳурии Тоҷикистон аз 24 июни соли 1993 (Ахбори Шӯрои Олии Ҷумҳурии Тоҷикистон, соли 1993, № 13, моддаи 243; Ахбори Маҷлиси Олии Ҷумҳурии Тоҷикистон, соли 1997, №9, моддаи 117) тағйиру иловаҳои зерин ворид карда шаванд:

1. Моддаи 1 дар таҳрири зайл ифода карда шавад:

"Моддаи 1. Қонунгузории Ҷумҳурии Тоҷикистон оид ба ҷангал

Қонунгузории Ҷумҳурии Тоҷикистон оид ба ҷангал ба Конститутсияи (Сарқонуни) Ҷумҳурии Тоҷикистон асос ёфта, аз Кодекси мазкур ва дигар санадҳои меъёрии ҳуқуқии Ҷумҳурии Тоҷикистон, инчунин санадҳои ҳуқуқии байналмилалие, ки Тоҷикистон онҳоро эътироф намудааст, иборат мебошад.".

2. Дар сархати 2 қисми дуюми моддаи 3 калимаи "колхозҳо" ба калимаҳои "ташкилотҳои кишоварзӣ ва хоҷагиҳои деҳқонӣ" иваз карда шавад.

3. Дар номи моддаи 7 ва минбаъд дар тамоми матни Кодекс калимаҳои "мақомоти ҳокимияти иҷроияи маҳалҳо (ҳукуматҳо)" ба калимаҳои "мақомоти иҷроияи маҳаллии ҳокимияти давлатӣ" иваз карда шаванд.

4. Қисми якуми моддаи 9 дар таҳрири зайл ифода карда шавад:

"Назорати давлатии фаъолияти субъектҳои хоҷагидор новобаста аз шакли моликият ва тобеияти идоравии онҳо бо роҳи гузаронидани санҷиши риояи қонунгузорӣ дар бораи ҳолат, истифода, таҷдид, нигаҳдорӣ ва ҳифзи ҷангал мутобиқи Қонуни Ҷумҳурии Тоҷикистон "Дар бораи санҷиши фаъолияти субъектҳои хоҷагидор дар Ҷумҳурии Тоҷикистон" амалӣ гардонида мешавад".

5. Дар сархати чоруми қисми якуми моддаи 11 ва минбаъд дар тамоми матни Кодекс калимаҳои "Корхона, муассисаҳо, ташкилотҳо ва шаҳрвандон" ба калимаҳои "Шахсони воқеӣ ва ҳуқуқӣ" иваз карда шаванд.

6. Дар сархати сеюми моддаи 12 калимаҳои "ҳамин Кодекс, қонуни Ҷумҳурии Тоҷикистон, ҳамчунин қоидаю меъёрҳо пешбинӣ кардаанд ба ҷо оваранд" ба калимаҳои "Кодекси мазкур ва дигар санадҳои меъёрии ҳуқуқии Ҷумҳурии Тоҷикистон муқаррар кардаанд" иваз карда шаванд.

7. Дар қисми сеюми моддаи 23 ва минбаъд дар тамоми матни Кодекс калимаҳои "Шахсиятҳои ҳуқуқӣ ва шаҳрвандони Ҷумҳурии Тоҷикистон" ба калимаҳои "Шахсони воқеӣ ва ҳуқуқӣ" иваз карда шаванд.

8. Матни моддаи 27 дар таҳрири зайл ифода карда шавад:

"Иҷозатномадиҳии ҳуқуқи истифодаи сарватҳои табиии фонди ҷангал мувофиқи Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" амалӣ карда мешавад".

9. Дар қисмҳои сеюм ва панҷуми моддаи 34 ва дар матни моддаи 35 калимаҳои "колхозу совхозҳо", "колхозҳо, совхозҳо" ба калимаҳои "ташкилотҳои кишоварзӣ" иваз карда шаванд.

10. Дар қисми дуюми моддаи 42 ва минбаъд дар тамоми матни Кодекс калимаҳои "Маҷлиси маҳаллии вакилони халқ" ба калимаҳои "Маҷлиси вакилони халқ" иваз карда шаванд.

11. Дар моддаи 54:

- дар қисми якуми моддаи 54 калимаи "Шахсоне" ба калимаҳои "Шахсони воқеӣ ва ҳуқуқӣ" иваз карда шавад;

- сархати сенздаҳуми қисми якум дар таҳрири зайл ифода карда шавад:

"барои нобуд кардан ё осеб расонидан ба наҳру ҷӯйборҳо, заҳбуру роҳҳои заминҳои Фонди давлатии ҷангал мувофиқи санадҳои меъёрии ҳуқуқии Ҷумҳурии Тоҷикистон ба ҷавобгарӣ кашида мешаванд".

12. Дар номи моддаи 56 калимаҳои "Ҷавобгарӣ барои" ба калимаи "Ҷуброни" ва дар қисми якуми моддаи 56 калимаҳои "нархномаҳои ҷаримаситонии қаламрави Ҷумҳурии Тоҷикистон" ба калимаҳои "санадҳои меъёрии ҳуқуқии Ҷумҳурии Тоҷикистон" иваз карда шаванд.

13. Ба Кодекс моддаи 58(1) бо мазмуни зайл илова карда шавад:

"Моддаи 58(1). Ҷавобгарӣ барои вайрон кардани Кодекси мазкур

Шахсони воқеӣ ва ҳуқуқӣ барои вайрон намудани Кодекси мазкур мувофиқи қонунгузории Ҷумҳурии Тоҷикистон ба ҷавобгарӣ кашида мешаванд.".

14. Дар фасли VII, боби XIX ва моддаи 59 калимаҳои "Шартномаҳои байналхалқӣ" ба калимаҳои "Шартномаҳои байналмилалӣ" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Оид ба лоиҳаи Қонуни Ҷумҳурии Тоҷикистон "Дар бораи ворид намуданн тағйиру иловаҳо ба Кодекси ҷангали Ҷумҳурии Тоҷикистон"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҷангали Ҷумҳурии Тоҷикистон" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Оид ба Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҷангали Ҷумҳурии Тоҷикистон"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Дар бораи ворид намудани тағйиру иловаҳо ба Кодекси ҷангали Ҷумҳурии Тоҷикистон" баррасӣ намуда, қарор мекунад:

Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҷангали Ҷумҳурии Тоҷикистон" ҷонибдорӣ карда шавад.