Бо қарори Ҳукумати ҶТ аз 30.01.2007с. № 156 беэътибор дониста шуд

ФАРМОНИ

ПРЕЗИДЕНТИ ҶУМҲУРИИ ТОҶИКИСТОН

Дар бораи тасдиқи Низомнома ва сохтори агентии назорати маводи нашъаоварӣ назди Президенти Ҷумҳурии Тоҷикистон

Мутобиқи Протоколи байии Ҷумҳурии Тоҷикистон ва Шуъбаи Созмони Миллали Муттаҳид оид ба назорати маводи нашъаовар ва пешгирии ҷинояткорӣ, ки 27 апрели соли 1999 дар шаҳри Вена ба имзо расидааст ва бо мақсади ташкили самарабахши мубориза алайҳи муомилоти ғайриқонунии воситаҳои нашъаовар, маводи психотропӣ, прекурсорҳо ва назорати муомилоти қонунии онҳо, фармон медиҳам:

1. Низомнома ва сохтори замимашудаи Агентии назорати маводи нашъаовари назди Президенти Ҷумҳурии Тоҷикистон тасдиқ карда шаванд.

2. Ҳукумати Ҷумҳурии Тоҷикистон;

дар муҳлати ду моҳ номгуйи рутбаҳои махсуси кормандони Агентии назорати маводи нашъаовари назди Президенти Ҷумҳурии Тоҷикистонро таҳия ва онро ҷиҳати тасдиқ ба Маҷлиси Олии Ҷумҳурии Тоҷикистон пешниҳод намояд;

дар буҷети давлатӣ барои таъминоти Агентии назорати маводи нашъаовари назди Президенти Ҷумҳурии Тоҷикистон вобаста ба ҳамаи моддаҳои хароҷоте, ки дар Протокол байни Ҷумҳурии Тоҷикистон ва Шуъбаи

Созмони Миллали Муттаҳид оид ба назорати маводи нашъаовар ва пешгирии ҷинояткорӣ аз 27 апрели соли 1999 пешбинӣ шудааст, ҷудо кардани маблағро пешбини намояд.

3. Агентии назорати маводи нашъаовари назди Президенти Ҷумҳурии Тоҷикистон дар муҳлати ду моҳ ,Низомномаи тартиби адои хизмат аз ҷониби хайати қатори ва роҳбарикунандаи Агентии назорати маводи нашъаовари назди Президенти Ҷумҳурии Тоҷикистонро ҷиҳати тасдиқ ба Ҳукумати Ҷумҳурии Тоҷикистон пешниҳод намояд.

4.Вазорати корҳои дохилии Ҷумҳурии Тоҷикистон, Вазорати амнияти Ҷумҳурии Тоҷикистон, Вазорати адлияи Ҷумҳурии Тоҷикистон, Вазорати тандурустии Ҷумҳурии Тоҷикистон дар тавқифгоҳҳои нигаҳдошти муваққатӣ ва тавқифгоҳҳои тафтишотӣ, нигоҳ доштани шахсони барои ҷиноятҳои вобаста ба нашъа дастгиршуда ва ба ҳабс гирифташударо таъмин намуда, инчунин ба Агентии назорати (маводи нашъаовари назди Президенти Ҷумҳурии Тоҷикистон дар гузаронидаии экспертизаҳои зарурӣ, истифодаҳои маъхазҳои иттилоотии маълумот, биноҳои хизматӣ ва воситаҳои алоқа чиҳати анҷом додани тадбирҳои ибтидоии тафтишотию оперативӣ кӯмак намоянд.

5. Вазоратҳо, кумитаҳои давлатӣ ва идораҳои Ҷумҳурии Тоҷикистон оид ба масъалахои муомилоти қонунии воситаҳои нашъаовар, маводи психотропӣ, прекурсорҳо ва мубориза алайҳи муомилоти ғайриқонунии онҳо муолиҷа ва пешгирии нашъаманди ба Агентии назорати маводи нашъаовари назди Презеденти Ҷумҳурии Тоҷикистон маълумоти омории семоҳа, нимсола ва солонаеро, ки Ҳукумаги Ҷумҳурии Тоҷикистон тасдиқ кардааст, пешиниҳод намоянд.