Ҳукумати Ҷумҳурии Тоҷикистон

ҚАРОР

Оид ба ворид намудани тағйиру иловаҳо ба қарори Ҳукумати Ҷумҳурии Тоҷикистон аз 7 сентябри соли 2006 № 414

Мувофиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Дастурамали баҳисобгирии омории ҷиноятҳои хусусияти коррупсионидошта ва феҳристи чунин ҷиноятҳо, ки бо қарори Ҳукумати Ҷумҳурии Тоҷикистон аз 7 сентябри соли 2006 № 414 "Дар бораи тасдиқи Дастурамали баҳисобгирии омории ҷиноятҳои хусусияти коррупсионӣ дошта ва феҳристи чунин ҷиноятҳо" тасдиқ шудааст, тағйиру иловаҳои зерин ворид карда шаванд:

1. Сархатҳои панҷум ва шашуми банди 6 дар таҳрири зайл ифода карда шаванд:

"- Агентии назорати давлатии молиявӣ ва мубориза бо коррупсияи Ҷумҳурии Тоҷикистон";

- Хадамоти гумруки назди Ҳукумати Ҷумҳурии Тоҷикистон;".

2. Дар банди 11:

- баъди калима ва рақами "(моддаи 292);" сархати нав дар таҳрири зайл илова карда шавад;

"саркашии шахси воқеӣ аз пардохти андоз (моддаи 293);";

- баъди калима ва рақамҳои "(моддаи 314)" зербанди нав дар таҳрири зайл илова карда шавад;

"- беамалӣ дар иҷрои вазифа (моддаи 315);";

- баъди калима ва рақамҳои "(моддаи 325)" зербанди нав дар таҳрири зайл илова карда шавад:

"-ғайриқонунӣ иҷозат додан ба гирифта гаштан ва нигоҳдории яроқи оташфишон (моддаи 326);";

- зербандҳои "-сохтакорӣ, тайёр кардан ё ба соҳибияти каси дигар додани ҳуҷҷат, мукофоти давлатӣ, штамп, мӯҳр ё бланкаҳои қалбакӣ (моддаи 340)" ва "-тасарруфи яроқи оташфишон, лавозимоти ҷангӣ (моддаи 393)" хориҷ карда шаванд.

3. Дар сархати дуюми банди 12 матни тоҷикӣ калимаи "хислати" ба калимаи "хусусияти" иваз карда шавад;

4. Сархати дуюми банди 35 хориҷ карда шавад.

5. Дар банди 16:

- калимаҳои "Вазорати даромадҳо ва пардохтҳои давлатии Ҷумҳурии Тоҷикистон" ба калимаҳои "Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон," иваз карда шаванд.

- сархати дуюм хориҷ карда шавад.

6. Аз сархати дуюми банди 17 калимаҳо ва рақамхои "аз рӯи тартиби дар моддаи 407 Кодекси мурофиавии ҷиноятии Ҷумҳурии Тоҷикистон пешбинишуда, протокол оид ба суд ирсол намудани мавод аз ҷониби прокурор тасдиқ карда шудааст," ва "Дар сутунҳои минбаъда (2-49) ин ҷиноятҳо аз рӯи мансубияти соҳавиашон тақсим карда мешаванд", хориҷ карда шаванд.

7. Банди 18 дар таҳрири зайл ифода карда шавад:

"Фасли 5 "Ҳолати тафтишоти ҷиноятҳои хусусияти коррупсионидошта" аз рӯи маълумотҳои Ҳисоботи давлатии омории шакли №1Е "Оиди кори тафтишот" пешбинишуда ва рӯйхатҳои ба он замимашаванда пур карда мешавад.

8. Дар банди 19:

- дар сархати дуюм калимаи "айбнома" ба калимаи "фикри айбдоркунӣ" иваз карда шуда, калимаҳо ва рақамҳои "аз рӯи тартиби дар моддаи 407 Кодекси мурофиавии ҷиноятии Ҷумҳурии Тоҷикистон пешбннишуда, протокол ҷиҳати ба суд ирсол намудани мавод аз ҷониби прокурор тасдиқ карда шудааст", хориҷ карда шаванд.

- сархати чорум дар таҳрири зайл ифода карда шавад:

"Дар сутуни 2 миқдори шахсоне, ки аз ҷавобгарии ҷиноятӣ озод карда шудаанд, нишон дода шавад".

- аз сархати панҷум рақамҳои "(3-53)" хориҷ карда шаванд.

9.Банди 26 хориҷ карда шуда, бандҳои 27-33 мутаносибан бандхои 26-32 ҳисобида шаванд.

10. Дар банди 30:

- дар сархати якум баъди калимаҳои "Раёсати ахбори Вазорати корҳои дохилии Ҷумҳурии Тоҷикистон" калимаҳои "Прокуратураи генералии Ҷумҳурии Тоҷикистон" илова карда шаванд.

- сархати дуюм дар таҳрири зайл ифода карда шавад:

"Прокуратураи генералии Ҷумҳурии Тоҷикистон ва Вазорати корҳои дохилии Ҷумҳурии Тоҷикистон дар асоси маълумоти гирифташуда, вобаста ба ошкоршавии ҷиноятҳои хусусияти коррупсионидошта ва паҳншавии онҳо дар соҳа ва самтҳои фаъолият тибқи фаслҳои 3-4 ҳисоботи мазкур ҳар нимсола ва солона бо дарназардошти маълумоти афзуншаванда бо тақсим намудан ба субъектҳои бақайдгирӣ ва минтақаҳои Ҷумҳурии Тоҷикистон, маълумоти ҷамъбастӣ тартиб дода ба Маҷлиси миллии Маҷлиси Олии Ҷумҳурии Тоҷикистон, Президенти Ҷумҳурии Тоҷикистон ва Кумитаи давлатии омори Ҷумҳурии Тоҷикистон, пешниҳод менамояд.".

11. Дар сархати якуми банди 31 баъд аз калимаҳои "содир кардаанд" калимаҳои "Агентии назорати давлатии молиявӣ ва мубориза бо коррупсияи Ҷумҳурии Тоҷикистон" илова карда шуда, калимаҳои "Департаменти гумрук ва Сарраёсати полиси андози Вазорати даромадҳо ва пардохтҳои давлатии Ҷумҳурии Тоҷикистон" ба калимаҳои "Хадамоти гумруки назди Ҳукумати Ҷумҳурии Тоҷикистон" иваз карда шаванд.

12. Ба сархати дуюми банди 32 баъди калимаҳои "Прокуратураи генералии Ҷумҳурии Тоҷикистон," калимаҳои "Агентии назорати давлатии молиявӣ ва мубориза бо коррупсияи Ҷумҳурии Тоҷикистон," илова карда шаванд.

13. Аз банди 33 калимаҳои "корҳои таҳлилӣ ва" хориҷ карда шаванд.

14. Дар тамоми матни тоҷикии Дастурамал калимаҳои "фикри айбдорӣ" ба калимаҳои "фикри айбдоркунӣ" иваз карда шаванд.

15. Ба Дастурамали баҳисобгирии омории ҷиноятҳои хусусияти коррупсионидошта ва феҳристи чунин ҷиноятҳо банди 33 дар таҳрири зайл илова карда шавад:

"33. Ҷиноятҳои зерин аз рӯи тартиби дар ҳамин Дастурамал пешбинишуда дар ҳисоботи омории шакли "№1-коррупсия"-и мақомоти Агентӣ дарҷ карда шаванд:

- соҳибкории ғайриқонунӣ (моддаи 259);

- истеҳсол, ба даст овардан, нигоҳдорӣ, ҳамлу нақл ё ба муомилот баровардани мол ва маҳсулоти тамғанашуда" (моддаи 2591);

- соҳибкории сохта (моддаи 260);

- бақайдгирии аҳди ғайриқонунӣ бо замин (моддаи 261);

- ба расмият даровардани (қонунн гардонидани) маблағҳои пулӣ ё амволи дигари ғайриқонунӣ ба даст овардашуда (моддаи 262);

- ҳаракати ғайриқонунӣ ҳангоми муфлисшавӣ (моддаи 269);

- муфлисшавии бадқасдона (моддаи 270);

- муфлисии сохта (моддаи 271);

- сохтакорона тайёр кардан, ба муомилот баровардани маркаҳои боҷи аксизӣ, маркаҳои махсус ё аломатҳои мутобиқатӣ ва ё истифодаи онҳо (моддаи 3401)".

16. Фаслҳои замимагардидаи 2, 3, 4, 5 ва 6 ҳисоботи омории шакли "№1-коррупсия" дар шакли нав тасдиқ карда шаванд.