Ҳукумати Ҷумҳурии Тоҷикистон

ҚАРОР

Оид ба таъсис додани Корхонаи воҳиди давлатии ҷумҳуриявии "Тоҷикагролизинг"

Мутобиқи моддаи 52 Кодекси граждании Ҷумҳурии Тоҷикистон ва бо назардошти таъмини соҳаи кишоварзӣ бо техника ва дигар мошинолотoои кишоварзӣ Ҳукумати Ҷумҳурии Тоҷикистон қарор мекунад:

1. Корхонаи воҳиди давлатии ҷумҳуриявии "Тоҷикагролизинг" таъсис дода шавад.

2. Вазорати молияи Ҷумҳурии Тоҷикистон барои ташкили фонди оинномавии Корхонаи воҳиди давлатии ҷумҳуриявии "Тоҷикагролизинг" ва ба роҳ мондани амалиёти лизингӣ дар буҷети ҷумҳурӣ барои соли 2008 маблағи 8 млн. сомонӣ пешбинӣ намояд.

3. Вазорати кишоварзӣ ва ҳифзи табиати Ҷумҳурии Тоҷикистон дар мӯҳлати ду моҳ Оинномаи Корхонаи воҳиди давлатии ҷумҳуриявии "Тоҷикагролизинг"-ро таҳия намуда, тибқи тартиби муқарраргардида ба Ҳукумати Ҷумҳурии Тоҷикистон пешниҳод намояд.

4. Ба Номгӯи ташкилотҳои Вазорати кишоварзӣ ва ҳифзи табиати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 26 декабри соли 2006, № 591 "Дар бораи Вазорати кишоварзӣ ва ҳифзи табиати Ҷумҳурии Тоҷикистон" тасдиқ карда шудааст, калимаҳои "Корхонаи воҳиди давлатии ҷумҳуриявии "Тоҷикагролизинг" илова карда шаванд.