Ҳукумати Ҷумҳурии Тоҷикистон

ҚАРОР

Дар бораи тасдиқи Низомномаи барӯйхатгирии техникии қитъаҳои заминӣ, иморатҳо, иншоот, шабақаҳои инженерӣ ва объектҳои ободонии атроф дар шаҳрҳо, маркази ноҳияҳо, шаҳракҳо ва деҳоти Ҷумҳурии Тоҷикистон

Бо мақсади таъмини тартиби ягонаи бақайдгирии давлатии қитьаҳои заминӣ, иморатҳо, иншоот, шабакаҳои инженерӣ ва объектҳои ободонии атроф дар шаҳрҳо, маркази ноҳияҳо, шаҳракҳо ва деҳоти ҷумҳурӣ, ки ба ашхоси ҳуқуқӣ ва воқеӣ, сарфи назар аз шакли моликият, тааллуқ доранд, Ҳукумати Ҷумҳурии Тоҷикистон қарор мекунад:

1. Низомномаи замимагардидаи барӯйхатгирии техникии қитъаҳои заминӣ, иморатҳо, иншоот, шабақаҳои инженерӣ ва объектҳои ободонии агроф дар шаҳрҳо, маркази ноҳияҳо, шаҳракҳо ва деҳоти Ҷумҳурии Тоҷикистон тасдиқ карда шавад.

2. Ба Раисони ВМКБ, вилоятҳо, шаҳру ноҳияҳои ҷумҳурӣ супорида шавад, ки якҷоя бо Консерни давлатии "Тоҷиккоммунсервис" дар тӯли солҳои 1999-2001 барӯйхатгирии қитьаҳои заминӣ, иморатҳо, иншоот, шабақаҳои инженерӣ ва объектҳои ободонии атрофҳо, ки ба ашхоси ҳуқуқӣ ва воқеӣ, сарфи назар аз шакли моликият, тааллуқ доранд, анҷом диҳанд.

3. Ба Консерни давлатии "Тоҷиккоммунсервис", ки тамоми асноди меъёрии пеш таҳиягардидаро бо талаботи ҳамин Низомнома мутобиқ гардонида шаванд.

4. Муқаррар карда шавад, ки корхонаи барӯйхатгирии Консерни давлатии "Тоҷиккоммунсервис" хусусӣ гардонида намешавад.

5. Қарори Шӯрои Вазирони РСС Тоҷикистон аз 20 июни соли 1962 № 291 "Дар бораи чораҳои беҳтар гардонидани барӯйхатгирии техникии заминҳои шаҳрҳо, иморатҳо ва иншоот дар РСС Тоҷикистон" беэътибор дониста шавад.