Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 30 декабри соли 2005 № 514 "Дар бораи таъсиси Комиссияи Ҳукумати Ҷумҳурии Тоҷикистон оид ба ҳамоҳангсозии фаъолият дар мубориза бо ҳуқуқвайронкунӣ дар соҳаи моликияти зеҳнӣ"

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" ва Фармони Президенти Ҷумҳурии Тоҷикистои аз 30 ноябрп соли 2006 № 9 "Дар бораи такмили сохтори мақомоти марказии ҳокимияти иҷроияи Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

Банди 1 қарори Ҳукумати Ҷумҳурии Тоҷикистон аз 30 декабри соли 2005 №514 "Дар бораи таъсиси Комиссияи Ҳукумати Ҷумҳурии Тоҷикистон оид ба ҳамоҳангсозии фаъолият дар мубориза бо ҳуқуқвайронкунӣ дар соҳаи моликияти зеҳнӣ" дар таҳрири зайл ифода карда шавад:

"1. Комиссиян Ҳукумати Ҷумҳурии Тоҷикистон оид ба ҳамоҳангсозии фаъолият дар мубориза бо ҳуқуқвайронкунӣ дар соҳаи моликияти зеҳнӣ дар ҳайати зерин таъсис дода шавад:

Муовини Сарвазири Ҷумҳурии Тоҷикистон, Раиси Комиссия;

Муовини Вазири корҳои дохилӣ, муовини Раиси Комиссия;

Сармутахассиси Шӯъбаи иттилоотию таҳлилии Дастгоҳи иҷроияи Президенти Ҷумҳурии Тоҷикистон, котиби масъули Комиссия.

Аъзои Комиссия:

Мудири Шӯъбаи иттилоотию таҳлилии Дастгоҳи иҷроияи Президенти Ҷумҳурии Тоҷикистон;

Мудири Шӯъбаи мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон;

Муовини Вазири адлияи Ҷумҳурии Тоҷикистон;

Муовини Вазири рушди иқтисод ва савдои Ҷумҳурии Тоҷикистон;

Муовини Вазири фарҳанги Ҷумҳурии Тоҷикистон;

Муовини Вазири энергетика ва саноати Ҷумҳурии Тоҷикистон;

Муовини Раиси Шӯрои адлияи Ҷумҳурии Тоҷикистон;

Муовини Раиси Кумитаи телевизион ва радиои назди Хукумати Ҷумҳурии Тоҷикистон;

Муовини аввали Сардори хадамоти гумруки назди Ҳукумати Ҷумҳурии Тоҷикистон;

Муовини Директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон".