Бо қарори Ҳукумати ҶТ аз 5.07.2014 № 463 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи ба таъхир гузоштани мӯҳлати пардохти боҷи гумрукӣ ва андоз аз арзиши иловашуда ба субъектҳои фаъолияти иқтисодии хориҷӣ, ки ба Ҷумҳурии Тоҷикистон таҷҳизоти технологӣ ва маҳсулоти такмилии онҳоро ворид менамоянд

Мутобиқи моддаи 378 Кодекси гумруки Ҷумҳурии Тоҷикистон ва бо мақсади амалӣ намудани "Барномаи рушди соҳаи паррандапарварӣ барои солқои 2007-2015", ки бо қарори Ҳукумати Ҷумҳурии Тоҷикистон аз 3 октябри соли 2006 № 451 тасдиқ гардидааст, Ҳукумати Ҷумҳурии Тоҷикистон қарор мекунад:

1. Вазорати молияи Ҷумҳурии Тоҷикистон барои ҷамъиятҳои саҳомии кушодаи "Мурғи Марҷон" ва "Мурғи Ҳилол"-и ноҳияи Файзобод, ки ба Ҷумхурии Тоҷикистон аз Ҷумҳурии Исломии Эрон тибқи қарордодҳои №№DН-04, DН-04/1, DН-05 аз 9 апрели соли 2007 ва №DН-07/07 аз 13 июли соли 2007 аз ширкатҳои "Toyouzan Со" ва "ARSAM KAR Теhran Со" ба маблағи 751265 EURO ва 150000 доллари ЙМА таҷҳизоти технологӣ ва қисмҳои такмилии онҳоро ворид менамоянд, мӯҳлати пардохти боҷи гумрукӣ ва андоз аз арзиши иловашударо аз 1 сентябр то 1 декабри соли 2007 ба мӯҳлати се моҳ ба таъхир гузорад.

2. Хадамоти гумруки назди Ҳукумати Ҷумҳурии Тоҷикистон:

- батаъхиргузориро бо шартҳои ба мақомоти гумрук таъмин намудани пардохтҳои гумрукӣ тибқи тартиби пешбининамудаи боби 46 Кодекси гумруки Ҷумҳурии Тоҷикистон амалӣ намояд;

- ҷиҳати бебаҳс ситонидани маблағи батаъхиргузошта баъди ба охир расидани мӯҳлати батаъхиргузорӣ тибқи талаботи қонунгузории ҷории Ҷумҳурии Тоҷикистон тадбирҳои заруриро андешад;

- назорати истифодаи мақсадноки молҳои воридшударо таъмин намояд.

3. Ҳамин қарор аз 1 сентябри соли 2007 мавриди амал қарор дода шавад.