ҚОНУНИ ҶУМҲУРИИ ТОҶИКИСТОН

"Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳифзи табиат"

Моддаи 1. Ба Қонуни Ҷумҳурии Тоҷикистон аз 27 декабри соли 1993 "Дар бораи ҳифзи табиат" (Ахбори Шӯрои Олии Ҷумҳурии Тоҷикистон, соли 1994, № 2, мод. 36; Ахбори Маҷлиси Олии Ҷумҳурии Тоҷикистон, соли 1996, №3, мод. 48, фасли XVII; соли 1997, №23-24, мод. 333, фасли XXI; соли 2002, №4, қ.1, мод.245; соли 2002, №11, мод. 708; соли 2004, №7, мод. 465) тағйиру иловаҳои зерин ворид карда шаванд:

1. Сархати шашуми қисми якуми моддаи 7 хориҷ карда шавад.

2. Сархати нӯҳуми қисми якуми моддаи 8 дар таҳрири зайл ифода карда шавад:

"- муроҷиат кардан ба суд бо даъво дар бораи маҳдуд кардан ё қать гардонидани фаъолияти шахсони ҳуқуқие, ки бо вайрон кардани қонунгузории ҳифзи табиат фаъолият менамоянд, аз ҷумла бо даъво дар ҳолати барзиёд будани лимитҳои партовҳои маводи ифлоскунанда;".

3. Сархати шашуми моддаи 9 хориҷ карда шавад.

4. Дар моддаи 66:

- қисми дуюм бо мазмуни зайл илова карда шавад:

"Назорати давлатии фаъолияти субъектҳои хоҷагидор новобаста аз шакли моликият ва тобеияти идоравии онҳо бо роҳи гузаронидани санҷиши риояи қонунгузорӣ дар бораи ҳифзи табиат, мутобиқи Қонуни Ҷумҳурии Тоҷикистон "Дар бораи санҷиши фаъолияти субъектҳои хоҷагидор дар Ҷумҳурии Тоҷикистон" ба амал бароварда мешавад;";

- қисми дуюм мутаносибан қисми сеюм ҳисобида шавад;

- сархати панҷуми қисми сеюм дар таҳрири зайл ифода карда шавад:

"- дар хусуси боздоштани фаъолияти субъектҳои хоҷагидор қарор қабул намояд. Қарор бо мақсади роҳ надодан ба хатари бевосита барои ҳаёт ва саломатии одамон, ба миён омадани фалокати техногенӣ, расонидани зарари барқарорнашаванда ба объектҳои табиат ё ҳолати муҳити зист қабул карда мешавад. Қарор дар ҳолати ошкор шудани ду ва зиёда аз он вайронкунии шарту талабот дар соҳаи ҳифзи муҳити зист қабул мешавад, агар пешгирии ин вайронкуниҳо бо дигар роҳҳо имконнопазир бошад."

5. Қисми дуюми моддаи 67 дар таҳрири зайл ифода карда шавад:

"Тартиби ташкил ва фаъолияти назорати идоравӣ ва истеҳсолиро қонун муайян менамояд".

6. Дар сархати сеюми моддаи 90 калимаи "бемамониат" ба калимаҳои "тибқи тартиби муқарраргардидаи қонун" иваз карда шавад.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул намудани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳифзи табиат"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоқикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳифзи табиат" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳифзи табиат"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳифзи табиат" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳифзи табиат" ҷонибдорӣ карда шавад.