Бо қарори Ҳукумати ҶТ аз 15.05.2003с. № 223 беэътибор дониста шуд

Ҳукумати Ҷумҳурии Тоҷикистон

ҚАРОР

Дар бораи тасдиқи Шартномаи намунавӣ ва Низомнома оид ба истеҳсоли муштараки пахта ва фурӯши маҳсулоти пахта дар Ҷумҳурии Тоҷикистон

Бо мақсади таъмиқи ислоҳоти иқтисодӣ дар соҳаи пахтакорӣ ва муҳайё намудани шароит барои ҷалби сармоягузорӣ дар ин соҳа Ҳукумати Ҷумҳурии Тоҷикистон қарор мекунад:

1. Шартномаи намунавӣ ва Низомномаи замимагардида оид ба истеҳсоли муштараки пахта ва фурӯши маҳсулоти пахта дар Ҷумҳурии Тоҷикистон тасдиқ карда шаванд.

2. Муқаррар карда шавад, ки:

шартномаҳо байни истеҳсолкунандагони пахта ва сармоягузорон оид ба истеҳсоли муштараки пахта ва фурӯши маҳсулоти пахта барои соли кишоварзӣ баста мешаванд ва онҳо ба шарте ҳақиқи дониста мешаванд, ки дар Биржаи ҷумҳуриявии пахтаи Тоҷикистон бо тартиби муқарраркардаи қарори Ҳукумати Ҷумҳурии Тоҷикистон аз 12 сентябри соли 1998 № 369 "Дар бораи такмили баҳисобгирӣ, муайян кардани ҳаҷмҳои истеҳсоли пахта, нахи пахта, дигар маҳсулоти пахта ва тартиби фурӯши онҳо" ба қайд гирифта шуда бошанд;

ба нахи пахта нархҳо аз рӯи нархгузории Биржаи ҷумҳуриявии пахтаи Тоҷикистон дар санаи ҳамлу нақл (фурӯхтан) ва бо дарназардошти нархҳои ҷаҳонӣ муайян гардидааст муқаррар карда мешаванд.

3. Вазорати кишоварзии Ҷумҳурии Тоҷикистон якҷоя бо бонкҳои хизматрасон назорати дахлдорро ба истифодаи мақсадноки маблағҳои павпардохташуда амалӣ намуда ба Ҳукумати Ҷумҳурии Тоҷикистон дар хусуси ҷараёни иҷрои шартномаҳо дар бораи истеҳсоли муштараки пахта ва фурӯши маҳсулоти пахта мунтазам маълумот пешниҳод кунад.