Тартиби додани имтиёзоти озод намудан аз пардохти андоз аз арзиши иловашуда ва боҷҳои гумрукӣ ҳангоми воридоти таҷҳизоти истеҳсолию технологӣ ва маҳсулоти такмилии (комплектии) онҳо (ки маҷмӯи ягонаро ташкил медиҳанд, яъне бе онҳо кори таҷҳизоти истеҳсолию технологӣ имконнопазир аст) барои ташаккул ё пурра кардани фонди оинномавии корхонаҳо ё азнавтаҷҳизонии техникии истеҳсолоти амалкунанда ба шарте, ки ин амвол мустақиман дар истеҳсоли молҳо, иҷрои корҳо ва хизматрасони мутобиқи ҳуҷҷатҳои таъсисии корхона истифода гардад ва ба категорияи молҳои таҳти аксизи қарор нагирад

1. Тартиби додани имтиёзоти озод намудан аз пардохти андоз аз арзиши иловашуда, ва боҷҳои гумруки ҳангоми воридоти таҷҳизоти истеҳсолию технологи ва маҳсулоти такмилии (комплектии) онҳо (ки маҷмӯи ягонаро ташкил медиҳанд, яъне бе онҳо кори таҷҳизоти истеҳсолию технологи имконнопазир аст) барои ташаккул ё пурра кардани фонди оинномавии корхонаҳо ё азнавтаҷҳизонии техникии истеҳсолоти амалкунанда ба шарте, ки ин амвол мустақиман дар истеҳсоли молҳо, иҷрои корҳо ва хизматрасони мутобиқи ҳуҷҷатҳои таъсисии корхона истифода гардад ва ба категорияи молҳои таҳти аксизи қарор нагирад (минбаъд - "Тартиб") мутобиқи банди 4 қисми 4 моддаи 211 Кодекси андози Ҷумҳурии Тоҷикистон ва банди 4 моддаи 345 Кодески гумруки Ҷумҳурии Тоҷикистон таҳия шуда, шартҳои додани имтиёзоти озод намудан аз пардохти андоз аз арзиши иловашуда ва боҷҳои гумруки ҳангоми воридоти таҷҳизоти истеҳсолию технологи ва маҳсулоти такмилии (комплектии) онҳо (ки маҷмӯи ягонаро ташкил медиҳанд, яъне бе онҳо кори таҷҳизоти истеҳсолию технологи имконнопазир аст) барои ташаккул ё пурра кардани фонди оинномавии корхонаҳо ё азнавтаҷҳизонии техникии истеҳсолоти амалкунандаро ба шарте, ки ин амвол мустақиман дар истеҳсоли молҳо, иҷрои корҳо ва хизматрасони мутобиқи ҳуҷҷатҳои таъсисии корхона истифода гардад ва ба категорияи молҳои таҳти аксизи қарор нагирад (минбаъд - "Таҷҳизоти истеҳсолию технологи ва маҳсулоти такмилии (комплектии) онҳо") муайян менамояд.

2. Тартиб бо мақсади тақвият бахшидан ба назорати додани имтиёзоти озод намудан аз пардохти андоз аз арзиши иловашуда ва боҷҳои гумруки ҳангоми воридоти таҷҳизоти истеҳсолию технологи ва маҳсулоти такмилии (комплектии) онҳо, ба таҷҳизоти истеҳсолию технологи ва маҳсулоти такмилии (комплектии) онҳо мансуб донистани амволи воридшаванда ҷори карда мешавад.

3. Додани имтиёзот мутобиқи ин Тартиб бо шарте сурат мегирад, ки агар таҷҳизоти истеҳсолию технологи ва маҳсулоти такмилии (комплектии) онҳо:

- дар мӯҳлатҳои дар ҳуҷҷатҳои таъсиси барои ташаккул ва ё пурра кардани фонди оинномавии корхонаҳо ё азнавтаҷҳизонии техникии истеҳсолоти амалкунанда дар корхона муқарраргардида ворид мешавад;

- бевосита барои истеҳсоли молҳо, иҷрои корҳо ва хизматрасониҳо мутобиқи ҳуҷҷатҳои муассисии корхона истифода мешавад;

- бояд маҳз барои мақсадҳои таъингардида истифода гардад ва набояд ба шахси сеюм ба фурӯш бароварда шавад;

- ба фондҳои асосии истеҳсоли таалуқ дошта бошад;

- амволи воридшаванда ба категорияи молҳои зераксизи дохил набошад.

4. Комиссияи байниидовари оид ба муайян ва тасдиқ намудани Номгӯи таҷҳизоти истеҳсолию технологи ва маҳсулоти такмилии (комплектии) онҳо (ки маҷмӯи ягонаро ташкил медиҳанд, яъне бе онҳо кори таҷҳизоти истеҳсолию технологи имконнопазир аст) барои ташаккул ё пурра кардани фонди оинномавии корхонаҳо ё азнавтаҷҳизонии техникии истеҳсолоти амалкунандаро ба шарте, ки ин амвол мустақиман дар истеҳсоли молҳо, иҷрои корҳо ва хизматрасони мутобиқи ҳуҷҷатҳои таъсисии корхона истифода гардад ва ба категорияи молҳои таҳти аксизи қарор нагирад (минбаъд - "Комиссияи байниидорави"):

- маҳфуми "таҷҳизоти истеҳсолию технологи ва маҳсулоти такмилии (комплектии) онҳо"-ро муайян месозад;

- Номгӯи таҷҳизоти истеҳсолию технологи ва маҳсулоти такмилии (комплектии) онҳо (ки маҷмӯи ягонаро ташкил медиҳанд, яъне бе онҳо кори таҷҳизоти истеҳсолию технологи имконнопазир аст) барои ташаккул ё пурра кардани фонди оинномавии корхонаҳо ё азнавтаҷҳизонии техникии истеҳсолоти амалкунандаро ба шарте, ки ин амвол мустақиман дар истеҳсоли молҳо, иҷрои корҳо ва хизматрасони мутобиқи ҳуҷҷатҳои таъсисии корхона истифода гардад ва ба категорияи молҳои таҳти аксизи қарор нагирад, ки ба Ҷумҳурии Тоҷикистон ворид мегардад ва аз пардохти андоз аз арзиши иловашуда ва боҷҳои гумруки озод карда мешавад (минбаъд - "Номгӯ"), тасдиқ мекунад:

- барои истифода бурдан ё набурдани озодшавии воридоти таҷҳизоти истеҳсолию технологи ва маҳсулоти такмилии (комплектии) онҳо аз андозбанди аз арзиши иловашуда ва боҷҳои гумруки, ки ба Номгӯ дохил нагардидаанд, хулоса мебарорад.

5. Ҳуқуқи муроҷиат карданро ба Комиссияи байниидорави оид ба масъалаи мансуб намудани амволи воридшаванда ба таҷҳизотн истеҳсолию технологи ва маҳсулоти такмилии (комплектии) онҳо Вазорати даромадҳо ва пардохтҳои давлатии Ҷумҳурии Тоҷикистон, инчунин шахси ҳуқуқи, ки чунин амволро ворид мекунад, доро мебошад.

Барои дарёфти хулосаи Комиссияи байниидорави пешниҳоди маҷмӯи пурраи ҳуҷҷатҳои зерин зарур аст:

аризаи субъекти фаъолияти иқтисодии хориҷи дар бораи додани имтиёзоти андози мутобиқи банди 4 қисми 4 моддаи 211 Кодекси андози Ҷумҳурии Тоҷикистон ва банди 4 моддаи 345 Кодекси гумруки Ҷумҳурии Тоҷикистон;

- нусхаҳои мутобиқи тартиби муқарраргардида тасдиқшудаи ҳуҷҷатҳои таъсисии корхона тибқи шакли ташкилию ҳуқуқии он бо тағйироти воридгардида (агар чунин тағйироту иловаҳо ворид шуда бошанд), ки аз қайди давлати гузаштанд;

- номгӯи таҷҳизоти воридшавандаи истеҳсолию технологи ва маҳсулоти такмилии (комплектии) онҳо (агар чунин номгӯ дар ҳуҷҷатҳои таъсиси набошад);

- дигар ҳуҷҷатҳое, ки ба истифодаи чунин озодшави алоқаманданд.

Комиссияи байниидорави пас аз гирифтани ҳамаи ҳуҷҷатҳои дар ин банд нишондодашуда дар мӯҳлати ду ҳафта хулосаи дахлдорро пешниҳод менамояд.

6. Вазорати даромадҳо ва пардохтҳои давлатии Ҷумҳурии Тоҷикистон:

- озод намудан аз пардохти андоз аз арзиши иловашуда ва боҷҳои гумрукиро ҳангоми воридоти таҷҳизоти истеҳсолию технологи ва маҳсулоти такмилии (комплектии) онҳо мутобиқи Номгӯи тасдиқнамудаи Комиссияи байниидорави ва аз рӯи хулосаи Комиссияи байниидорави нисбати намудҳои ба Номгӯ дохилнагардида, бо шарти мутобиқати воридоти амволи дар ин банд зикршуда ба талаботи банди 4 қисми 4 моддаи 211 Кодекси андози Ҷумҳурии Тоҷикистон, банди 4 моддаи 345 Кодекси гумруки Ҷумҳурии Тоҷикистон, ин Тартиб ва дар ҳолати пешниҳоди маҷмӯи пурраи ҳуҷҷатҳои дар банди 5 ин Тартиб нишондодашуда, анҷом медиҳад;

- баҳисобгирии ҳаҷмҳои арзишии амалан додашудаи озодшавии воридоти таҷҳизоти истеҳсолию технологи ва маҳсулоти такмилии (комплектии) онҳоро таъмин менамояд;

- анҷом додани назорати гумруки ва андозии истифодаи мақсадноки таҷҳизоти истеҳсолию технологи ва маҳсулоти такмилии (комплектии) онҳоро, ки бо озодшави аз пардохти андоз ба арзиши илова ва боҷҳои гумруки ворид шудаанд, таъмин менамояд;

- воридсозии (воридоти) шартии таҷҳизоти истесҳсолию технологи ва маҳсулоти такмилии (комплектии) онҳоро амали менамояд;

- дар ҳолати барҳам хӯрдани корхона ё дар сурате, ки таҷҳизоти истеҳсолию технологи ва маҳсулоти такмилии (комплектии) онҳо ба таври имтиёзнок ворид гардида дар мӯҳлати 4 сол аз лаҳзаи расидан (воридот)-ашон ба ҷумҳури аз тарафи ин корхона истифода намешаванд ё ба шахси дигар ба фурӯш бароварда мешаванд ба буҷет маблағи андоз аз арзиши илова ва боҷҳои гумрукии мутобиқи банди 4 қисми 4 моддаи 211 Кодекси андози Ҷумҳурии Тоҷикистон ва банди 4 моддаи 345 Кодексн гумруки Ҷумҳурии Тоҷикистон ва ҳамин Тартиб пардохтнашударо меситонад;

- дар ҳолати аз тарафи мақомоти андоз ё гумрук ошкор сохтани истифодаи ғайримақсадноки молҳо (дар доираи мӯҳлати 4 сола, ки дар банди 4 қисми 4 моддаи 211 Кодекси андози Ҷумҳурии Тоҷикистон ва банди 4 моддаи 345 Кодекси гумруки Ҷумҳурии Тоҷикистон муқаррар гардидааст), ки ба қаламрави гумрукии Ҷумҳурии Тоҷикистон бо озодшави аз пардохти андоз аз арзиши иловашуда ва боҷҳои гумруки ворид шудаанд, ҳисоб ва ситонидани андозро аз арзиши иловашуда ва боҷҳои гумруки, ҷарима ва фоизҳо аз санаи воридсозии чунин молҳо ба қаламрави гумрукии Ҷумҳурии Тоҷикистон то лаҳзаи пардохти воқеии андозҳо мутобиқи тартиби муқаррарнамудан Кодекси андози Ҷумҳурии Тоҷикистон анҷом медиҳад.

Ҳайати Комиссияи байниидоравӣ оид ба муайян ва тасдиқ намудани Номгӯи таҷҳизоти истеҳсолию технологӣ ва маҳсулоти такмилии (комплектии) онҳо (ки маҷмӯи ягонаро ташкил медиҳанд, яъне бе онҳо кори таҷҳизоти истеҳсолию технологӣ имконнопазир аст) барои ташаккул ё пурра кардани фонди оинномавии корхонаҳо ё азнавтаҷҳизонии техникии истеҳсолоти амалкунанда ба шарте, ки ин амвол мустақиман дар истеҳсоли молҳо, иҷрои корҳо ва хизматрасони мутобиқи ҳуҷҷатҳои таъсисии корхона истифода гардад ва ба категорияи молҳои таҳти аксизи қарор нагирад , ки ба Ҷумҳурии Тоҷикистон ворид мешаванд ва аз пардохти андз аз арзиши иловашуда ва боҷҳои гумрукӣ озод мегарданд

1. Вазири иқтисод ва савдои Ҷумҳурии Тоҷикистон (Роҳбар)

2. Вазири молияи Ҷумҳурии Тоҷикистон

3. Вазири адлияи Ҷумҳурии Тоҷикистон

4. Вазири даромадҳо ва пардохтҳои давлатии Ҷумҳурии Тоҷикистон