ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи байторӣ"

Моддаи 1. Ба Қонуни Ҷумҳурии Тоҷикистон аз 8 декабри соли 2003 "Дар бораи байторӣ" (Ахбори Маҷлиси Олии Ҷумҳурии Тоҷикистон, соли 2003, № 12, мод. 701; соли 2005, № 12, мод, 632) тағйиру иловаҳои зерин ворид карда шаванд:

1. Дар моддаҳои 3, 4, 6, 7, 8, 10, 11, 13, 24, 25, 30, 35, 37, 38, 39 ва 41 калимаҳои "Вазорати кишоварзии" ба калимаҳои "Вазорати кишоварзӣ ва ҳифзи табиати" иваз карда шаванд.

2. Дар қисми якуми моддаи 5 калимаи "муқаррарнамудаи" ба калимаи "муқаррарнамуда" иваз карда шавад, калимаҳои "Ҳукумати Ҷумҳурии Тоҷикистон" хориҷ карда шаванд.

3. Дар қисмҳои якум ва дуюми моддаи 7 калимаҳои "Сарраёсати байтории назди Вазорати кишоварзии Ҷумҳурии Тоҷикистон", дар ном ва матни моддаҳои 28, 29, 30, 32 калимаҳои "хадамоти давлатии байтории Ҷумҳурии Тоҷикистон" ба калимаҳои "мақоми ваколатдори байтории Вазорати кишоварзӣ ва ҳифзи табиати Ҷумҳурии Тоҷикистон" иваз карда шаванд.

4. Дар қисми дуюми моддаи 11:

- дар сархати чорум калимаҳои "манъ намоянд" ба калимаҳои "боздорад ва оиди манъи он ба суд даъво пешниҳод намояд" иваз карда шаванд;

- дар сархатҳои панҷум ва ҳафтум калимаҳои "маҳдуд созанд, муваққатан қатъ намоянд ё манъ кунанд" ба калимаҳои "боздорад ва оиди манъи он ба суд даъво пешниҳод намояд" иваз карда шаванд.

5. Дар қисми шашуми моддаи 11 калимаҳои "унвонҳои махсус," хориҷ карда шаванд.

6. Ба Қонун моддаи 14(1) бо мазмуни зерин илова карда шавад:

"Моддаи 14(1). Тартиби гузаронидани санҷиши фаъолияти субъектҳои хоҷагидор дар соҳаи байторӣ

Санҷиши фаъолияти субъектҳои хоҷагидор новобаста аз шакли моликият ва тобеияти идоравии онҳо бо мақсади гузаронидани назорати давлатии риояи қонунгузорӣ дар соҳаи байторӣ мутобиқи Қонуни Ҷумҳурии Тоҷикистон "Дар бораи санҷиши фаъолияти субъектҳои хоҷагидор дар Ҷумҳурии Тоҷикистон амалӣ карда мешавад".

7. Дар моддаи 19 калимаҳои "Сарраёсати байторӣ" ба калимаҳои "мақоми ваколатдори байторӣ" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул намудани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи байторӣ"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи байторӣ" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумхурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи байторӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи байторӣ" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи байторӣ" ҷонибдорӣ карда шавад.