ҚОНУНИ ҶУМҲУРИИ ТОҶИКИСТОН

Дар бораи ворид намудани тағйиру иловаҳо ба Қонуни Ҷумҳурии Тоҷикистон "Дар бораи нақлиёт"

Моддаи 1. Ба Қонуни Ҷумҳурии Тоҷикистон аз 29 ноябри соли 2000 "Дар бораи нақлиёт" (Ахбори Маҷлиси Олии Ҷумҳурии Тоҷикистон, соли 2000, № 11, мод. 507; соли 2004, № 7, мод. 466) тағйиру иловаҳои зерин ворид карда шаванд:

1. Дар тамоми матни Қонун калимаҳои "муассисаи", "муассисаҳои", "Корхонаҳои", "корхонаҳои" ва "Муассисаҳои" мутобиқан ба калимаҳои "ташкилоти", "ташкилотҳои" ва "Ташкилотҳои" иваз карда шаванд.

2. Дар моддаи 6:

- дар қисми якум калимаи "иҷозатнома" ба калимаи "иҷозатномадиҳӣ" иваз карда шавад.

- қисми сеюм хориҷ карда шавад.

3. Моддаи 9 дар таҳрири зайл баён карда шавад:

"Моддаи 9. Мақоми ваколатдори давлатии Ҷумҳурии Тоҷикистон дар соҳаи нақлиёт

Мақоми вақолатдори давлатии Ҷумҳурии Тоҷикистон дар соҳаи нақлиёт (минбаъд - мақоми ваколатдор) барои татбиқи сиёсати давлатӣ дар соҳаи наклиёт масъул мебошад ва аз тарафи Ҳукумати Ҷумҳурии Тоҷикистон муайян карда мешавад.

Фаъолият ва салоҳияти мақоми ваколатдор тибқи Низомнома муайян карда мешавад, ки он аз ҷониби Ҳукумати Ҷумҳурии Тоҷикистон тасдиқ мегардад.".

4. Дар моддаи 10:

- номи модда ва қисми якуми он дар таҳрири зерин ифода карда шаванд:

"Моддаи 10. Салоҳияти мақоми ваколатдор

Салоҳияти мақоми ваколатдор аз инҳо иборат аст:";

- сархати якум ва сеюми қисми якум хориҷ карда шаванд;

- дар сархати ҳаштум ва дар тамоми матни Қонун калимаи "байналхалқӣ" ба калимаи "байналмилалӣ" иваз карда шавад;

- ба модда сархати нав дар таҳрири зайл илова карда шавад:

"- дигар салоҳиятҳое, ки санадҳои меъёрии ҳуқуқӣ пешбинӣ намудаанд.";

- қисми дуюм хориҷ карда шавад.

5. Дар моддаи 11:

- дар қисми якум калимаҳои "Вазири нақлиёти Ҷумҳурии Тоҷикистон" ба калимаҳои "роҳбари мақоми ваколатдор" иваз карда шаванд;

- дар қисми дуюм калимаҳои "мақомоти иҷроияи ҳукуматҳои маҳаллӣ" ба калимаҳои "мақомоти иҷроияи маҳаллии ҳокимияти давлатӣ" иваз карда шаванд.

6. Дар қисми якуми моддаи 14, қисми дуюми моддаи 16, қисми якуми моддаи 20 ва қисми якуми моддаи 29 калимаҳои "Вазорати нақлиёти Ҷумҳурии Тоҷикистон" ва "Вазорати нақлиёт" ба калимаҳои "мақоми ваколатдор" иваз карда шаванд.

7. Дар қисми якуми моддаи 25 калимаҳои "мақомоти иҷроияи маҳаллӣ" ба калимаҳои "мақомоти иҷроияи маҳаллии ҳокимияти давлатӣ" иваз карда шаванд.

8. Қисми дуюми моддаи 30 дар таҳрири зайл баён карда шавад:

"Дар сурати ба меъёрҳои санадҳои ҳуқуқии байналмилалӣ эътирофшуда мутобиқат накардани меъёрҳои Қонуни мазкур, меъёрҳои санадҳои байналмилалӣ амал менамоянд.".

Моддаи.2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабули Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи нақлиёт"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи нақлиёт" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Оид ба Қонуни Ҷумҳурии Тоҷикистон "Дар бораи ворид намудани тағйиру иловаҳо ба Қонуни Ҷумҳурии Тоҷикистон "Дар бораи нақлиёт"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Дар бораи ворид намудани тағйиру иловаҳо ба Қонуни Ҷумҳурии Тоҷикистон "Дар бораи нақлиёт" баррасӣ намуда, қарор мекунад:

Қонуни Ҷумҳурии Тоҷикистон "Дар бораи ворид намудани тағйиру иловаҳо ба Қонуни Ҷумҳурии Тоҷикистон "Дар бораи нақлиёт" ҷонибдорӣ карда шавад.