ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи молияи давлатии Ҷумҳурии Тоҷикистон"

Моддаи 1. Ба Қонуни Ҷумҳурии Тоҷикистон аз 2 декабри соли 2002 "Дар бораи молияи давлатии Ҷумҳурии Тоҷикистон" (Ахбори Маҷлиси Олии Ҷумҳурии Тоҷикистон, соли 2002, №11, моддаи 714) тағйиру иловаҳои зерин ворид карда шаванд:

1. Дар қисми сеюми моддаи 11 калимаҳои "Вазорати даромадҳо ва пардохтҳои давлатии Ҷумҳурии Тоҷикистон" ба калимаҳои "Кумитаи андози назди Ҳукумати Ҷумҳурии Тоҷикистон" иваз карда шаванд.

2. Дар сархатҳои бистум ва бисту якуми қисми якуми моддаи 31 калимаҳои "тафтиш менамояд;" ва "тафтиш мекунад;." ба калимаҳои "тибқи муқаррароти қонун месанҷад;" иваз карда шаванд.

3. Дар моддаи 55:

- дар қисми якум калимаҳои "Кумитаи назорати давлатии молиявии Ҷумҳурии Тоҷикистон" ба калимаҳои "мақомоти ваколатдори давлатӣ дар соҳаи назорати давлатии молиявӣ" иваз карда шаванд;

- дар қисми дуюм баъд аз калимаҳои "Қонуни Ҷумҳурии Тоҷикистон "Дар бораи хазинадорӣ" калимаҳои "Қонуни Ҷумҳурии Тоҷикистон "Дар бораи санҷиши фаъолияти субъектҳои хоҷагидор дар Ҷумҳурии Тоҷикистон" илова карда шаванд.

4. Дар моддаи 63:

- сархати панҷум дар таҳрири зайл ифода карда шавад:

"- Кумитаи андози назди Ҳукумати Ҷумҳурии Тоҷикистон;";

- сархати шашум бо мазмуни зайл илова карда шавад:

"- Хадамоти гумруки назди Ҳукумати Ҷумҳурии Тоҷикистон;".

Сархатҳои шашум ва ҳафтум мутаносибан сархатҳои ҳафтум ва ҳаштум ҳисобида шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул кардани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи молияи давлатии Ҷумҳурии Тоҷикистон"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи молияи давлатии Ҷумҳурии Тоҷикистон" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи молияи давлатии Ҷумҳурии Тоҷикистон"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи молияи давлатии Ҷумҳурии Тоҷикистон" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи молияи давлатии Ҷумҳурии Тоҷикистон" ҷонибдорӣ карда шавад.