Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 5 августи соли 1998 № 306

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Низомномаи тартиби иҷозатдиҳӣ барои идораи воситаҳои нақлиёт ва ба шаҳрвандон додани асноди ронандагӣ, ки бо қарори Ҳукумати Ҷумҳурии Тоҷикистон аз 5 августи соли 1998 № 306 тасдиқ шудааст, тағйиру иловаҳои зерин ворид карда шаванд:

1. Дар банди 13 калимаҳои "Консерни давлатии "Тоҷиккомунсервис" ба калимаҳои "Вазорати маорифи Ҷумҳурии Тоҷикистон" иваз карда шаванд.

2. Банди 15 дар таҳрири зайл ифода карда шавад:

"15. Ба идоракунии воситаҳои нақлиёти категорияҳои "А", "В", "С", инчунин мотоаробаҳо шахсоне, ки ба синни 18 ва категорияҳои дигар -ба синни 21 расидаанд, роҳ дода мешаванд".

3. Дар банди 18 баъд аз калимаҳои "хизматрасонии муқарраршуда" калимаҳои "инчунин гузаштани муоинаи тиббӣ" илова карда шавад.

4. Дар банди 31:

- дар сархати якум баъди калимаҳои "хатм кардаанд" калимаҳои "ва ба синни 18 расидаанд" илова карда шавад;

- ҷумлаи дуюми зербанди дуюм хориҷ карда шавад.