Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Шӯрои Вазирони Ҷумҳурии Тоҷикистон аз 20 марти соли 1994 № 134

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Қоидаҳои аз ҷониби корхонаҳо, ташкилоту муассисаҳо ҷуброн гардидани зараре, ки ҳангоми иҷрои ӯҳдадориҳои меҳнатӣ дар шакли маъюбӣ, бемории касбӣ ё осеб дидани саломатӣ ба кормандон расонида шудааст, ки бо қарори Шӯрои Вазирони Ҷумҳурии Тоҷикистон аз 20 марти соли 1994 № 134 "Дар бораи масъалаҳои аз ҷониби корхонаҳо, ташкилоту муассисаҳо ҷуброн гардидани зараре, ки ҳангоми иҷрои ӯҳдадориҳои меҳнатӣ дар шакли маъюбӣ, бемории касбӣ ё осеб дидани саломатӣ ба кормандон расонида шудааст" тасдиқ шудаанд, тағйироти зерин ворид карда шаванд:

Дар банди 9 калимаҳои "комиссияҳои тиббию меҳнатии экспертӣ (КТЭМ)" ва дар бандҳои 20, 21, 23, 34 ва 35 калимаи "КТЭМ" ба калимаҳои "Хадамоти давлатии ташхиси тиббию иҷтимоӣ" иваз карда шаванд.