Ҳукумати Ҷумҳурии Тоҷикистон

ҚАРОР

Дар бораи Тартиби ҳисоб кардани музди миёнаи меҳнати корманд дар ҳамаи ҳолатҳо (пардохти кафолатнок ҳангоми иҷрои вазифаҳои давлатӣ ё ҷамъиятӣ, ҳангоми пардохти музди муҳлати рухсатӣ, ҳангоми пардохти музди меҳнати давраи гузаронидан ба кори дигар), ба ғайр аз музди миёнаи меҳнат ҳангоми таъйин намудани нафақа

Мутобиқи моддаи 172 Кодекси меҳнати Ҷумҳурии Тоҷикистон ва ҷиҳати иҷрои Фармони Президенти Ҷумҳурии Тоҷикистон аз 16 марти соли 2007 № 219 "Оид ба зиёд намудани маоши вазифавии кормандони муассисаю ташкилотҳои буҷетӣ ва андозаи нафақаи иҷтимоӣ" Ҳукумати Ҷумҳурии Тоҷикистон қарор мекунад (қарори Ҳукумати ҶТ аз 27.02.2020 № 126):

1. 1. Тартиби ҳисоб кардани музди миёнаи меҳнати корманд дар ҳамаи ҳолатҳо (пардохти кафолатнок ҳангоми иҷрои вазифаҳои давлатӣ ё ҷамъиятӣ, ҳангоми пардохти музди муҳлати рухсатӣ, ҳангоми пардохти музди меҳнати давраи гузаронидан ба кори дигар), ба ғайр аз музди миёнаи меҳнат ҳангоми таъйин намудани нафақа тасдиқ карда шавад(замима мегарданд) (қарори Ҳукумати ҶТ аз 27.02.2020 № 126).

2. Қарори Ҳукумати Ҷумҳурии Тоҷикистон аз 4 июли соли 2006 № 308 "Дар бораи тасдиқи Қоидаҳои ҳисоби музди миёнаи меҳнат барои пардохти рухсатиҳои меҳнатӣ, кӯмакпулӣ барои корношоямии муваққатӣ, кӯмакпулӣ дар вақти аз кор рафтан ва дигар ҳолатҳое, ки ба пардохти музди миёнаи меҳнат алоқаманданд" аз эътибор соқит дониста шавад.