Ҳукумати Ҷумҳурии Тоҷикистон

ҚАРОР

Дар бораи Консепсияи ислоҳоти хизмати давлатии Тоҷикистон

Бо мақсади татбиқи Фармони Президенти Ҷумҳурии Тоҷикистон аз 15 марти соли 2006, № 1713 "Дар бораи тасдиқи Стратегияи ислоҳот системаи идоракунии давлатии Ҷумҳурии Тоҷикистон", тақвияти минбаъдаи хизмати давлатӣ ва баланд бардоштани самаранокии он, инчунин ҷиҳати беҳбуди раванди ислоҳоти системаи идоракунии давлат Ҳукумати Ҷумҳурии Тоҷикистон қарор мекунад:

1. Консепсияи ислоҳоти хизмати давлатии Тоҷикистон тасдиқ карда шавад (замима мегардад).

2. Раёсати хизмати давлатии назди Президенти Ҷумҳурии Тоҷикистон дар мӯҳлати ду моҳ Барномаи татбиқи Консепсияи мазкурро ба Ҳукумати Ҷумҳурии Тоҷикистон пешниҳод намуда, дар якҷоягӣ бо вазорату идораҳо ва дигар мақомоти ҳокимияти давлатӣ иҷрои онро таъмин намояд.