ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи яроқ"

Моддаи 1. Ба Қонуни Ҷумҳурии Тоҷикистон аз 1 феврали соли 1996 "Дар бораи яроқ" (Ахбори Маҷлиси Олии Ҷумҳурии Тоҷикистон, соли 1996, №4, мод. 57; соли 2001, №4, мод. 152; соли 2003, №4, мод. 143; соли 2004, №12, қ. 1, мод. 695; соли 2005, №3, мод, 115; №12, мод. 645; соли 2006, №7, мод. 338) тағйиру иловаҳои зерин ворид карда шаванд:

1. Дар сархати шашуми моддаи 1, қисми чоруми моддаи 12 ва қисми дуюми моддаи 14 калимаҳои "Вазорати нигоҳдории тандурустии Ҷумҳурии Тоҷикистон" ба калимаҳои "Вазорати тандурустии Ҷумҳурии Тоҷикистон" иваз карда шаванд:

2. Қисми якуми моддаи 3 дар таҳрири зерин ифода карда шавад:

"Ба қатори яроқи ҷангӣ яроқе дохил мешавад, ки барои иҷрои вазифаҳои ҷангӣ ва оперативӣ-хизматӣ таъин гардида, бо қарори Ҳукумати Ҷумҳурии Тоҷикистон барои мусаллаҳ кардани Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон, Гвардияи миллии Ҷумҳурии Тоҷикистон, Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Агентии назорати маводи нашъаовари назди Президенти Ҷумҳурии Тоҷикистон, Раёсати корҳои ислоҳии Вазорати адлияи Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон, Агентии таъмини амволи махсуси назди Вазорати рушди иқтисод ва савдои Ҷумҳурии Тоҷикистон, дигар қисмҳои ҳарбӣ (минбаъд - ташкилотҳои давлатии ҳарбикунонидашуда) ва бонкҳо қабул карда шудааст".

3. Моддаи 9 дар таҳрири зерин ифода карда шавад:

"Моддаи 9. Иҷозатномадиҳӣ барои фаъолият оид ба фурӯши яроқи ғайринизомӣ ва хизматӣ, қисмҳо ва лавозимоти он

Иҷозатномадиҳӣ барои фаъолият оид ба фурӯши яроқи ғайринизомӣ ва хизматӣ, қисмҳо ва лавозимоти он, тартиби бекор намудан ва боздоштани иҷозатнома тибқи Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" амалӣ гардонида мешавад".

4. Дар қисми ҳафтуми моддаи 13, қисми дуюми моддаи 17 ва қисми якуми моддаи 26 калимаҳои "иҷозати", "иҷозати дахлдори" ва "иҷозатномаи" мувофиқан ба калимаҳои "рухсатномаи", "рухсатномаи дахлдори" ва "иҷозати махсуси" иваз карда шаванд.

5. Моддаи 15 дар таҳрири зерин ифода карда шавад:

"Моддаи 15. Тайёр кардани яроқ

Тайёр кардани яроқ, васл намудани қисмҳои он, аз нав сохтан ё таъмир кардани яроқ бо мақсади ба он баргардонидани хусусиятҳои зарбазанӣ, инчунин тайёр кардани лавозимоти ҷангиро дар бар мегирад, ки он бо тартиби муқаррарнамудаи Ҳукумати Ҷумҳурии Тоҷикистон амалӣ карда мешавад".

6. Дар моддаи 18:

қисми якуми модда дар таҳрири зайл ифода карда шавад:

"Фурӯши яроқи хизматӣ ва ғайринизомӣ, қисмҳо ва лавозимоти он бо тартиби муқаррарнамудаи қонунгузории Ҷумҳурии Тоҷикистон, фурӯши яроқи ҷангӣ бошад, бо тартиби муқаррарнамудаи Ҳукумати Ҷумҳурии Тоҷикистон ба амал бароварда мешаванд.".

Дар қисми дуюм калимаҳои "карда мешавад" ба калимаи "мебошад" иваз карда шаванд.

7. Моддаи 19 дар таҳрири зерин ифода карда шавад:

"Моддаи 19. Фурӯш ё додани яроқ аз тарафи ташкилотҳои давлатии ҳарбикунонидашуда

Ташкилотҳои давлатии ҳарбикунонидашуда ҳақ доранд яроқи дар ихтиёрашон бударо бо тартиби муайяннамудаи Ҳукумати Ҷумҳурии Тоҷикистон фурӯшанд ё ройгон диҳанд".

8. Қисми дуюми моддаи 21 дар таҳрири зерин ифода карда шавад:

"Талабот оид ба шароити нигоҳ доштани навъҳои гуногуни яроқ аз тарафи ташкилотҳои давлатии ҳарбикунонидашудаи дахлдор муайян карда мешавад".

9. Сархатҳои "а" ва "б" қисми якуми моддаи 25 дар таҳрири зерин ифода карда шаванд:

"а) вайрон намудани тартиби гардиши яроқ;

б) бо тартиби муқарраргардида бекор карда шудани иҷозатномаи фурӯши яроқ, иҷозати махсуси сохтани яроқ ё рухсатномаи нигоҳ доштан ва гирифта гаштани он;".

10. Моддаи 27 дар таҳрири зерин ифода карда шавад:

"Моддаи 27. Ҷавобгарӣ барои вайрон кардани Қонуни мазкур Шахсоне, ки муқаррароти Қонуни мазкурро вайрон мекунанд, мувофиқи қонунгузории Ҷумҳурии Тоҷикистон ба ҷавобгарӣ кашида мешаванд.".

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабули Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи яроқ"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи яроқ" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи яроқ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи яроқ" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи яроқ" ҷонибдорӣ карда шавад.