Бо қарори Ҳукумати ҶТ аз 5.03.2008 № 126 беэътибор дониста шуд

Ҳукумати Ҷумҳурии Тоҷикистон

ҚАРОР

Дар бораи Агентии хариди молҳо, кор ва хизматрасонӣ

Мутобиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва ҷиҳати иҷрои Фармони Президенти Ҷумҳурии Тоҷикистон аз 30 ноябри соли 2006 № 9 "Дар бораи такмили сохтори мақомоти марказии ҳокимияти иҷроияи Ҷумҳурии Тоҷикистон", Ҳукумати Ҷумҳурии Тоҷикистон қарор мекунад:

1. Низомнома ва Сохтори дастгоҳи марказии Агентии хариди молҳо, кор ва хизматрасонӣ тасдиқ карда шаванд (замимаҳои 1, 2).

2. Шумораи ниҳоии кормандони Агентии хариди молҳо, кор ва хизматрасонӣ бо назардошти намояндагиҳои он дар минтақаҳо ба миқдори 30 воҳид (бе ҳайати хизматрасон) муқаррар карда шавад.

3. Ба Агентии хариди молҳо, кор ва хизматрасонӣ иҷозат дода шавад, ки як муовини Директор дошта бошад ва лимити автомашинаҳои сабукравӣ хизматӣ ба миқдори ду воҳид муайян карда шавад.

4. Маблағгузории Дастгоҳи марказии Агентии хариди молҳо, кор ва хизматрасонӣ аз ҳисоби маблағҳои буҷети ҷумҳуриявӣ ба амал бароварда шавад.

5. Аз эътибор соқит дониста шаванд:

Қарори Ҳукумати Ҷумҳурии Тоҷикистон аз 8 майи соли 2001 № 214 "Масъалаҳои вобаста ба Агентии хариди мол, кор ва хизматрасонии назди Вазорати иқтисод ва савдои Ҷумҳурии Тоҷикистон";

Қарори Ҳукумати Ҷумхурии Тоҷикистон аз 4 июли соли 2006 № 318 "Оид ба ворид намудани тағйирот ба карори Ҳукумати Ҷумҳурии Точикистон аз 8 майи соли 2001 № 214 "Масъалахои вобаста ба Агентии хариди мол, кор ва хизматрасонии назди Вазорати иқтисод ва савдои Ҷумҳурии Тоҷикистон".