Бо қарори Ҳукумати ҶТ аз 4.09.2014 № 585 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи Раёсати экспертизаи давлатии ғайриидоравии лоиҳаҳои сохтмон

Мутобиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва ҷиҳати иҷрои қарори Ҳукумати Ҷумҳурии Тоҷикистон аз 28 декабри соли 2006 таҳти № 614 "Дар бораи Агентии сохтмон ва меъмории назди Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Низомнома, сохтори Дастгоҳи марказӣ, нақшаи идоракунии Раёсати экспертизаи давлатии ғайриидоравии лоиҳаҳои сохтмон тасдиқ карда шаванд (замимаҳои 1, 2, 3).

2. Шумораи кормандони дастгоҳи марказии Раёсати экспертизаи давлатии ғайриидоравии лоиҳаҳои сохтмон (ба ғайр аз ҳайати хизматрасон) ба теъдоди 10 воҳид муқаррар карда шавад (қарори Ҳукумати ҶТ аз 30.12.2007 № 660).

3. Маблағгузории Дастгоҳи марказии Раёсати экспертизаи давлатии ғайриидоравии лоиҳаҳои сохтмон аз ҳисоби маблағҳои буҷети ҷумҳуриявӣ ва маблағҳои дигар дар мувофиқа бо Вазорати молияи Ҷумҳурии Тоҷикистон анҷом дода шавад (қарори Ҳукумати ҶТ аз 30.12.2007 № 660).

4. Ба Раёсати экспертизаи давлатии ғайриидоравии лоиҳаҳои сохтмон иҷозат дода шавад, ки як муовини Сардор дошта бошад.

5. Барои Раёсати экспертизаи давлатии ғайриидоравии лоиҳаҳои сохтмон лимити автомашинаҳои сабукрави хизматӣ ба миқдори як адад муқаррар карда шавад.