Бо қарори Ҳукумати ҶТ аз 4.09.2014 № 587 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи Хадамоти иҷозатномадиҳии фаъолияти сохтмонӣ ва меъморӣ

Мувофиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва ҷиҳати иҷрои Фармони Президенти Ҷумҳурии Тоҷикистон аз 30 ноябри соли 2006 №9 "Дар бораи такмили сохтори мақомоти марказии ҳокимияти иҷроияи Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Низомнома ва сохтори Дастгоҳи марказии Хадамоти иҷозатномадиҳии фаъолияти сохтмонӣ ва меъморӣ тасдиқ карда шаванд (замимаҳои 1,2).

2. Шумораи ниҳоии кормандони Хадамоти иҷозатномадиҳии фаъолияти сохтмонӣ ва меъморӣ 25 воҳид (бе ҳайати хизматрасон) муқаррар карда шавад (Қарори Ҳукумати ҶТ аз 03.10.2012 № 559).

3. Ба Хадамоти иҷозатномадиҳии фаъолияти сохтмонӣ ва меъморӣ як муовини Сардор иҷозат дода шавад.

4. Барои Хадамоти иҷозатномадиҳии фаъолияти сохтмонӣ ва меъморӣ лимити автомашинаҳои сабукрави хизматӣ ба миқдори ду адад муқаррар карда шавад.

5. Маблағгузории Хадамоти иҷозатномадиҳии фаъолияти сохтмонӣ ва меъморӣ аз ҳисоби маблағҳои буҷети ҷумҳуриявӣ анҷом дода шавад.