Бо Қарори Ҳукумати ҶТ аз 25.10.2003с. № 466 беэътибор дониста шуд

Ҳукумати Ҷумҳурии Тоҷикистон

ҚАРОР

Дар бораи тартиби интиқоли мол ва воситаҳои нақлиёти барои фаъолияти истеҳсолӣ ё фаъолияти дигари тиҷоратӣ таъиннагардида аз ҷониби шахсони воқеӣ тавассути сарҳади гумрукии Ҷумҳурии Тоҷикистон

Бо мақсади такмили минбаъдаи кори гумрук, танзими интиқоли мол ва воситаҳои нақлиёт аз ҷониби шахсони воқеӣ тавассути сарҳади гумрукии Ҷумҳурии Тоҷикистон ва мутобиқи моддаи 109 Кодекси гумруки Ҷумҳурии Тоҷикистон, Ҳукумати Ҷумҳурии Тоҷикистон қарор мекунад:

1. Низомномаи тартиби интиқоли мол ва воситаҳои нақлиёти барои фаъолияти истеҳсолӣ ё фаъолияти дигари тиҷоратӣ таънннагардида аз ҷониби шахсони воқеӣ тавассути сарҳади гумрукии Ҷумҳурии Тоҷикистон тасдиқ гардида, аз 1 январи соли 1999 ҷорӣ карда шавад.

2. Қарори Ҳукумати Ҷумҳурии Тоҷикистон аз 4 июли соли 1997 № 284 "Дар бораи тартиби интиқоли мол ва воситаҳои нақлиёт аз сарҳади гумрукии Ҷумҳурии Тоҷикистон тавассути ашхоси воқеӣ" беэътибор дониста шавад.