ҚОНУНИ ҶУМҲУРИИ ТОҶИКИСТОН

Дар бораи ворид намудани тағйиру иловаҳо ба Қонуни Ҷумҳурии Тоҷикистон "Дар бораи боҷи давлатӣ"

Моддаи 1. Ба моддаи 5 Қонуни Ҷумҳурии Тоҷикистон аз 28 феврали соли 2004 "Дар бораи боҷи давлатӣ" (Ахбори Маҷлиси Олии Ҷумҳурии Тоҷикистон, с. 2004, №2, мод. 51; с. 2005, №12, мод.630) тағйиру иловаҳои зерин ворид карда шаванд:

- ба банди 12 қисми якум баъд аз калимаҳои "ситонидани андозҳо," калимаҳои "рӯёнидани кредитҳои давлатӣ ва" илова карда шаванд;

- дар банди 2 қисми дуюм калимаҳои "ситонидани андозҳо" ба калимаҳои "ситонидани андозҳо, рӯёнидани кредитҳои давлатӣ" иваз карда шаванд.

Моддаи 2. Қонуни мазкур пас аз интишори расмӣ маврида амал қарор дода шавад.