Бо қарори Ҳукумати ҶТ 12.02.2002с. № 48 беэътибор дониста шуд

ҲУКУМАТИ ҶУМҲУРИИ ТОҶИКИСТОН

ҚАРОР

Масъалаҳои Кумитаи андози назди Ҳукумати Ҷумҳурии Тоҷикистон

Мувофиқи Кодекси андози Ҷумҳурии Тоҷикистон, Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон барои соли 2000" ва Барномаи миёнамӯҳлати иқтисодии Ҳукумати Ҷумҳурии Тоҷикистон барои солҳои 1998-2001, Ҳукумати Ҷумҳурии Тоҷикистон қарор мекунад:

1. Шумораи кормандони дастгоҳи марказии Кумитаи андози назди Ҳукумати Ҷумҳурии Тоҷикистон ба миқдори 193 воҳид, аз ҷумла ҳайати хизматрасон ба миқдори 11 воҳид, инчунин шумораи умумии кормандони мақомоти андози Қумитаи мазкур ба миқдори 2910 воҳид, аз ҷумла кормандони полиси андоз ба миқдори 830 воҳид муқаррар карда щавад.

Кумитаи андози назди Ҳукумати Ҷумҳурии Тоҷикистон вазифадор карда шавад, ки шумораи кормандонро ба шумораи тасдиқгардида аз ихтисосмандии кориашон мутобиқ гардонад.

2. Барои Кумитаи андози назди Ҳукумати Ҷумҳурии Тоҷикистон ба миқдори 85 воҳид автомашинаҳои сабукрави хизматӣ, аз ҷумла ба дастгоҳи марказӣ 12 воҳид ва барои Саридораи полиси андоз ба миқдори 45 воҳид мошинаҳои хелҳои гуногун муқаррар карда шавад.

3. Вазорати молияи Ҷумҳурии Тоҷикистон маблағгузории мақомоти андози ҷумҳуриро аз рӯи меъёри барои Кумитаи андози назди Ҳукумати Ҷумҳурии Тоҷикистон тасдиқгардидаи буҷети ҷумҳурӣ таъмин намояд.

4. Ба Вазорати молияи Ҷумҳурии Тоҷикистон иҷозат дода шавад, бо мақсади таъминоти моддию техникӣ, таъмири биноҳои маъмурӣ ва суғуртаи шахсии ҳатмии кормандони мақомоти андоз, 5 фоизи маблағи воридшавандаи қарзҳои сари вақт пардохт нашуда (недоимка)-ро аз рӯи он андозҳое, ки мақомоти андоз назорат мебаранд, равона намояд. Кумитаи андози назди Ҳукумати Ҷумҳурии Тоҷикистон барои тасдиқ ба Вазорати молияи Ҷумҳурии Тоҷикистон низомномаи тартиби истифодабарии маблағҳои мазкурро пешниҳод намояд.

5. Кумитаи андози назди Ҳукумати Чумҳурии Тоҷикистон дар муддати ду моҳ барои тасдиқ кардан ба Ҳукумати Ҷумҳурии Тоҷикистон низомномаро дар бораи Кумитаи андози назди Ҳукумати Ҷумҳурии Тоҷикистон пешниҳод намояд.

6. Дар сохтори дастгоҳи марказии Кумитаи андози назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 30 сентябри сола 1995 № 599 "Масъалаҳои Кумитаи андози назди Ҳукумати Ҷумҳурии Тоҷикистон" тасдиқ карда шудааст, банди 11 дорои мазмуни зайл илова карда шавад:

"11. Шӯъбаи компютерӣ";

бандҳои 11, 12, 13, 14 мутаносибан бандҳои 12, 13, 14, 15 хонда шаванд.

7. Бандҳои 4, 5, 7, 9 ва 12-и қарори Ҳукумати Ҷумҳурии Тоҷикистон аз 30 сентябри соли 1995 № 599 "Масъалаҳои Кумитаи андози назди Ҳукумати Ҷумҳурии Тоҷикистон";

қарори Ҳукумати Ҷумҳурии Тоҷикистон аз 20 ноябри соли 1997 № 507 "Дар бораи тартиби маблағгузории мақомоти андози Ҷумҳурии Тоҷикистон";

қарори Ҳукумати Ҷумҳурии Тоҷикистон аз 17 апрели соли 1998 № 121 "Дар бораи тартиби истифодаи маблағҳо барои таъмини маблағгузории мақомоти андози Ҷумҳурии Тоҷикистон";

сархати 5 банди 14 Қарори Ҳукумати Ҷумҳурии Тоҷикистон аз 31 декабри соли 1998 № 550 "Дар хусуси тадбирҳои татбиқ кардани Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон барои соли 1999" ва қарори Маҷлиси Олии Ҷумҳурии Тоҷикистон "Оиди мавриди амал қарор додани Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон барои соли 1999" беэътибор дониста шаванд.