Бо қарори Ҳукумати ҶТ аз 29.04.2009с. № 236 беэътибор дониста шуд

Тартиби муваққати ба таъхир андохтани мӯҳлат ва мӯҳлатдиҳии пардохтҳои андоз ва дигар пардохтҳо ба буҷет

Ҳукумати Ҷумҳурии Тоҷикистон мутобиқи моддаи 23 Қонуни Ҷумҳурии Тоҷикистон "Дар бораи асосҳои системаи андоз" тартиби муваққатии зерини ба таъхир андохтани мӯҳлат ва мӯҳлатдиҳии пардохтҳои андозро, ки ҳамин Қонун пешбинӣ мекунад, муқаррар мекунад.

1. Мақомоте, ки ба таъхир андохтани мӯҳлат ва мӯҳлатдиҳии пардохтҳоро амалӣ мекунанд

2. Вазорати молияи Ҷумҳурии Тоҷикистон мутобиқи моддаи 19 Қонуни Ҷумҳурии Тоҷикистон "Дар бораи асосҳои системаи андоз" ба таври истисно бо қарори Ҳукумати Ҷумҳурии Тоҷикистон салоҳияти ба таъхир андохтани мӯҳлат ва мӯҳлатдиҳии андозҳоро ба буҷети ҷумҳурӣ дошта, ба таъхир андохтан ва мӯҳлатдиҳиро аз рӯи андозҳои зерин амалӣ мекунад:

андоз аз фурӯш;

андоз аз арзиши иловашуда;

акцизи намудҳои алоҳида ва намудҳои ҷудогонаи молҳо;

андоз аз даромади фаъолияти суғурта;

андоз аз фаъолияти биржавӣ (андози биржавӣ);

андоз аз муомилот бо қоғазҳои арзишнок;

боҷу хироҷи гумрукӣ;

ҳиссаҷудокунӣ барои такрористеҳсолкунии пойгоҳи (базаи) маъданию ашьёи хом, ки ба фондн махсуси Ҷумҳурии Тоҷикистон гузаронида мешавад;

пардохтҳо барои истифодаи захираҳои табиӣ (ба ғайри об ва ҷангал);

андоз аз даромади фоидаи корхонаҳо;

андоз аз даромади ашхоси воқеӣ;

андоз аз соҳибони воситаҳои нақлиёт, воситаҳои худҳаракат ва механизмҳо;

андозҳое, ки мутобиқи Қонуни Ҷумҳурии Тоҷикистон "Дар бораи Фонди роҳ" гузаронида мешаванд;

ҳиссаҷудокунӣ ба Фонди барқарорсозии оқибатҳои ҳолатҳои фавқуллода, тибқи Қонуни Ҷумҳурии Тоҷикистон "Дар бораи Фонди барқарорсозии оқибатҳои ҳолатҳои фавқуллода";

боҷи давлатӣ;

пардохти истифодаи об, ки корхонаи саноатӣ аз системаи хоҷагии об мегиранд;

андоз аз амволи ашхоси воқеӣ;

андози замин;

боҷ барои гирифтани иҷзатнома оиди таъсис додан ва давом додани фаъолияти намояндгии ширкати хориҷӣ, бонкҳо ва дигар ташкилотҳо дар Ҷумҳурии Тоҷикистон;

боҷи патент барои машғул шудани соҳибкор ба намуди муайяни фаъолият бе ташкили ашхоси ҳуқуқӣ;

боҷи Бозрасии давлатии автомобилӣ;

хироҷи патентӣ;

хироҷи иер (хироҷ барои таҳлил ва мӯҳразании маҳсулот аз металлҳои қиматбаҳо);

боҷ барои ташхис, мӯҳрзанӣ, тадбирҳои санҷишӣ ва асбобҳои ченкунанда;

ҷаримаҳои гуногун ва муҷозот мутобиқи қонунгузории Ҷумҳурии Тоҷикистон.

2. Мақомоти дахлдори молиявӣ мутобиқи моддаи 20 Қонуни Ҷумҳурии Тоҷикистон "Дар бораи асосҳои системаи андоз" салоҳияти ба таври истисно бо қарори Раиси вилоят, шаҳр, ноҳия ба таъхир андохтани мӯҳлат ва мӯҳлатдиҳии андозҳои маҳаллии зеринро доранд:

андоз барои сохтмони объектҳои аҳмияти истеҳсолӣ дошта дар минтақаи курортӣ;

боҷи курортӣ;

боҷи ҳуқуқи савдо, аз ҷумла дар бозорҳои колхозӣ;

боҷҳои мақсаднок аз шаҳрвандон ва корхонаҳо, идораҳо ва ташкилот барои нигаҳдории мақомоти маҳалии ҳифзи ҳуқуқ ва ободонии гирду атроф;

андоз барои реклама;

боҷ аз соҳибони сагҳо;

боҷи иҷозатномаи (лицензия) ҳуқуқи гузаронидани лотореяҳои маҳаллӣ;

боҷи додани фармон барои манзил ё ки ҷудо кардани қитъаи замин барои сохтмони хонаи шахсӣ, боғот, гараж;

боҷ барои ҳуқуқи бардоштани навори кино ва навори телевизионӣ;

боҷ барои кушодани бизнеси қимор (гузоштани автоматҳо ва дигар таҷҳизот бо бурди молӣ ва пулӣ, мизҳои қартабозӣ, чархи қимор (рулетка) ва воситаҳои дигари бозӣ ;

андоз аз ҳайвоноте, ки моликияти шахсӣ мебошанд, ё ки ашхоси воқеӣ онҳоро нигоҳ медоранд;

андоз барои нигоҳдории нақлиёти ҷамъиятии мусофиркашони шаҳрӣ (ғайр аз таксии маршрутӣ ва таксӣ).

II. Асноде, ки дар асоси онҳо иҷозати ба таъхир андохтани мӯҳлат ва мӯҳлатдиҳии пардохтҳои андоз ба буҷет дода мешаванд

1. Ба таъхир андохтани мӯҳлат ва мӯҳлатдиҳӣ оид ба андозҳои ҷумҳуриявие, ки дар банди якуми ҳамин Низомнома нишон дода шудааст, дар асоси ҳуҷҷатҳои зерин амалӣ мешавад:

а) аризаи андозсупоранда;

б) маълумоти мақомоти дахлдоре, ки ҷаримаро дар намуди пардохтҳо, ки аз рӯи онҳо қарздориҳо (бақияпулиҳо) вуҷуд доранд, меситонанд.

2. Ба таъхир андохтани мӯҳлат ва мӯҳлатдиҳӣ оид ба андозҳои маҳаллие, ки дар банди дуюми ҳамин Низомнома нишон дода шудааст, дар асори ҳуҷҷатҳои зерин амалӣ мешавад:

аризаи андозсупоранда;

маълумоти мақомоти дахлдори андоз дар бораи маблағҳо ва намудҳои андозе, ки аз рӯи онҳо (бақияпулиҳо) қарздориҳо вуҷуд доранд.

III. Мӯҳлати ба таъхир андохтани мӯҳлат ва мӯҳлатдиҳии пардохт ба буҷет

5. Аз рӯи андозҳои ҷумҳуриявӣ ва маҳаллӣ ба авдозсупорандаҳо ба таъхир андохтани мӯҳлат ва мӯҳлатдиҳии пардохтро ба буҷет дар соли равон баъди гирифтани ҳуҷҷатҳои дар ҳамин низомнома нишондодашуда, ба мӯҳлати на бештар аз 6 моҳ дода мешавад.

Тартибу ҳолати зикршуда ба бақияпулиҳои солҳои гузашта дахл надорад.

Иҷозатӣ ба таъхир андохтани мӯҳлат ва мӯҳлатдиҳии пардохтҳои муҷозоти молиявӣ аз тарафи мақомоти андозӣ, ки ин муҷозотро бастаанд ба муддати на бештар аз як сол дода мешавад.