Ҳукумати Ҷумҳурии Тоҷикистон

ҚАРОР

Дар бораи Кумитаи кор бо занон ва оилаи назди Ҳукумати Ҷумҳурии Тоҷикистон

Мувофиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва ҷиҳати иҷрои Фармони Президенти Ҷумҳурии Тоҷикистон аз 30 ноябри соли 2006 № 9 "Дар бораи такмили сохтори мақомоти марказии ҳокимияти иҷроияи Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Низомнома, Сохтори дастгоҳи марказӣ, Нақшаи идоракунӣ ва Номгӯи ташкилот ва муассисаҳои Кумитаи кор бо занон ва оилаи назди Ҳукумати Ҷумҳурии Тоҷикистон тасдиқ карда шаванд (замимаҳои 1, 2 ва 3) (қарори Ҳукумати ҶТ аз 31.12.2008с. № 670, аз 1.11.2014 № 705).

2. Шумораи ниҳоии кормандони Кумитаи кор бо занон ва оилаи назди Ҳукумати Ҷумҳурии Тоҷикистон ба миқдори 37 воҳид (бе ҳайати хизматрасон) муқаррар карда шавад (қарори Ҳукумати ҶТ аз 2.07.2008 № 321, аз 05.09.2012 № 479, аз 1.11.2014 № 705, аз 26.02.2020 № 107, аз 30.10.2024 № 570).

3. Ба Кумитаи кор бо занон ва оилаи назди Ҳукумати Ҷумҳурии Тоҷикистон доштани 3 муовин, аз ҷумла як муовини якум ва муовинони Раис", инчунин ҳайати мушовара иборат аз 9 нафар иҷозат дода шавад (қарори Ҳукумати ҶТ аз 2.07.2008 № 321, аз 28.02.2015 № 134, аз 26.02.2020 № 107, аз 25.10.2022 № 517).

4. Барои Кумитаи кор бо занон ва оилаи назди Ҳукумати Ҷумҳурии Тоҷикистон лимити автомашинаҳои сабукрави хизматӣ ба миқдори 5 адад муқаррар карда шавад (қарори Ҳукумати ҶТ аз 2.07.2008 № 321, аз 26.02.2020 № 107).

5. Беэътибор дониста шавад:

- қарори Ҳукумати Ҷумҳурии Тоҷикистон аз 31 декабри соли 2004 № 513 "Дар бораи тасдиқи Низомномаи Кумитаи кор бо занон ва оилаи назди Ҳукумати Ҷумҳурии Тоҷикистон";

- қарори Ҳукумати Ҷумҳурии Тоҷикистон аз 31 августи соли 2006 № 361 "Масъалаҳои Кумитаи кор бо занон ва оилаи назди Ҳукумати Ҷумҳурии Тоҷикистон".