Ҳукумати Ҷумҳурии Тоҷикистон

ҚАРОР

Дар бораи ба Корхонаи воҳиди давлатии кино ва видеои "Тоҷиккино"-и Кумитаи телевизион ва радиои назди Ҳукумати Ҷумҳурии Тоҷикистон табдил додани Иттиҳодияи эҷоди-истеҳсолии "Тоҷиккино"-и Кумитаи телевизион ва радиои назди Ҳукумати Ҷумҳурии Тоҷикистон

Мутобиқи моддаи 58 Кодекси граждании Ҷумҳурии Тоҷикистон ва бо мақсади ба низом даровардани фаъолияти соҳаи кино ва видео Ҳукумати Ҷумҳурии Тоҷикистон қарор мекунад:

1. Иттиҳодияи эҷоди-истеҳсолии "Тоҷиккино"-и Кумитаи телевизион ва радиои назди Ҳукумати Ҷумҳурии Тоҷикистон ба Корхонаи воҳиди давлатии кино ва видеои "Тоҷиккино"-и Кумитаи телевизион ва радиои назди Ҳукумати Ҷумҳурии Тоҷикистон табдил дода шавад.

2. Сархати ҳаштуми Нақшаи идораи Кумитаи телевизион ва радиои назди Ҳукумати Ҷумхурии Тоҷикистон", ки бо қарори Ҳукумати Ҷумҳурии Тоҷикистон аз 26 декабри соли 1997 № 563 "Масъалаҳои Кумитаи телевизион ва радиои иазди Ҳукумати Ҷумҳурии Тоҷикистон" тасдиқ шудааст, дар таҳрири зайл ифода гардад:

"Корхонаи воҳиди давлатии кино ва видеои "Тоҷиккино".

3. Кумитаи телевизион ва радиои назди Ҳукумати Ҷумҳурии Тоҷикистон дар мӯҳлати як моҳ Оинномаи Корхонаи мазкурро таҳия ва тасдиқ намуда, тибқи тартиби муқарраргардида аз қайди давлати гузаронад.