Сархати 1 бо қарори Ҳукумати ҶТ аз 17.01.2001г. № 77 бекор шудааст

ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйироту иловаҳо ба баъзе қарорҳои Ҳукумати Ҷумҳурии Тоҷикистон

Мутобиқи Қонуни Ҷумҳурии Тоҷикистон аз 13 ноябри соли 1998 "Дар бораи асноди меъёрии хуқуқӣ", Хукумати Ҷумҳурии Тоҷикистон қapор мекунад:

1 Дар сархати бисту ҳафтуми банди 5 Низомномаи Кумитаи давлатии қарордод ва савдои Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 26 июни соли 1995 № 435 тасдиқ шудааст, баъди калимаи "фармонҳо" калимаҳои "ва асноди меъёрии ҳуқуқиро дар шакли қарор" илова карда шаванд.

2. Банди 4 қарори Ҳукумати Ҷумҳурии Тоҷикистон аз 20 января соли 1997 № 52 "Дар бораи Феҳрасти давлатии асноди ҳуқуқии Ҷумҳурии Тоҷикистон" дар таҳрири зайл баён карда шавад:

"4. Вазорати адлияи Ҷумҳурии Тоҷикистон Низомномаи тартиби баҳисобгирии давлати ва сабти асноди меъёрии ҳуқуқии Ҷумҳурии Тоҷикистонро барои тасдиқ ба Ҳукумати Ҷумҳурии Тоҷикистон пешниҳод намояд".

3. Дар сархатҳои якум ва дуюми банди 12 Низомномаи Кумитаи давлатии саноати Ҷумҳурии Тоҷикистон,ки бо қарори Ҳукумати Ҷумҳурии Тоҷикистон аз 26 майи соли 1997 № 237 тасдиқ шудааст, баъди калимаҳои "фармону дастуруламал" калимаҳои "ва асноди меъёрию ҳуқуқиро дар шакли қарорҳо" илова карда шаванд.

4. Ба банди 2 Низомномаи Кумитаи давлатии идораи амволи давлатии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 26 августи соли 1997 № 385 тасдиқ шудааст, сархати дуюм бо мазмуни зайл илова карда шавад.

"Кумита дар асос ва ҷиҳати иҷрои Конститутсия, қонунҳои конститутсиони ва қонунҳои Ҷумҳурии Тоҷикистон, фармонҳои меъёрии Президенти Ҷумҳурии Тоҷикистон, карорҳои Ҳукумати Ҷумҳурии Тоҷикистон дар доираи ваколатҳои худ асноди меъёрии ҳуқуқи мебарорад."