Ҳукумати Ҷумҳурии Тоҷикистон

ҚАРОР

Масъалаҳои Ҷамъияти саҳомии шакли кушодаи "Мадади Ҷиргатол"-и барҳамдодашуда

Бо сабаби барҳам дода шудани Ҷамъияти саҳомии шакли кушодаи "Мадади Ҷиргатол" Ҳукумати Ҷумҳурии Тоҷикистон қарор мекунад:

1. Аз замимаи 1 Номгӯи корхонаҳои миёна ва калони дар музоядаҳо бо усули англисӣ хусусигардонидашаванда, ки бо қарори Ҳукумати Ҷумҳурии Тоҷикистон аз 7 ноябри соли 2003 № 486 "Дар бораи Нақшаи стратегии хусусигардонии корхонаҳои миёнаю калон, реструктуризатсияи субъектҳои монополияи табиӣ ва корхонаҳои махсусан калон барои солҳои 2003-2007" тасдиқ карда шудааст, банди 15 хориҷ карда шавад.

2. Бино ва иншооти Ҷамъияти саҳомии шакли кушодаи "Мадади Ҷиргатол"-и барҳамдодашуда тибқи рӯйхати замимагардида ба баланси Кумитаи давлатии ҳифзи Сарҳади давлатии Ҷумҳурии Тоҷикистон гузаронида шаванд.

3. Кумитаи давлатии идораи амволи давлатии Ҷумҳурии Тоҷикистон ба маълумоти баҳисобгирӣ тағйироти дахлдор ворид намояд.

* Замима оварда намешавад.