Оинномаи интизомии мақомоти корҳои дохилии Ҷумҳурии Тоҷикистон

Ин Оиннома моҳияти интизомро дар мақомоти корҳои дохилӣ, намудҳои ҳавасмандгардонӣ ва ҷазоҳои интизомӣ, ҳуқуқи сардорон ҷиҳати татбиқи онҳо, инчунин тартиби арзу шикоятро муайян менамояд.

Фасли I. Муқаррароти умумӣ

1. Интизоми ҳайати қаторӣ ва роҳбарикунандаи мақомоти корҳои дохилӣ аз Конститутсия (Сарқонуни) Ҷумҳурии Тоҷикистон, қонунҳо ва дигар санадҳои меъёрии ҳуқуқии Ҷумҳурии Тоҷикистон ва санадҳои ҳуқуқии байналмилалие, ки онҳоро Ҷумҳурии Тоҷикистон эътироф кардааст, инчунин аз ин Оиннома асос мегирад.

2. Интизоми ҳайати қаторӣ ва роҳбарикунандаи мақомоти корҳои дохилӣ аз қатъӣ ва аниқ риоя намудани тартибу қоидаҳое, ки қонунгузории Ҷумҳурии Тоҷикистон муқаррар кардааст, инчунин аз риояи савганд, оинномаҳо, дастурҳо, шартномаҳо ва фармонҳои роҳбарони бевосита иборат мебошад.

3. Интизом дар мақомоти корҳои дохилӣ дар асоси шуурнокии баланд, боварии қатъӣ ва дарки амиқи қарзи хизмативу масъулияти ҳар як шахси ҳайати қаторӣ ва роҳбарикунанда оид ба ҳифзи саломатӣ, ҳуқуқ ва озодии шаҳрвандон, ҳимояи манфиатҳои ҷамъиятӣ аз сӯиқасдҳои ғайриқонунии ҷиноятӣ ва ғайра иборат мебошад.

4. Усули асосии муваффақ гардидан ба шуурнокии баланди ҳайати шахсии қаторӣ ва роҳбарикунандаи мақомоти корҳои дохилӣ бовар кунонидан мебошад. Вале боваркунонӣ истифодаи чораҳои таъсиррасони маҷбуриро нисбати ашхосе, ки ба иҷрои вазифаҳои хизматии худ бепарвоёна муносибат менамоянд, истисно намекунад.

5. Интизом дар мақомоти корҳои дохилӣ ҳайати қаторӣ ва роҳбарикунандаро вазифадор менамояд, ки:

- ба савганди худ вафодор бошанд, ба таври қатъӣ Конститутсия, қонунҳо ва дигар санадҳои меъёрии ҳуқуқии Ҷумҳурии Тоҷикистон, инчунин санадҳои ҳуқуқии байналмилалие, ки онҳоро Ҷумҳурии Тоҷикистон эътироф кардааст, риоя намоянд;

- талаботи савганд, оинномаҳо ва фармонҳои сардоронро иҷро намоянд, дар ҳар гуна ҳолат қонуниятро риоя кунанд, шахсияти дигаронро эҳтиром намоянд;

- барои муҳофизати ҳуқуқ, озодӣ ва манфиатҳои қонунии шаҳрвандон, давлат аз сӯиқасди ҷинояткорона ва дигар амалҳон зиддиқонунӣ ҳаёти худро дареғ надоранд;

- сирри давлатӣ ва хизматиро қатъиян махфӣ нигоҳ доранд;

- аслиҳа, асбобу анҷом ва техникаи дар ихтиёрашон бударо эҳтиёт намоянд;

-қарзи хизматӣ ва дигар вазифаҳояшонро софдилона иҷро намуда, маҳорати касбии худро доимо такмил диҳанд ва маданияти коргузориро баланд бардоранд;

- барои мустаҳкам намудани интизом ва таъмини тартиботи оинномавӣ ба сардорон мусоидат намоянд, сардорон, ҳамхизматони баландрутбаро эҳтиром кунанд, қоидаи саломи ҳарбӣ додан ва пӯшидани либоси муқарраршударо риоя намоянд;

- берун аз фаъолияти хизматӣ шараф ва обрӯи худро нигоҳ доранд, дар нигоҳдории тартиботи ҷамъиятӣ намуна бошанд;

- принсипҳои зеринро сармашқи фаъолияти худ қарор диҳанд:

а) қонуният;

б) ягонагии системаи мақомоти корҳои дохилӣ ва мутамарказкунонии идораи он;

в) эҳтиром ва риояи ҳуқуқу озодиҳои инсон ва шаҳрванд;

г) адолати иҷтимоӣ ва инсондӯстӣ;

д) яккасардорӣ;

е) баробарии ҳама дар назди қонун;

ж) беҳизбиятӣ.

6. Интизоми қатъӣ дар мақомоти корҳои дохили тавассути амалҳои зерин ба даст оварда мешаванд:

- тарбия намудани сифатҳои баланди корию ахлоқӣ дар ҳайати қаторӣ ва роҳбарикунанда, муносибати бошууронаи онҳо нисбат ба иҷрои қарзи хизматӣ;

- нигоҳдории тартиботи оинномавӣ;

- таъмини риояи бечуну чарои қонуният, серталабии ҳамарӯзаи сардорон нисбат ба тобеони худ, ғамхории доимӣ ба онҳо, ҳурмату эҳтироми шахсияти онон, истифодаи дурусти чораҳои боваркунонӣ ва маҷбуркунӣ.

7. Сардор барои ҳолати интизом дар байни тобеон ҷавобгар мебошад. ӯ бояд барои онҳо дар бобати риояи Конститутсия ва қонунҳои Ҷумҳурии Тоҷикистон бенуқсон иҷро намудани талаботи савганд, оинномаҳо, фармонҳо намуна бошад, дарки қарзи хизматиро дар тобеон ташаккул дода, дастгирӣ намояд, шарафу эътибор, ташаббуси оқилона, кӯшиш, ғайрат ва афзалиятро дар хизмат ҷонибдорӣ намуда, нисбат ба вайронкунандагони қонуният ва интизом ҷазо таъин намояд.

Таваҷҷӯҳи махсуси сардор бояд ба омӯзииши сифатҳои фардии тобеон, мустаҳкам намудани муносибатҳои оинномавии байни онҳо, муттаҳидии коллектив, сари вақт ошкор намудани сабабу шароит, ки ба вайронкунии интизом аз тарафи тобеон ва ба вуҷуд овардани муносибати оштинопазир нисбат ба вайронкунандагони интизом равона карда шавад. Ҳамзамон ӯ бояд қувваи таъсирбахши ҷамъиятии коллективро ҳамаҷониба истифода намояд.

8. Дар вақти интизомро риоя накардани тобеон сардор бояд онҳоро аз хусуси вазифаҳои хизматиашон ёдрас намояд, барои такрор нашудани чунин амал огоҳ кунад, агар лозим ояд вобаста ба вазнинии гуноҳ ба гунаҳкор ҷазои интизомӣ таъин намояд, ё худ ҳуҷҷатҳоро оид ба риоя накардани интизом ба судҳои шарафи ҳайати қаторӣ, миёна ва роҳбарикунандаи мақомоти корҳои дохилӣ пешниҳод намояд.

Маводҳоро барои дида баромадан ба суди шарафи ҳайати қаторӣ, хурд, ҳайати миёна ва болоии роҳбарикунандаи мақомоти корҳои дохилӣ фиристонида, ҳамзамон ба тобеон барои содир намудани ҳамин рафтори ношоям додани ҷазои интизомӣ манъ мебошад.

Сардоре, ки барои барқарор намудани тартиби оинномавӣ чора намебинад ва ё ҳуқуқвайронкуниро пинҳон медорад, мувофиқи ин Оиннома ва дигар фармону дастурамалҳои амалкунанда ба ҷавобгарии интизомӣ кашида мешавад.

9. Мувофиқи Оинномаи мазкур фақат сардорони бевосита ҳуқуқ доранд тобеони худро ҳавасманд гардонанд ё ин ки нисбати онҳо ҷазои интизомӣ таъин намоянд.

Сардорони бевосита сардороне мебошанд, ки ҳайати қаторӣ ва роҳбарикунанда аз тариқи хизмат, муваққатан ҳам бошад, ба онҳо тобеанд.

Сардори ба тобеон аз ҳама наздик сардори бевоситаи ӯ ҳисоб меёбад.

10. Ҳайати қаторӣ ва сардорон, ки аз ҷиҳати хизмат ба якдигар тобеъ нестанд, нисбати ҳамдигар калону хурд буда метавонанд. Калонӣ бо рутбаҳои махсус муайян карда мешавад.

Шахсони баландрутба дар ҳама маврид вазифадоранд, ки аз хурдон риояи интизом, тарзи дурусти пӯшидани либоси расмӣ ва қоидаҳои саломи ҳарбӣ доданро талаб намоянд.

11. Ҳангоми иҷрои муштараки вазифаи хизматӣ ҳайати қаторӣ ва роҳбарикунандае, ки ба якдигар тобеъ нестанд ва муносибатҳои хизматии онҳо аз ҷониби сардор муайян нашудаанд корманде, ки аз ҷиҳати вазифа баландтар аст, нисбати дигар кормандон сардор ҳисоб мешавад. Дар сурати вазифаи кормандон баробар будан, ҳамон корманд сардор ба ҳисоб меравад, ки рутбаи баландтар дошта бошад.

12. Дар вақти муваққатан иҷро намудани вазифае, ки мувофиқи фармон эълон шудааст, сардор аз ҳуқуқҳои вазифаи муваққатан иҷрокардаистодааш истифода мебарад.

13. Фармони сардор бояд бечуну чаро, аниқ ва дар вақташ иҷро шавад.

14. Ҳайати қаторӣ ва роҳбарикунандаи мақомоти корҳои дохилӣ ҳангоми вохӯрӣ бо ҳамдигар аз рӯи тартиби муқаррарнамудаи Оинномаи сафороии Қувваҳои мусаллаҳи Ҷумҳурии Тоҷикистон ва оинномаи мазкур саломи ҳарбӣ медиҳанд.

15. Оинномаи интизомии мазкур ҳамаи ҳайати қаторӣ ва роҳбарикунандаи мақомоти корҳои дохилиро фаро мегирад.

Фасли II Ҳавасмандгардоние, ки нисбат ба ҳайати қаторӣ ва роҳбарикунандаи мақомоти корҳои дохилӣ, шунавандагон ва курсантҳои Академияи Вазорати корҳои дохилии Ҷумҳурии Тоҷикистон татбиқ мешавад

16. Нисбат ба ҳайати қаторӣ ва роҳбарикунанда чораҳои зерини ҳавасмандгардонӣ истифода мешаванд:

-эълон кардани раҳматнома;

-мукофотонидан бо тӯҳфаи қиматбаҳо ва ё маблағи пулӣ;

-ворид намудан ба китоби фахрии Вазорати корҳои дохилӣ;

-ворид намудан ба лавҳаи фахрӣ;

-сарфароз гардондан бо нишони сарисинагии мақомоти корҳои дохилӣ;

-пеш аз мӯҳлат додани рутбаи махсус;

-додани рутбаи махсуси навбатӣ як зина болотар аз рутбае, ки мувофиқи вазифаи штатии ишғол карда пешбинӣ гардидааст;

-мукофотонидан бо яроқи номӣ (дар асоси Қонуни Ҷумҳурии Тоҷикистон "Дар бораи яроқ");

17. Барои хизматҳои шоиста шахсони ҳайати қаторӣ ва роҳбарикунандаи мақомоти корҳои дохилӣ метавонанд ба мукофотҳои давлатӣ пешниҳод гарданд.

18. Барои шунавандагон ва курсантҳои Академияи Вазорати корҳои дохилии Ҷумҳурии Тоҷикистон намудҳои зерини ҳавасмандгардонӣ истифода мешаванд:

-гирифтани расм дар назди парчами афрохташудаи муассисаҳои таълимӣ;

-ба волидайн фиристодани раҳматнома;

-баланд бардоштани ҳаҷми идрорпулӣ;

-пешниҳод намудан рухсатии кӯтоҳмуддат.

19. Ба сифати чораҳои ҳавасмандгардонӣ, инчунин пеш аз муҳлат бекор кардани ҷазои интизомӣ татбиқ карда мешавад.

Фасли III Ҷазоҳои интизомие, ки нисбат ба ашхоси ҳайати қаторӣ ва роҳбарикунандаи мақомоти корҳои дохилӣ, шунавандагон ва курсантҳои Академияи Вазорати корҳои дохилии Ҷумҳурии Тоҷикистон татбиқ карда мешаванд

20. Нисбати шахсони ҳайати қаторӣ ва хурди роҳбарикунанда, шунавандагон ва курсантҳои Академияи Вазорати корҳои дохилии Ҷумҳурии Тоҷикистон метавонанд чунин ҷазоҳои интизомӣ дода шаванд:

-сарзаниш;

-танбеҳ;

-танбеҳи қатъӣ;

-ҳабси маъмурӣ бо нигоҳ доштан дар гаубтвахта то 10 шабонарӯз бо қарори суд, ба ғайр аз занҳое, ки дар мақомоти корҳои дохилӣ хизмат менамоянд;

-маҳрум намудан аз нишони сарисинагии "Аълочии милитсия";

-паст кардан аз вазифаи ишғолнамуда;

-як зина паст кардани рутбаи махсус;

-озод кардан аз мақомоти корҳои дохилӣ.

Эзоҳ: Дар Академияи ВКД Ҷумҳурии Тоҷикистон ба ғайр аз ҷазои дар банди 20-и Оинномаи мазкур номбаршуда ҷазо дар шакли маҳрум намудан аз рухсатии навбатӣ барои аз ҳудуди Академия баромадан ва то 5 супориши ғайринавбатии хизматӣ (наряд) додан (ба истиснои таъин намудан ба посбонӣ ва навбатдорӣ дар қисм) ва ё хориҷ намудан аз муассисаҳои таълимӣ мавриди истифода қарор дода мешавад.

21. Нисбат ба ҳайати миёна ва калони роҳбарикунанда ҷазоҳои интизомии зерин татбиқ карда мешаванд:

-сарзаниш;

-танбеҳ;

-танбеҳи қатъӣ;

-огоҳ намудан аз мувофиқати нокомили хизматӣ;

-озод намудан аз вазифа;

-як зина паст кардани рутбаи махсус;

-маҳрум намудан аз нишони сарисинагии мақомоти корҳои дохилӣ;

-озод кардан аз мақомоти корҳои дохилӣ;

22. Нисбат ба ҳайати олии роҳбарикунанда ҷазоҳои интизомии зерин татбиқ карда мешаванд:

- сарзаниш;

- танбеҳ;

- танбеҳи қатъӣ;

- огоҳ намудан аз мувофиқати нокомили хизматӣ;

- озод намудан аз вазифа;

Фасли IV. Ҳуқуқҳои сардорон оид ба татбиқи чораҳои ҳавасмандгардонӣ ва ҷазои интизомӣ

23. Чораҳои ҳавасмангардонӣ ва ҷазои интизомӣ аз тарафи сардорон ба ҳадди ҳуқуқҳои муайян намудаи Оинномаи мазкур татбиқ карда мешаванд.

24. Агар сардори зинаи поёнии ҳайати каторӣ, миёна ва роҳбарикунанда тобеонашро тавре ҳавасманд кардани бошад, ки аз доираи ҳуқуқҳои ӯ берун аст, дар он сурат дар ин хусус ба сардори бевоситаи болоии худ пешниҳод ирсол менамояд.

25. Агар сардор дар сурати вазнин будани гуноҳи тобеонаш оид ба ҷазо додани онҳо худро камҳуқуқ шуморад, ба сардори бевоситаи болоӣ барои ҷазодиҳии вайронкунандаи интизоми хизматӣ пешниҳодот ирсол менамояд.

26. Сардоре, ки берун аз доираи ҳуқуқҳои худ ҷазои интизомӣ муайян намудааст, мувофиқи ҳамин Оиннома ба ҷавобгарӣ кашида мешавад ва ҷазои додааш аз тарафи худи ӯ ё сардори бевоситаи болоӣ бекор карда мешавад.

27. Сардори болоӣ ҳуқуқ надорад, ки ҷазои интизомии сардорони поёнӣ эълонкардаро бо сабаби қатъӣ будани ҷазо бекор ё сабук намояд, агар охирин аз доираи ҳуқуқҳои ба ӯ додашуда набаромада бошад ва ё ҷазои интизомии муққараргардида ба рафтори ношоями содиркардашуда баробар бошад, ё мувофиқат намояд.

28. Сардори болоӣ ҷазои сардори поёниро метавонад бекор намояд, агар муайян кунад, ки вай аз рӯи сабукӣ ба амали содиркарда мувофиқат намекунад ва метавонад ҷазои сахттарро татбиқ иамояд.

29. Ҷазоҳои интизомии озод кардан аз вазифа ё хориҷ намудан аз мақомоти корҳои дохилиро сардороне медиҳанд, ки ҳуқуқи ба вазифа таъин карданро доранд.

30. Дар сурати интизоми хизматиро риоя накардани ҳайати қаторӣ, миёна ва роҳбарикунанда ҳангоми ҳаракат бо роҳҳои оҳан, ҳавоӣ, баҳрӣ ва ғайра, ҳамчунин ҳангоми сафари хизматӣ сардори мақомоти корҳои дохилии маҳаллӣ, ки аз ин кирдор бохабар шуд, вазифадор аст, ҷиҳати пешгирии қонуншиканӣ чора андешад ва ба ҷои хизмати вайронкунандаи интизоми хизматӣ хабар диҳад.

Фасли V. Тартиби ҳавасманд гардонидан ва ҷазоҳои интизомӣ додан

31. Ҳавасмандгардонӣ бо фармон эълон карда мешавад. Дар бораи ҳавасмандгардонии ҳайати қаторӣ ва роҳбарикунанда бевосита ба худи онҳо, дар саф ё дар маҷлис эълон карда мешавад.

32. Ҷазои интизомӣ бояд ба вазнинии кирдор ва меъёри рафтор мувофиқ бошад. Ҳангоми муайян кардани намуд ва чораи ҷазо ҷиҳатҳои зерин ба назар гирифта мешаванд: хусусияти кирдор, ҳолатҳои содир шудани он, рафтори пештараи вайронкунандаи интизоми хизматӣ, муносибати ӯ ба хизмат.

33. Пеш аз додани ҷазо аз вайронкунандаи интизоми хизматӣ бояд баёноти хаттӣ гирифта шавад. Надодани баёнот вайронкунандаи интизоми хизматиро аз ҷавобгарии интизоми озод намекунад. (Дар ҳолати надодани баёнот аз тарафи вайронкунандаи интизоми хизматӣ шахсе, ки санҷиши хизматӣ мегузаронад бояд маълумотнома тартиб диҳад).

34. Сардор ҳангоми ба тобеон фаҳмонда додани вазифаҳои хизматӣ ва ё додани ҷазо бояд ба паст кардани шаъни ӯ ва дағалӣ роҳ надиҳад.

35. Барои риоя накардани интизом танҳо як ҷазо таъин карда мешавад.

36. Дар сурати интизомро риоя накардани якчанд нафар ба ҳар кадоми онҳо алоҳида ҷазои интизомӣ дода мешавад.

37. Ҷазои интизомии озод намудан аз вазифаи ишғолнамуда ва ё паст кардани дараҷаи рутбаи махсус, одатан дар сурати ба вайронкунандаи интизоми хизматӣ таъсир набахшидани чораҳои дигари ҷазои интизомӣ таъин мегардад.

38. Аз мақомоти корҳои дохилӣ озод намудани шахсони ҳайати қаторию миёна ва роҳбарикунанда ҷазои ниҳоӣ мебошад. Он барои мунтазам риоя накардани интизом ё рафтори ношояме, ки шаъни рутбаи махсуси ҳайати қаторӣ ва роҳбарикунандаро паст мезанад, амалӣ карда мешавад.

39. Ҷазои интизомӣ бояд дар зарфи 10 рӯз баъди ошкор шудан ва хабар ёфтани сардор, дар бораи вайрон кардани интизом, дар сурати гузаронидани санҷиши хизматӣ бошад на дертар аз 10 рӯзи ба итмом расидани он дода шавад.

Вобаста ба дархости суди шараф ҷазои интизомӣ бояд на дертар аз як моҳ аз лаҳзаи ворид гардидани қарори суди шараф татбиқ карда шавад.

40. Ҷазои интизоми ҳангоми беморӣ, дар давраи рухсатии меҳнатӣ ё сафари хизматии шахс, дар вакти таҳсил намудан, ҳамчунин агар аз рӯзи ошкор намудани вайронкунии интизоми хизматӣ як моҳ ё аз натиҷаи ревизия ё тафтиши фаъолияти молиявию хоҷагӣ шаш моҳ гузашта бошад, татбиқ карда намешавад.

Ба як моҳи зикргардида давраи беморӣ, таҳсил, мӯҳлати рухсатии меҳнатӣ ва сафари хизматии корманд дохил намегардад.

41. Ба ҳайати қаторӣ ва роҳбарикунанда, ки ҳангоми навбатдорӣ ва иҷрои хизмати қаровулӣ ва посбонӣ-қаровулӣ интизомро риоя накардаанд, танҳо баъди анҷоми навбатдорӣ ва, ҳамчунин баъди онҳоро иваз намудани шахсони дигар ҷазои интизомӣ дода мешавад.

42. Дар мавридҳои таъхирнопазир ашхоси ҳайати қаторӣ ва роҳбарикунандае, ки интизоми хизматиро вайрон кардаанд, метавонанд аз ҷониби сардори бевосита аз иҷрои вазифаи хизматӣ дур карда шаванд.

43. Ҷазои интизомиро бо фармон эълон мекунанд ё ба ҳайати қаторӣ ва роҳбарикунанда дода шудани ҷазои интизомиро бевосита ба худи онҳо, дар саф ё дар маҷлис эълон мекунанд.

44. Дар ҳолати шикоят кардан аз тарафи вайронкунандаи интизоми хизматӣ иҷрои ҷазои интизомӣ қатъ карда намешавад.

45. Ҷазои интизомие, ки ба корманд мувофиқи фармон дода шудааст, агар дар давоми як сол баъди ҷазо, ҷазои нав нагирифта бошад, бекор карда мешавад. Бо тартиби ҳавасмандгардонӣ ҷазоро метавонад то гузаштани-як сол, вале на пештар аз шаш моҳ, бекор кунанд.

46. Ҷазои интизомиро ба таври истисно пеш аз мӯҳлати муайянкардаи Оинномаи мазкур барои хизматҳои шоиста бекор карда метавонад.

47. Ҷазоро пеш аз мӯҳлат метавонад сардоре, ки онро таъин намудааст ё шахси ба ӯ баробарҳуқуқ ё худ сардори бевоситаи болоӣ бекор кунад.

Сардори бевосита барои бекор кардани ҷазои интизомие, ки аз ҷониби сардори болоӣ дода шудааст ба мақомоти дахлдор пешниҳодот ирсол менамояд.

48. Ҳангоми таъин намудани ҷазои интизомӣ дар шакли паст кардани рутбаи махсус, агар шахси ҷазогирифта бо хизмати намунавӣ ва рафтори бенуқсонаш ислоҳ шуда бошад, рутбаи пештара баъди як сол барқарор карда мешавад.

Номгӯи Ашхоси вазифадор ва ҳуқуқҳои онҳо барои ҳавасмандгардонӣ ва таъин намудани ҷазои интизомӣ

+--+----------------------------+-----------------+------------------ҷ
| №| Номгуи вазифахо            |Хавасманд намудан|   Барои таъин    |
|  |                            |                 | намудани  чазои  |
|  |                            |                 |    интизоми      |
+--+----------------------------+-----------------+------------------+
|1.|Сардорони Раёсати корхои до-|Эълон кардани    |Эълон кардани сар-|
|  |хилии дар наклиёт будаи Ва- |рахматнома, муко-|заниш, танбех,тан-|
|  |зорати корхои дохилии ЧТ,   |фотонидан бо тух-|бехи катъи, як зи-|
|  |макомоти корхои дохилии     |фахои киматбахо  |на паст намудани  |
|  |шахру нохияхо               |ва ё маблаги пули|рутбаи махсус ва  |
|  |                            |ба лавхаи фахри  |аз макомоти корхои|
|  |                            |ворид намудан,бе-|дохили озод наму- |
|  |                            |кор кардани чазои|дани ашхоси хайати|
|  |                            |интизомии пештар |катори ва хурди   |
|  |                            |таъиншуда, пеш аз|рохбарикунанда.   |
|  |                            |мухлат ё як зина |Эълон кардани сар-|
|  |                            |болотар додани   |заниш, танбех,тан-|
|  |                            |рутбаи махсуси   |бехи катъи ба хай-|
|  |                            |навбатии ашхоси  |ати миёна ва кало-|
|  |                            |хайати катори ва |ни рохбарикунанда |
|  |                            |хурди рохбарику- |то сардори шуъбача|
|  |                            |нанда            |                  |
|  |                            |                 |                  |
+--+----------------------------+-----------------+------------------+
|2.|Командирони Полки хадамоти  |Эълон кардани    |Эълон кардани сар-|
|  |посбони ва пайрадории милит-|рахматнома, муко-|заниш, танбех,тан-|
|  |сия, Отряди таъиноти махсуси|фотонидан бо тух-|бехи катъи, як зи-|
|  |милитсия ва Сардори Маркази |фахои киматбахо  |на паст намудани  |
|  |таълимии Вазорати корхои    |ва ё маблаги пули|рутбаи махсус ва  |
|  |дохилии ЧТ                  |бекор кардани ча-|аз макомоти корхои|
|  |                            |зои интизомии    |дохили озод наму- |
|  |                            |пештар таъиншуда,|дани ашхоси хайати|
|  |                            |ба лавхаи фахри  |катори ва хурди   |
|  |                            |ворид намудан,   |рохбарикунанда.   |
|  |                            |пеш аз мухлат ё  |                  |
|  |                            |як зина болотар  |                  |
|  |                            |додани рутбаи    |                  |
|  |                            |махсуси навбатии |                  |
|  |                            |хайати катори ва |                  |
|  |                            |хурди рохбарику- |                  |
|  |                            |нанда            |                  |
|  |                            |                 |                  |
+--+----------------------------+-----------------+------------------+
|3.|Сардорони Сарраёсат, Раёсат-|Эълон кардани    |Эълон кардани сар-|
|  |хои Вазорати корхои дохилии |рахматнома, муко-|заниш, танбех,тан-|
|  |ЧТ, вохиди махсус, Раёсатхои|фотонидан бо тух-|бехи катъи, огох  |
|  |корхои дохилии вилоятхо,    |фахои киматбахо  |намудан аз мувофи-|
|  |шахри Душанбе ва Академияи  |ва ё маблаги пули|кати нокомили хиз-|
|  |Вазорати корхои дохилии ЧТ  |бекор кардани ча-|мати, озод кардан |
|  |                            |зои интизомии    |аз вазифаи ишгол- |
|  |                            |каблан таъиншуда,|намуда, аз макомо-|
|  |                            |ба лавхаи фахри  |ти корхои дохили  |
|  |                            |ворид намудан,   |хорич намудан     |
|  |                            |пеш аз мухлат ё  |(сардоре, ки хуку-|
|  |                            |як рутба боло до-|ки ба кор таъин   |
|  |                            |дани рутбаи мах- |карданро дорад) як|
|  |                            |суси навбати ба  |зина паст намудани|
|  |                            |ашхоси хайати ка-|рутбаи махсуси    |
|  |                            |тори ва хурди    |хайати катори ва  |
|  |                            |рохбарикунанда   |хурди рохбарику-  |
|  |                            |                 |нанда, шунаванда- |
|  |                            |                 |гон ва курсантхои |
|  |                            |                 |Академияи Вазорати|
|  |                            |                 |корхои дохилии ЧТ |
|  |                            |                 |то як мох махрум  |
|  |                            |                 |сохтан аз рухсатии|
|  |                            |                 |баромадан аз худу-|
|  |                            |                 |ди Академияи Вазо-|
|  |                            |                 |рати корхои дохи- |
|  |                            |                 |лии ЧТ ва эълон   |
|  |                            |                 |намудани 5 супори-|
|  |                            |                 |ши (наряд) бенав- |
|  |                            |                 |бати ба мухлати 10|
|  |                            |                 |шабонаруз бо каро-|
|  |                            |                 |ри суд нигохдоштан|
|  |                            |                 |дар махкамаи гар- |
|  |                            |                 |низони. Сардори   |
|  |                            |                 |факулта хукук до- |
|  |                            |                 |рад 5 супориш ва  |
|  |                            |                 |сардори бахш 3 су-|
|  |                            |                 |пориши гайринавба-|
|  |                            |                 |ти (наряд) эълон  |
|  |                            |                 |намояд            |
|  |                            |                 |                  |
|  |                            |                 |                  |
+--+----------------------------+-----------------+------------------+
|4.|Муовини аввали Вазир ва муо-|Хукук доранд, ки нисбат ба хамаи    |
|  |винони Вазири корхои дохилии|шахсони хайати катори ва рохбарику- |
|  |Чумхурии Точикистон         |нандаи макомоти корхои дохили чора- |
|  |                            |хои хавасмандгардони ва чазоро дар  |
|  |                            |хачми пурраи Оинномаи мазкур истифо-|
|  |                            |да намоянд, ба истиснои хукуки муко-|
|  |                            |фотонидан бо яроки номи, пеш аз мух-|
|  |                            |лат додани рутбахои махсуси навбатии|
|  |                            |хайати миёна ва рохбарикунанда, ин- |
|  |                            |чунин як зина паст намудани рутбаи  |
|  |                            |махсуси хайати миёна ва рохбарику-  |
|  |                            |нанда                               |
|  |                            |                                    |
+--+----------------------------+------------------------------------+
|5.|Вазири корхои дохилии ЧТ    |Мувофики Оинномаи мазкур хукук дорад|
|  |                            |хамаи намудхои хавасмандгардони ва  |
|  |                            |чазохои интизомиро таъин намояд     |
|  |                            |                                    |
+--+----------------------------+------------------------------------+

ЭЗОҲ: Ҳайати роҳбарикунандае, ки дар ин номгӯй дохил нашудаанд, хуқуқ доранд барои сарфароз гардонидани тобеон ё ба онҳо таъин намудани ҷазоҳои интизомӣ ба сардори дахлдор дархост пешниҳод намоянд.