Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 26 марти соли 1997 № 123 "Дар бораи тадбирҳои рушду такомули боркашониҳои байналхалқии автомобилӣ дар Ҷумҳурии Тоҷикистон"

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 26 марти соли 1997 № 123 "Дар бораи тадбирҳои рушду такомули боркашониҳои байналхалқии автомобилӣ дар Ҷумҳурии Тоҷикистон" тағйироти зерин ворид карда шаванд:

дар сарлавҳа, матн ва замимаи қарор калимаҳои "байналхалқӣ", "Вазорати нақлиёт ва хоҷагии роҳи Ҷумҳурии Тоҷикистон", "Кумитаи гумруки назди Ҳукумати Ҷумҳурии Тоҷикистон", "Вазорати иқтисод ва робитаҳои иқтисоди хориҷии Ҷумҳурии Тоҷикистон" ва "Ассоциацияи боркашонҳои байналхалқии автомобилии Вазорати нақлиёт ва хоҷагии роҳи Ҷумҳурии Тоҷикистон" мутобиқан ба калимаҳои "байналмилалӣ", "Вазорати нақлиёти Ҷумҳурии Тоҷикистон", "Вазорати даромадҳо ва пардохтҳои давлатии Ҷумҳурии Тоҷикистон" ва "Вазорати иқтисод ва савдои Ҷумҳурии Тоҷикистон" иваз карда шаванд;

дар банди 5 калимаҳои "дар давоми 8 рӯз" ба калимаҳои "дар давоми 15 рӯз" иваз карда шаванд.